མཚོ་བོད་ལྕགས་ལམ་གཞི་རྩེ་བར་བསྐྲུན་ཟིན་འདུག
2014.07.23
མཚོ་བོད་ལྕགས་ལམ་བརྒྱུད་ལྷ་སར་ཡོང་མཁན་གྱི་རྒྱ་མི་གཉིས།
དྲ་བཤུས། Aygulmipo
ལྷ་ས་ནས་གཞིས་ཀ་རྩེ་བར་གྱི་ལྕགས་ལམ་གསར་བསྐྲུན་ཟིན་པ་ཟླ་བ་རྗེས་མ་ནས་འགོ་འཛུགས་བྱ་རྒྱུ་ཡིན་པའི་གནས་ཚུལ་སྤེལ་འདུག
དེ་ཡང་རྒྱ་ནག་མི་མང་ཉིན་རེའི་གསར་ཤོག་གིས་གནས་ཚུལ་སྤེལ་དོན། མཚོ་བོད་མེ་འཁོར་ལྕགས་ལམ་གྱི་ཆ་ཤས་ལྷ་ས་ནས་གཞིས་ཀ་རྩེ་བར་གྱི་མེ་འཁོར་ལྕགས་ལམ་གསར་བསྐྲུན་ཟིན་པ་ཚེས༢༢ཉིན་ཚོད་ལྟ་བྱས་ཏེ་ལྕགས་ལམ་གསར་པའི་ཐོག་མེ་འཁོར་འགྲོ་རྒྱུག་དངོས་སུ་ཟླ་བ་རྗེས་མ་ནས་འགོ་འཛུགས་བྱ་རྒྱུ་ཡིན་སྐོར་སྤེལ་ཡོད་པ་དང་།
རྒྱ་མཚོའི་ངོས་ནས་མཐོ་ཚད་མི་ཊར་༣༦༠༠ནས་༤༠༠༠བར་ཡོད་པའི་ལྷ་ས་ནས་གཞིས་ཀ་རྩེ་བར་གྱི་ལྕགས་ལམ་དེའི་རིང་ཚད་ཀི་ལོ་མི་ཊར་༢༥༣དང་། མེ་འཁོར་བབས་ཚུགས་༡༣ཡོད་པ་དེ་ནི། རྒྱ་ནག་གཞུང་གི་ལོ་ལྔའི་འཆར་གཞི་ཐེངས་༡༢པའི་སྐབས་ཀྱི་བོད་རང་སྐྱོང་ལྗོངས་ཁུལ་གྱི་ལས་འཆར་ཆེ་ཤོས་ཞིག་ཡིན་པ་རེད།
རིང་ཚད་ཀི་ལོ་མི་ཊར་༡༩༥༦ ཡོད་པའི་མཚོ་བོད་ལྕགས་ལམ་གྱི་ལྷོ་སྣེ་བབས་ཚུགས་འཁེལ་སའི་གྲོང་ཁྱེར་ལྷ་ས་དེ་བཞིན་བཟོ་བསྐྲུན་གསར་རྒྱག་ཟིན་པའི་ལྷ་ས་ནས་གཞིས་ཀ་རྩེ་བར་གྱི་མེ་འཁོར་ལྕགས་ལམ་གྱི་ཤར་ངོས་བབས་ཚུགས་དང་པོ་དེ་ཡིན་པ་དང་། ལྕགས་ལམ་དེའི་ཐོག་མེ་འཁོར་རྒྱུག་ཚད་ཆ་སྙོམས་ཆུ་ཚོད་གཅིག་ལ་ཀི་ལོ་མི་ཊར་༡༢༠ཙམ་རེད་འདུག དེ་སྔོན་གོར་མོ་ནས་ལྷ་ས་བར་མེ་འཁོར་ལྕགས་ལམ་བཟོ་བསྐྲུན་སྐབས་ཁོར་ཡུག་ལ་མི་གནོད་པའི་དོགས་ཟོན་བྱས་པ་དངགཅིག་མཚུངས་ད་རེས་ལྷ་ས་ནས་གཞིས་ཀ་རྩེ་བར་གྱི་ལྕགས་ལམ་གསར་བཟོའི་སྐབས་ཟབ་ནན་བྱས་ཡོད་པ་དང་། བོད་ལྷོ་ནུབ་ཁུལ་གནས་སྡོད་བྱེད་མཁན་མི་མང་འབུམ་བདུན་གྱི་འགྲིམས་འགྲུལ་གྱི་དཀའ་ངལ་སེལ་རྒྱུར་ཕན་ཐོགས་ཆེན་པོ་ཡོང་རྒྱུ་ཡིན་སྐོར་བོད་རང་སྐྱོང་ལྗོངས་མེ་འཁོར་ལས་ཁུངས་ཀྱི་ངེས་སྟོན་པ་གཞོན་པ་YangYulin་གིས་བརྗོད་འདུག
འོན་ཀྱང་བོད་མི་དང་གནད་དོན་དབྱེ་ཞིབ་པ་མང་པོས་རྒྱ་ནག་གིས་བོད་ནང་ལྕགས་ལམ་གསར་བསྐྲུན་དང་རྒྱ་བསྐྱེད་བྱེད་བཞིན་པ་ནི། བོད་ནང་མི་སེར་སྤོ་ཤུགས་ཆེ་རུ་གཏོང་ཐབས་དང་། གཏེར་ཁ་ཚོད་མེད་སྔོག་སྐྱེལ་ཆེད་ཡིན་པའི་སྐྱོན་བརྗོད་བྱེད་བཞིན་པ་རེད།
གསར་འགོད་པ་རིག་ལྡན་སྒྲོལ་མ།
བལྟ་བཤེར་མང་ཤོས་བྱས་པའི་གནས་ཚུལ།
RFA
- བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་གིས་ཨ་རིར་གཞུང་འབྲེལ་ཕྱོགས་ཕེབས་དང་འབྲེལ་ཨ་རིའི་བོད་དོན་དམིགས་བསལ་འབྲེལ་མཐུད་པ་བསྐོ་གཞག་དགོས་པའི་འབོད་སྐུལ་ཞུས་འདུག
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- ཌེ་ལྦེཌ་པར་ཌུ་ལགས་ཨ་རིའི་རྒྱ་ནག་གི་གཞུང་ཚབ་ཆེན་མོར་བསྐོ་གཞག་གནང་གཏན་འཁེལ་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག
- བྱེས་ཀྱི་གདན་ས་བཀྲིས་ལྷུན་པོ་གཙོས་པའི་བོད་མི་གནས་སྡོད་ས་གནས་ཁག་ཏུ་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་འཁྲུངས་སྐར་སྲུང་བརྩི་ཞུས།
- ༸གོང་ས་༸སྐྱབས་མགོན་ཆེན་པོ་མཆོག་གིས་དད་ལྡན་པ་ ༣༠༠ ལྷག་ལ་མང་མཇལ་སྩལ་བ།
- རྒྱ་ནག་དང་རྒྱ་གར་གཉིས་གྲོས་མོལ་གྱིས། རྒྱ་གར་གྱི་གནས་སྐོར་བ་རྣམས་བོད་ནང་གངས་རིན་པོ་ཆེར་གནས་མཇལ་དུ་བསྐྱོད་རྒྱུ་བསྐྱར་དུ་སྒོ་འབྱེད་རྒྱུ་རེད་འདུག
- ལྷོ་ཀོ་རི་ཡའི་མི་སྒེར་གྱི་གནས་ཚུལ་སྲུང་སྐྱོབ་ལྟ་ཞིབ་ཁང་གིས་ཌིབ་སིག་གིས་ལྷོ་ཀོ་རི་ཡའི་མི་ས་ཡ་༡.༥ཡི་གནས་ཚུལ་ཁྲིམས་འགལ་ཐོག་རྐུ་ཁྱེར་བྱེད་བཞིན་པ་གསལ་སྟོན་བྱས་འདུག