རྒྱ་གར་གྱི་དམག་མིའི་དཔའ་རྟགས་རིམ་པ་གསུམ་པ་ Shaurya Chakra བཞེས་མྱོང་མཁན་ཟླ་བ་ལགས་ཀྱིས། རང་གི་མི་ཚེའི་ལོ་རྒྱུས་མཐོང་ཐོས་མྱོང་གསུམ་ཞེས་པ་ཞིག་འགྲེམས་སྤེལ་གནང་བ།
༧གོང་ས་༧སྐྱབས་མགོན་ཆེན་པོ་མཆོག་ལ་ཕྱི་ཟླ་ ༡༢ ཚེས་ ༢༧ ཉིན་མཇལ་བཅར་གྱི་པར་ཕུད་ཕུལ་པའི་སྐབས།
OHHDL
བཞུགས་སྒར་དུ་རྟེན་གཞི་བྱས་པའི་དབུས་གཙང་ཆོལ་ཁའི་དབུས་སྤྱི་ཁྱབ་རྒྱུན་ལས་ཁང་གིས་གོ་སྒྲིག་གནང་བ་བརྒྱུད། རྒྱ་གར་གྱི་དྭང་སློབ་དམག་སྒར་ནང་ཆབ་སྲིད་འགོ་ཁྲིད་ (Political Leader) དང་དམག་དཔོན་སོགས་གནང་མྱོང་བ་དང་། ལྷག་པར་རྒྱ་གར་གྱི་དམག་མིའི་ཞི་བདེའི་དུས་སྐབས་ཀྱི་བློས་གཏོང་སྙིང་སྟོབས་མཚོན་པའི་དཔའ་བོའི་གཟེངས་རྟགས་རིམ་པ་གསུམ་པ་ཤོརྱ་ཅཀ་ར་ (Shaurya Chakra) བཞེས་མྱོང་མཁན། བོད་མི་བགྲེས་སོང་ཟླ་བ་ལགས་ཀྱིས་རང་གི་མི་ཚེའི་ལོ་རྒྱུས་མཐོང་ཐོས་མྱོང་གསུམ་ཞེས་པ་བྲིས་ཏེ་ཕྱི་ལོ་ ༢༠༢༤ ཟླ་ ༡༢ ཚེས་ ༢༨ ཉིན་བཞུགས་སྒར་རྡ་རམ་ས་ལར་དབུ་འབྱེད་ཀྱི་མཛད་སྒོའི་ཐོག་འགྲེམས་སྤེལ་གནང་ཡོད་ཅིང་། སྐབས་དེར་སྐུ་མགྲོན་གཙོ་བོར་ཕེབས་པ་བོད་མི་མང་སྤྱི་འཐུས་ཚོགས་གཙོ་གཞོན་པ་སྒྲོལ་མ་ཚེ་རིང་ལགས་ནས། བོད་མི་ཤ་སྟག་ལས་གྲུབ་པའི་རྒྱ་གར་གྱི་མཐའ་སྲུང་དྭང་སློབ་དམག་སྒར་གྱི་བོད་དམག་ཚོས་བྱས་རྗེས་དཔའ་རྟགས་བཞག་པར་ཆེ་མཐོང་བསྔགས་བརྗོད་དང་འབྲེལ། བོད་མི་ཚོས་སོ་སོ་རང་གི་མི་ཐོག་དེའི་སྤོ་བོ་རྨོ་མོ་སོགས་ཕ་རྒྱུད་མ་རྒྱུད་རྣམ་པར་དཀའ་ངལ་འཕྲད་པ་རྣམས་རང་གི་མི་ཐོག་དེའི་ཡིག་ཐོག་ཏུ་བཞག་ཐུབ་ན། མི་རིགས་ཀྱི་ལ་རྒྱ་དང་བོད་མི་རིགས་ཀྱི་ཞེན་ཁོག་གམ་ན་ཟུག་བཅས་བསུབ་ཐབས་མེད་པར་སྡོད་ངེས་རེད་ཅེས། ཟླ་བ་ལགས་ཀྱི་སྐུ་ཚེའི་ལོ་རྒྱུས་ལ་གདེང་འཇོག་གནང་གི་འདུག
བོད་རིགས་དམག་དཔོན་ཟླ་བ་ལགས་ཀྱིས་ཁོང་གི་མི་ཚེའི་ལོ་རྒྱུས་དེའི་ནང་དྭང་སློབ་འདས་གསོན་གཉིས་ཀྱིས་ཁྲག་དང་རྔུལ་ཆུས་དཀའ་ལས་བརྒྱབས་ཏེ། ཕ་ཡུལ་གཉིས་པ་རྒྱ་གར་གཞུང་དམངས་གཉིས་ཀྱི་ས་ཡུལ་སྲུང་སྐྱོབ་ཀྱི་ཆེད་དམག་འཁྲུག་རིམ་པར་བྱས་པ་རྣམས་ནག་གསུབ་མི་འགྲོ་བའི་དོན་དུ་མི་ཚེའི་ལོ་རྒྱུས་དེའི་ནང་ཞིབ་ཏུ་བྲིས་ཡོད་པས། དྭང་སློབ་དམག་ཞབས་ཚོས་དམག་དཔུང་ནང་ཞབས་འདེགས་ཇི་ཞུས་དང་བོད་པའི་སྐྱིད་སྡུག་དོན་དུ་ཞབས་ཞུ་གང་སྒྲུབ་པ་གསལ་བོ་ཤེས་ཐུབ་པ་ངོ་སྤྲོད་གནང་གི་འདུག
དབུས་གཙང་སྤྱི་འཐུས་ཟླ་བ་ཚེ་རིང་ལགས་ནས་གཙོ་བོ་མི་ཚེ་གཅིག་གི་རིང་བསམ་རྒྱུ་༧སྐྱབས་མགོན་རིན་པོ་ཆེ་དང་དྲན་རྒྱུ་བོད་སྤྱི་དོན་མ་གཏོགས་མེད་པའི་ཕྱག་ལས་གནང་མཁན་ཚོར། མདོ་སྟོད་སྨད་སོགས་སུའི་མི་ཡིན་ནའང་ང་ཚོ་ཚང་མས་ཆེ་བསྟོད་དང་བཀའ་དྲིན་རྗེས་དྲན་ཞུ་རྒྱུ་ནི་ང་ཚོའི་ལས་འགན་རེད་ཅེས་གསལ་སྟོན་གནང་གི་འདུག
དྭང་སློབ་དམག་སྒར་གྱི་ཆབ་སྲིད་འགོ་ཁྲིད་དང་དམག་དཔོན་ཟླ་བ་ལགས་ནི། བོད་དབུས་གཙང་ལྷོ་ཁ་ས་གནས་སུ་སྐྱེས་ཏེ་སྤྱི་ལོ་ ༡༩༥༩ ལོར་བཙན་བྱོལ་དུ་ཡོང་མཁན་ཐོག་མའི་གྲས་དང་། རྒྱ་གར་ནང་ཐོག་མར་ཌ་ལ་ཧོ་སི་བཟོ་གྲྭའི་འགན་འཛིན་དང་དྭང་སློབ་དམག་སྒར་ནང་ལོ་ ༣༠ ལྷག་རིང་ཞབས་ཞུ་སྒྲུབ་མྱོང་བ་ཞིག་ཡིན་པ་མ་ཟད། དམག་ཞབས་ནས་བགྲེས་ཡོལ་ཕེབས་ཟིན་རྗེས་རྒྱ་གར་ལྷོ་ཕྱོགས་སྦེལ་ཀོབ་བདེ་སྐྱིད་སླར་གསོའི་ས་གནས་འགོ་འཛིན་ཡང་གནང་ཡོད་པ་རེད།།
གསར་འགོད་པ། བློ་བྷེ།
རྩོམ་སྒྲིག་པ། བདེ་སྐྱིད་ཀུན་སྒྲོལ།
དྲྭ་ཐོག་སྤེལ་མཁན། བདེ་སྐྱིད་ཀུན་སྒྲོལ།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཁྲིམས་ཁང་གིས་ཨེ་ཤེ་ཡ་རང་དབང་རླུང་འཕྲིན་ཁང་གི་མ་དངུལ་མཁོ་སྤྲོད་དགོས་པའི་ཁྲིམས་ཀྱི་ཐག་གཅོད་ལ་ཨེ་ཤེ་ཡ་རང་དབང་རླུང་འཕྲིན་ཁང་གིས་དགའ་བསུ་ཞུས།
- ཨ་མི་རི་ཀའི་སྲིད་འཛིན་གཞོན་པ་ཇེ་ཊི་ཝེན་སི་མཆོག་གིས་རྒྱ་གར་ནང་གཟིགས་སྐོར་དང་ཆབས་ཅིག རྒྱ་གར་གྱིས་རྒྱ་ནག་ནས་ནང་འདྲེན་གྱི་དྭངས་ལྕགས་རིགས་ལ་སྒོ་ཁྲལ་བརྒྱ་ཆ་ ༡༢ སྤར་ཡོད་པ།
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་ཤེས་ལྡན་རྒྱ་ནག་མི་སེར་རྣམས་ཀྱིས་བོད་དོན་ཐོག་བསམ་བློ་གཏོང་ཕྱོགས་ནི་བོད་དོན་འཐབ་རྩོད་ཁྲོད་གལ་གནད་ཅན་ཞིག་ཡིན་ཞེས་བཀའ་སྩལ་མཛད་ཀྱི་ཡོད་པ།
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག
- བྱེས་ཀྱི་གདན་ས་བཀྲིས་ལྷུན་པོ་གཙོས་པའི་བོད་མི་གནས་སྡོད་ས་གནས་ཁག་ཏུ་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་འཁྲུངས་སྐར་སྲུང་བརྩི་ཞུས།
- བྱིས་པ་ཚོས་དགའ་མོས་ཆེན་པོ་བྱ་ཡུལ་པེ་པ་པིག་ཅེས་པའི་འགུལ་བརྙན་བོད་སྐད་ནང་འདོན་སྤེལ་གནང་གི་འདུག
- རྒྱ་ནག་དང་རྒྱ་གར་གཉིས་གྲོས་མོལ་གྱིས། རྒྱ་གར་གྱི་གནས་སྐོར་བ་རྣམས་བོད་ནང་གངས་རིན་པོ་ཆེར་གནས་མཇལ་དུ་བསྐྱོད་རྒྱུ་བསྐྱར་དུ་སྒོ་འབྱེད་རྒྱུ་རེད་འདུག