རྒྱ་ནག་ནང་རྡོ་སོལ་བསྡོཌ་འདོན་གྱི་ས་སྦུག་ནང་མེ་ཤོར་གྱི་རྐྱེན་ངན།

༄༅༎རེས་གཟའ་སྤེན་པའི་ཉིན་རྒྱ་ནག་གི་ཧེ་ལོང་ཅང་ཞིང་ཆེན་གྱི་གྲོང་ཁྱེར་ཧེ་ཀང་ནང་གི་རྡོ་སོལ་བསྡོགས་འདོན་གྱི་ས་སྦུག་ནང་མེ་ཤོར་གྱི་རྐྱེན་ངན་བྱུང་བའི་ནང་ད་བར་མི་གྲངས་འབོར་༩༢་རྐྱེན་ལམ་དུ་ཕྱིན་པ་མ་ཟད་མི་གྲངས་༡༦་གར་སོང་ཆ་མེད་དུ་གྱུར་སྐོར་ཁ་ས་རྒྱ་ནག་གཞུང་འབྲེལ་ཤིང་ཧྭ་གསར་ལས་ཁང་གིས་གནས་ཚུལ་སྤེལ་འདུག

དེ་ཡང་རེས་གཟའ་སྤེན་པའི་ཉིན་གྲོང་ཁྱེར་ཧེ་ཀང་ནང་གི་རྡོ་སོལ་བསྡོགས་འདོན་ཆེད་འགྲོ་ཡུལ་ས་སྦུག་ནང་མེ་ཤོར་བའི་རྐྱེན་ངན་བྱུང་བའི་སྐབས་སུ་དེའི་ནང་མི་གྲངས་༥༢༨་ཡོད་པ་ནས་མི་གྲངས་༤༢་རྐྱེན་ལམ་དུ་ཕྱིན་པའི་ཁ་སྣོན་དུ་ད་ཆ་ལས་མི་རྐྱེན་ལམ་དུ་ཕྱིན་པའི་གྲངས་འབོར་དེ་ལྡབ་གཉིས་ཙམ་ཕར་ནས་གྲངས་༩༢་ལ་སླེབས་ཡོད་པ་དང་མི་གྲངས་༡༦་གར་སོང་ཆ་མེད་དུ་གྱུར་འདུག་ལ་ ད་རེས་ཀྱི་རྐྱེན་ངན་བྱུང་བའི་གནས་ཚུལ་དེ་ནི་འདས་པའི་ལོ་གཉིས་རིང་རྡོ་སོལ་བསྡོགས་འདོན་དང་འབྲེལ་བའི་རྐྱེན་ངན་བྱུང་བ་ཚབས་ཆེ་ཤོས་དེ་ཡིན་པ་དང་རྒྱ་ནག་ནང་ནུས་ཤུཌ་མཁོ་འདོན་ཆེད་དུ་རྡོ་སོལ་བསྡོགས་འདོན་ཤུགས་ཆེ་བྱེད་ཀྱི་ཡོད་པ་མ་ཟད་དེས་མིའི་ཚེ་སྲོག་མང་པོ་ཤོར་གྱི་ཡོད་སྟབས་མངའ་སྡེའི་སྤྱི་ཁྱབ་ལི་ཀྲན་ཤུ་ཡིས་རྒྱ་ནག་གཞུང་གིས་རྡོ་སོལ་ལས་གཞིའི་འཛིན་སྐྱོང་ཚཌ་ཚུད་དུ་གཏོང་དགོས་པའི་འབོད་སྐུལ་ཞུས་འདུག རེས་གཟའ་སྤེན་པའི་ཉིན་གོང་ཞུས་རྐྱེན་ངན་དེ་བྱུང་བའི་རྗེས་སུ་ཤིན་ཤིང་གི་རྡོ་སོལ་བསྡོགས་འདོན་གྱི་འགན་འཛིན་དང་འགན་འཛིན་གཞོན་པ་དེ་བཞིན་འཆར་བཀོད་ལས་དོན་གྱི་འགོ་གཙོ་ཡང་གནས་དབྱུངས་བཏང་བའི་སྐོར་མིང་འབོད་བྱེད་འདོད་མེད་པའི་ལས་མི་ཞིག་གིས་ཨེ་པི་གསར་ལས་ཁང་ལ་བརྗོད་ཡོད་པའི་གནས་ཚུལ་སྤེལ་འདུག།