སྲིད་སྐྱོང་མཆོག་གིས་བོད་མིའི་ཚབ་བྱས་ནས་ཐུགས་གསོ་གནང་བ།

སྲིད་སྐྱོང་བློ་བཟང་སེངྒེ་མཆོག་གིས་རྒྱ་གར་གྱི་སྲིད་འཛིན་པརཱ་ནཝ་མུ་ཁཱར་ཇིའི་སྐུ་ཟླ་ཚེ་མ་ཟིན་བར་ཐུཊ་གསོའི་འཚམས་འཕྲིན་གནང་བ།
དེ་ཡང་གནས་ཚུལ་ལྟར་ན། རྒྱ་གར་སྲིད་འཛིན་Pranab Mukherjeeཡི་སྐུ་ཟླ་ལྕམ་སུར་ཝ་མུ་ཁཱར་ཇི་Suvra Mukherjeeརྒྱུན་རིང་ནད་མནར་གྱི་འོག་ཕྱི་ཟླ་བརྒྱད་པའི་ཚེས་༡༨ཉིན་སྐུ་གཤེགས་པ་དང་། སྲིད་སྐྱོང་བློ་བཟང་སེངྒེ་མཆོག་གིས་གནང་པའི་གསུང་འཕྲིན་གྱི་ནང་། ལྕམ་སུར་ཝ་མུ་ཁཱར་ཇི་སྐུ་ཚེ་མ་ཟིན་པའི་གནས་ཚུལ་ཤེས་རྟོགས་བྱུང་བར་ཧ་ཅང་གི་བློ་ཕམ་བྱུང་ཞེས་དང་། ཁོང་ནི་ཕུལ་བྱུང་གི་གཞས་མ་ཞིག་དང་། རི་མོ་བ། རྩོམ་པ་པོ་ཞིག་ཡིན་ལ། དེ་ལས་ལྷག་པ་ཁོང་གི་ཁྱད་ཆོས་གཙོ་བོ་ནི་སྐུ་ཉིད་ཀྱི་སྤྱི་ཚོགས་ཞབས་ཞུའི་ཆོད་སེམས་དེ་ཡིན་པས། ཁོང་ནི་རྒྱབ་སྐྱོར་གྱི་འབྱུང་རྩ་ཡིན་པར་གུས་བརྩི་ཆེན་པོ་ཞུ་བཞིན་ཡོད་ཅེས་དང་།
ཁོང་སྐུ་ཚེ་མ་ཟིན་པའི་ཡིད་སྐྱོའི་དུས་ཚོད་འདིའི་སྐབས། ངས་དབུས་བོད་མིའི་སྒྲིག་འཛུགས་དང་བོད་མི་ཡོངས་རྫོགས་ཀྱི་ཚབ་ཞུས་སྟེ་ཁྱེད་དང་ཁྱེད་ཀྱི་ནང་མི་སྐུ་འཁོར་ཡོངས་ལ་སྙིང་ཐག་པ་ནས་ཐུགས་གསོ་དང་། གདུང་སེམས་མཉམ་སྐྱེ་ཞུ་གི་ཡོད་ཅེས་འཁོད་འདུག

གསར་འགོད་པ་འཇམ་དཔལ་ཕུན་ཚོགས།