བོད་ནང་གི་བོད་མི་ཚོར་སྐྱིད་སྡུག་མཉམ་མྱོང་གི་ལས་འགུལ་ཐེངས་བརྒྱ་དང་བརྒྱད།
སུད་སིར་བོད་ནང་གི་བོད་མི་ཚོར་སྐྱིད་སྡུག་མཉམ་མྱོང་གི་ལས་འགུལ་ཐེངས་བརྒྱ་དང་བརྒྱད། ༠༡།༡༣།༢༡
tibet.net
བོད་མི་ཁྱིམ་ཚང་ལྔ་ཡིས་མཉམ་འབྲེལ་རྒྱལ་ཚོགས་ཀྱི་མདུན་དུ་བོད་ནང་གི་བོད་མི་ཚོར་སྐྱིད་སྡུག་མཉམ་མྱོང་གི་ལས་འགུལ་ཐེངས་བརྒྱ་དང་བརྒྱད་སྤེལ་གནང་འདུག
སུད་སི་ནང་གི་བོད་མི་ཁྱིམ་ཚང་ལྔ་ཡིས་ཕྱི་ཟླ་༡ ཚེས་༡༣ ལྷག་དཀར་ཉིན། སུད་སི་གྲོང་ཁྱེར་ཇི་ནི་ཝའི་ནང་གི་མཉམ་འབྲེལ་རྒྱལ་ཚོགས་ཀྱི་མདུན་དུ་བོད་ནང་གི་བོད་མི་ཚོར་སྐྱིད་སྡུག་མཉམ་མྱོང་གི་ལས་འགུལ་སྤེལ་ཡོད་པ་དང་། དེ་ནི་ད་བར་ལས་འགུལ་སྤེལ་ཐེངས་༡༠༨པ་དེ་ཡིན་པ་རེད།
སུད་སིར་གནས་སྡོད་བོད་མི་ཁྱིམ་ཚང་ལྔས་༢༠༡༢ནས་ཟླ་རེའི་རེས་གཟའ་ལྷག་པ་གཉིས་པ་ནས་བོད་ནང་གི་བོད་མི་ཚོར་སྐྱིད་སྡུག་མཉམ་མྱོང་གི་ལས་འགུལ་འགོ་བཙུགས་གནང་བ་ལྟར། དཔེར་ན་༢༠༡༧ལོར་ཡོ་རོབ་སྤྱི་མཐུན་ཚོགས་པའི་མདུན་དུ་ལས་འགུལ་སྤེལ་བ་སོགས་ཟླ་རེའི་རེས་གཟའ་ལྷག་པ་གཉིས་པ་ནམ་ཡིན་ལ་སུད་སིའི་ས་ཁུལ་འདྲ་མིན་ནང་། རྒྱ་ནག་གི་དྲག་གནོན་འོག་ཏུ་དཀའ་སྡུག་མྱོང་བཞིན་པའི་གཞིས་ལུས་བོད་རིགས་སྤུན་ཟླ་རྣམས་ལ་སྐྱིད་སྡུག་མཉམ་མྱོང་ཞུ་རྒྱུ་དང་། བོད་རྒྱའི་དཀའ་ངལ་གྲོས་མོལ་གྱི་ལམ་ནས་སེལ་ཐབས་སུ་རྒྱལ་སྤྱིའི་ཚོགས་སྡེ་ཁག་ནས་རྒྱབ་སྐྱོར་ཐོབ་ཐབས་ཀྱི་ལས་འགུལ་སྤེལ་བཞིན་ཡོད་པའི་ཁར། སུད་སིའི་མི་དམངས་འཛོམས་འདུས་བྱེད་ཡུལ་ཁག་ཏུ་བོད་དོན་སྐོར་གྱི་ཡིག་ཆ་འགྲེམས་སྤེལ་གནང་སྟེ་བོད་དོན་ཁྱབ་བསྒྲགས་གནང་བཞིན་ཡོད་པ་རེད།
སུད་སིའི་བོད་ཀྱི་སྐུ་ཚབ་དོན་གཅོད་དང་ལས་བྱེད་པ་ཚོས་གཞིས་ལུས་བོད་མིར་སྐྱིད་སྡུག་མཉམ་མྱོང་གི་ལས་འགུལ་སྤེལ་གནང་མཁན་ཁྱིམ་ཚང་ལྔ་ཡི་ཕྱག་ལས་རྗེས་སུ་ཡི་རང་ཞུས་པ་དང་སྦྲགས། སྐྱིད་སྡུག་མཉམ་མྱོང་གི་ལས་འགུལ་ནང་མཉམ་ཞུགས་གནང་སྟེ་གདུང་སེམས་མཉམ་སྐྱེ་ཞུས་ཡོད་པ་སུད་སི་བོད་ཀྱི་སྐུ་ཚབ་དོན་གཅོད་འཆི་མེད་རིག་འཛིན་ལགས་ཀྱིས་ཨེ་ཤེ་ཡ་རང་དབང་རླུང་འཕྲིན་ཁང་ལ་ངོ་སྤྲོད་གནང་ཡོད།
སྐྱིད་སྡུག་མཉམ་མྱོང་གི་ལས་འགུལ་ནང་མཉམ་ཞུགས་གནང་མཁན་བོད་དོན་རྒྱབ་སྐྱོར་བ་(Liz)ལི་ཛི་ཞུ་བས། བོད་ཀྱི་རིག་གཞུང་གི་ཐོག་ནས་ཁོང་ལ་ཕན་ཐོགས་ཆེན་པོ་བྱུང་བ་དང་། སྐྱིད་སྡུག་མཉམ་མྱོང་གི་ལས་འགུལ་ནང་མཉམ་ཞུགས་བྱས་ཏེ་བོད་མི་རིགས་ཀྱི་རྩ་དོན་དང་རིག་གཞུང་མི་ཉམས་རྒྱུན་འཛིན་ཐོག་ལ་རྒྱབ་སྐྱོར་ཕྲན་བུ་ཞིག་ཞུ་ཐུབ་པ་བྱུང་བ་དང་། རྒྱ་ནག་ནི་འགྲོ་བ་མི་རྣམས་ཞི་བདེའི་ངང་འཚོ་གནས་དང་འཆམ་མཐུན་གནས་མ་ཐུབ་པར་ཉེན་ཁ་བཟོ་མཁན་ཞིག་ཡིན་པ་མ་ཟད། རྒྱ་ནག་གཞུང་གིས་བོད་དུམ་བུར་གཏོང་བའི་སྲིད་བྱུས་ལག་བསྟར་བྱེད་པའི་སྐབས་འདིར་བོད་མི་རྣམས་རྡོག་རྩ་གཅིག་སྒྲིལ་བྱ་རྒྱུ་ཧ་ཅང་གལ་ཆེན་པོ་ཡིན་པའི་སྐོར་གསུངས་ཡོད་འདུག
བལྟ་བཤེར་མང་ཤོས་བྱས་པའི་གནས་ཚུལ།
RFA
- བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་གིས་ཨ་རིར་གཞུང་འབྲེལ་ཕྱོགས་ཕེབས་དང་འབྲེལ་ཨ་རིའི་བོད་དོན་དམིགས་བསལ་འབྲེལ་མཐུད་པ་བསྐོ་གཞག་དགོས་པའི་འབོད་སྐུལ་ཞུས་འདུག
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- ཌེ་ལྦེཌ་པར་ཌུ་ལགས་ཨ་རིའི་རྒྱ་ནག་གི་གཞུང་ཚབ་ཆེན་མོར་བསྐོ་གཞག་གནང་གཏན་འཁེལ་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག
- བྱེས་ཀྱི་གདན་ས་བཀྲིས་ལྷུན་པོ་གཙོས་པའི་བོད་མི་གནས་སྡོད་ས་གནས་ཁག་ཏུ་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་འཁྲུངས་སྐར་སྲུང་བརྩི་ཞུས།
- ༸གོང་ས་༸སྐྱབས་མགོན་ཆེན་པོ་མཆོག་གིས་དད་ལྡན་པ་ ༣༠༠ ལྷག་ལ་མང་མཇལ་སྩལ་བ།
- རྒྱ་ནག་དང་རྒྱ་གར་གཉིས་གྲོས་མོལ་གྱིས། རྒྱ་གར་གྱི་གནས་སྐོར་བ་རྣམས་བོད་ནང་གངས་རིན་པོ་ཆེར་གནས་མཇལ་དུ་བསྐྱོད་རྒྱུ་བསྐྱར་དུ་སྒོ་འབྱེད་རྒྱུ་རེད་འདུག
- ལྷོ་ཀོ་རི་ཡའི་མི་སྒེར་གྱི་གནས་ཚུལ་སྲུང་སྐྱོབ་ལྟ་ཞིབ་ཁང་གིས་ཌིབ་སིག་གིས་ལྷོ་ཀོ་རི་ཡའི་མི་ས་ཡ་༡.༥ཡི་གནས་ཚུལ་ཁྲིམས་འགལ་ཐོག་རྐུ་ཁྱེར་བྱེད་བཞིན་པ་གསལ་སྟོན་བྱས་འདུག