༧རྒྱལ་མཆོག་ཚངས་དབྱངས་རྒྱ་མཚོའི་གཟིམ་ཁང་གསར་རྙེད་བྱུང་བ།
2015.01.09
༧རྒྱལ་མཆོག་སྐུ་ཕྲེང་དྲུག་པ་ཚངས་དབྱངས་རྒྱ་མཚོ་མཆོག་སྐུ་ན་ཆུང་དུས་འཚར་ལོངས་བྱུང་སའི་གཟིམ་ཤག་གཉིས་གསར་རྙེད་བྱུང་འདུག
དེ་ཡང་ཚེས་༩ཉིན་རྒྱ་གར་གྱི་PTI གསར་ལས་ཁང་གིས་རྒྱ་ནག་གི་གཞུང་འབྲེལ་ཤིན་ཧ་གསར་ལས་ཁང་གི་གནས་ཚུལ་ལུང་འདྲེན་བྱས་པར་ལྟར་ན། རྒྱ་གར་དང་འབྲུག་གི་ཉེ་འགྲམ་བོད་ཀྱི་ས་ཁུལ་ཞིག་ནས་༧རྒྱལ་མཆོག་སྐུ་ཕྲེང་དྲུག་པ་ཚངས་དབྱངས་རྒྱ་མཚོ་མཆོག་སྐུ་ན་ཆུང་དུས་སྐབས་འཚར་ལོངས་གནང་སའི་གཟིམ་ཁང་གཉིས་རྙེད་སོན་བྱུང་ཡོད་ལུགས་དང་། གནས་ཚུལ་དེས་ཁོང་སྐུ་འཚོ་བཞུགས་སྐབས་དང་། རྗེས་སུ་གློ་བུར་དགོངས་པ་ཆོས་དབྱིངས་སུ་ཕེབས་ཚུལ་བཅས་ཀྱི་སྐོར། གནས་ཚུལ་གསར་པ་ཁ་གསལ་ཤེས་རྟོགས་ཐུབ་རྒྱུའི་ཕན་རླབས་ཡོད་སྐོར། བོད་རང་སྐྱོང་ལྗོངས་སྤྱི་ཚོགས་ཚན་རིག་ཁང་གི་གཙོ་འཛིན་གཞོན་པ་པ་སངས་ནོར་བུ་ཞེས་པའི་བརྗོད་འདུག རྒྱལ་མཆོག་སྐུ་ཕྲེང་དྲུག་པ་ཚངས་དབྱངས་རྒྱ་མཚོ་མཆོག་ ༡༦༨༣ལོར་འཁྲུངས་ཡོད་པ་དང་། ༡༦༩༧ལོར་༧རྒྱལ་དབང་སྐུ་ཕྲེང་ལྔ་པའི་ཡང་སྲིད་དུ་ངོས་འཛིན་གྱིས་ཕོ་བྲང་པོ་ཏཱ་ལར་ཁྲི་སྟོན་མ་ཞུས་བར། མཚོ་སྣ་རྫོང་དུ་བཞུགས་ཡོད་པ་རེད། ད་རེས་གསར་རྙེད་བྱུང་བའི་གནས་ཚུལ་ནང་གསལ་ལྟར་ན། ཚངས་དབྱངས་རྒྱ་མཚོ་མཆོག་རྒྱལ་མཆོག་སྐུ་ཕྲེང་ལྔ་པའི་ཡང་སྲིད་དུ་ངོས་འཛིན་མ་ཞུས་གོང་། གང་ཉིད་མཚོ་སྣ་རྗོང་དུ་ཤིང་དང་རྡོ་རྩིག་བྱས་པའི་ཁང་པ་ཐོག་རྩེགས་གཉིས་ཅན་ཞིག་ནང་འཚར་ལོངས་བྱུང་ཡོད་པ་དང་། ༡༩༥༩ལོར། རྒྱ་ནག་གིས་བོད་བཙན་བཟུང་བྱས་རྗེས་གཟིམ་ཁང་དེ་བཞིན་སྒེར་བདག་ཅན་དུ་གྱུར་ཏེ་གོག་ཧུལ་དུ་གྱུར་ཡོད་འདུག ད་ཆ་མཚོ་སྣ་རྗོང་དུ་ཡོད་པའི་རྒྱལ་མཆོག་སྐུ་ཕྲེང་དྲུག་པའི་གཟིམ་ཁང་དེ། རྒྱ་ནག་གཞུང་གིས་ས་གནས་ཀྱི་གནའ་ཤུལ་གཅེས་ནོར་ཁོངས་སུ་ངོས་འཛིན་བདག་གཅེས་བྱེད་བཞིན་ཡོད་ལུགས་བཀོད་འདུག་པ་མ་ཟད། གཟིམ་ཁང་དེ་བཞིན་རྒྱལ་མཆོག་སྐུ་ཕྲེང་དྲུག་པ་ཚངས་དབྱངས་རྒྱ་མཚོ་མཆོག་གིས་ནང་ཆོས་སྐོར་ཐོག་མར་བསླབ་པ་སློབ་གཉེར་གནང་སའི་གཟིམ་ཁང་དེ་ཡིན་ལུགས་ཀྱང་བརྗོད་འདུག
གསར་འགོད་པ་དོན་གྲུབ་རྣམ་རྒྱལ།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་གིས་ཨ་རིར་གཞུང་འབྲེལ་ཕྱོགས་ཕེབས་དང་འབྲེལ་ཨ་རིའི་བོད་དོན་དམིགས་བསལ་འབྲེལ་མཐུད་པ་བསྐོ་གཞག་དགོས་པའི་འབོད་སྐུལ་ཞུས་འདུག
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- བྱེས་ཀྱི་གདན་ས་བཀྲིས་ལྷུན་པོ་གཙོས་པའི་བོད་མི་གནས་སྡོད་ས་གནས་ཁག་ཏུ་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་འཁྲུངས་སྐར་སྲུང་བརྩི་ཞུས།
- ཌེ་ལྦེཌ་པར་ཌུ་ལགས་ཨ་རིའི་རྒྱ་ནག་གི་གཞུང་ཚབ་ཆེན་མོར་བསྐོ་གཞག་གནང་གཏན་འཁེལ་འདུག
- རྒྱ་ནག་དང་རྒྱ་གར་གཉིས་གྲོས་མོལ་གྱིས། རྒྱ་གར་གྱི་གནས་སྐོར་བ་རྣམས་བོད་ནང་གངས་རིན་པོ་ཆེར་གནས་མཇལ་དུ་བསྐྱོད་རྒྱུ་བསྐྱར་དུ་སྒོ་འབྱེད་རྒྱུ་རེད་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་དད་ལྡན་པ་ ༣༠༠ ལྷག་ལ་མང་མཇལ་སྩལ་བ།
- ལྷོ་ཀོ་རི་ཡའི་མི་སྒེར་གྱི་གནས་ཚུལ་སྲུང་སྐྱོབ་ལྟ་ཞིབ་ཁང་གིས་ཌིབ་སིག་གིས་ལྷོ་ཀོ་རི་ཡའི་མི་ས་ཡ་༡.༥ཡི་གནས་ཚུལ་ཁྲིམས་འགལ་ཐོག་རྐུ་ཁྱེར་བྱེད་བཞིན་པ་གསལ་སྟོན་བྱས་འདུག