རང་སྐྱོང་ཐོབ་ཐབས་བྱ་རྒྱུ་ང་ཚོའི་ཆབ་སྲིད་ཀྱི་འགན་ཡིན།
2017.03.31
སྲིད་སྐྱོང་བློ་བཟང་སེང་གེ་མཆོག་རྒྱ་གར་བྱང་ཕྱོགས་སྡེ་ར་རྡུན་དུ། ༢༠༡༧།༣།༣༠
tibet.net
བོད་ལ་མིང་དོན་མཚུངས་པའི་རང་སྲིད་རང་སྐྱོང་ཐོབ་ཐབས་བྱ་རྒྱུ་དེ་ང་ཚོའི་ཆབ་སྲིད་ཀྱི་འགན་འཁྲི་རྩ་ཆེ་ཤོས་ཡིན་ཅེས་སྲིད་སྐྱོང་གིས་གསུངས་འདུག
དེ་ཡང་བོད་མིའི་སྒྲིག་འཛུགས་ཀྱིས་གནས་ཚུལ་སྤེལ་དོན། འདི་ཚེས་༣༠ ཉིན་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་རྒྱ་གར་བྱང་ཕྱོགས་སྡེ་ར་རྡུན་ཁུལ་གྱི་མ་སུ་རི་བོད་ཁྱིམ་ཡན་ལག་སློབ་གྲྭ་གྷོ་རི་མ་ཕི་(Gohri Mafi) ཞེས་པར་ཕེབས་སྐབས་བཀའ་ཤག་སྐབས་༡༥ བའི་ལྔ་དང་ལྔ་བཅུའི་འཐབ་བྱུས་སྐོར་གསལ་བཤད་གནང་ཞིང་། སྲོད་སྐྱོང་བློ་བཟང་སེངྒེ་མཆོག་གིས་ལྔ་དང་ལྔ་བཅུའི་འཐབ་བྱུས་ཀྱིས་འབྱུང་འགྱུར་ལོ་ལྔའི་ནང་དབུ་མའི་ལམ་གཞིར་བཞག་ཐོག་བོད་ལ་མིང་དོན་མཚུངས་པའི་རང་སྲིད་རང་སྐྱོང་ཐོབ་ཐབས་བྱ་རྒྱུ་དེ་ང་ཚོའི་ཆབ་སྲིད་ཀྱི་འགན་འཁྲི་རྩ་ཆེ་ཤོས་དེ་རེད། བོད་ལ་མིང་དོན་མཚུངས་པའི་རང་སྲིད་རང་སྐྱོང་ཐོབ་པ་ཡིན་ན་འགྲིག་གི་འདུག འདི་ལོ་ལྔའི་འཐབ་བྱུས་རེད་གལ་ཏེ་ད་དུང་ལོ་ལྔ་བཅུ་ལྷག་པ་ཡིན་ན། ང་ཚོ་འཚོ་གནས་ཐུབ་པའི་འཆར་གཞི་དང་འཐབ་ཇུས་ཞིག་ཀྱང་དགོས་ཀྱི་རེད་ཅེས་གསུངས་འདུག
ཡང་སློབ་ཕྲུག་ཚོར་བཀའ་སློབ་གནང་བའི་སྐབས་སྲིད་སྐྱོང་གིས། བློ་ཕམ་པ་ཞིག་ལ་སློབ་གྲྭ་ཁག་གཅིག་གི་ནང་བུད་མེད་ལ་སློབ་གྲྭའི་དགེ་རྒན་ལས་བྱེད་ཀྱིས་བཙན་གཡེམ་བྱས་པའི་གནས་ཚུལ་ཡོང་གི་འདུག འདི་ཧ་ལས་པའི་ཐབས་སྐྱོ་བོ་རེད། བཀའ་ཤག་གི་ངོས་ནས་གནས་ཚུལ་འདི་རིགས་ལ་དུས་ནམ་ཡང་བཟོད་སྲན་བྱེད་རྒྱུ་མིན་པ་དེ་གསལ་པོར་བརྗོད་རྒྱུ་ཡིན་ཅེས་དང་། དེ་འདྲའི་གནས་ཚུལ་མ་འོངས་པར་བྱུང་ན་དགེ་རྒན་དང་ལས་བྱེད་སུ་ཡིན་ནའང་འཕྲལ་དུ་ཉེན་རྟོག་པར་རྩིས་སྤྲད་དེ་བཙོན་འཇུག་བྱེད་རྒྱུ་རེད་མ་གཏོགས་ཐབས་གཞན་གང་ཡང་མེད་པ་རེད་ཅེས་གསུངས་འདུག
གསར་འགོད་པ་ཀརྨ་རྒྱ་མཚོ།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཁྲིམས་ཁང་གིས་ཨེ་ཤེ་ཡ་རང་དབང་རླུང་འཕྲིན་ཁང་གི་མ་དངུལ་མཁོ་སྤྲོད་དགོས་པའི་ཁྲིམས་ཀྱི་ཐག་གཅོད་ལ་ཨེ་ཤེ་ཡ་རང་དབང་རླུང་འཕྲིན་ཁང་གིས་དགའ་བསུ་ཞུས།
- ཨ་མི་རི་ཀའི་སྲིད་འཛིན་གཞོན་པ་ཇེ་ཊི་ཝེན་སི་མཆོག་གིས་རྒྱ་གར་ནང་གཟིགས་སྐོར་དང་ཆབས་ཅིག རྒྱ་གར་གྱིས་རྒྱ་ནག་ནས་ནང་འདྲེན་གྱི་དྭངས་ལྕགས་རིགས་ལ་སྒོ་ཁྲལ་བརྒྱ་ཆ་ ༡༢ སྤར་ཡོད་པ།
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- ༸གོང་ས་༸སྐྱབས་མགོན་ཆེན་པོ་མཆོག་གིས་ཤེས་ལྡན་རྒྱ་ནག་མི་སེར་རྣམས་ཀྱིས་བོད་དོན་ཐོག་བསམ་བློ་གཏོང་ཕྱོགས་ནི་བོད་དོན་འཐབ་རྩོད་ཁྲོད་གལ་གནད་ཅན་ཞིག་ཡིན་ཞེས་བཀའ་སྩལ་མཛད་ཀྱི་ཡོད་པ།
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག
- བྱེས་ཀྱི་གདན་ས་བཀྲིས་ལྷུན་པོ་གཙོས་པའི་བོད་མི་གནས་སྡོད་ས་གནས་ཁག་ཏུ་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་འཁྲུངས་སྐར་སྲུང་བརྩི་ཞུས།
- བྱིས་པ་ཚོས་དགའ་མོས་ཆེན་པོ་བྱ་ཡུལ་པེ་པ་པིག་ཅེས་པའི་འགུལ་བརྙན་བོད་སྐད་ནང་འདོན་སྤེལ་གནང་གི་འདུག
- རྒྱ་ནག་དང་རྒྱ་གར་གཉིས་གྲོས་མོལ་གྱིས། རྒྱ་གར་གྱི་གནས་སྐོར་བ་རྣམས་བོད་ནང་གངས་རིན་པོ་ཆེར་གནས་མཇལ་དུ་བསྐྱོད་རྒྱུ་བསྐྱར་དུ་སྒོ་འབྱེད་རྒྱུ་རེད་འདུག