ཨོ་རི་སའི་ཞུ་གཏུག་ལས་འགུལ་ལེགས་གྲུབ།

༄༅།    །ཨོ་རི་སའི་མངའ་སྡེར་ཉིན་ལྔའི་ནང་ནས་ཉིན་མཐའ་མ་གཉིས་རིང་ལ་མངའ་སྡེའི་གཞུང་འཛིན་ཚོགས་པས་རྒྱབ་སྐྱོར་ཡོང་བའི་ལས་འགུལ་བརྩམས་ཤིང་། མངའ་སྡེའི་གྲོས་ཚོགས་འཐུས་མི་དང་གྲོས་ཚོགས་ཀྱི་ཤོག་ཁག་འགོ་ཁྲིད་སྐུ་ཞབས་པྲ་ བྷཏ་ཏྲི་པཋི་(Shri.Prabhat Tripathy,MLA,chief whip) ནས་སྣེ་བསུ་གཟབ་རྒྱས་དང་འབྲེལ།    ཁོང་གི་ཚོགས་པའི་ངོས་ནས་དེ་འདྲའི་གྲོས་ཆོད་གྲོས་འཆར་ཞིག་སླེབས་པ་ཡིན་ན་ཁོང་རང་ཚོའི་ཚོགས་པའི་ནང་གྲོས་ཚོགས་གོང་འོག་གཉིས་སུ་འཐུས་མི་ ༢༢ ཡོད་པ་ཚང་མས་རྒྱབ་སྐྱོར་གནང་དགོས་པའི་བཀོད་ཁྱབ་བོད་མི་མང་སྤྱི་འཐུས་ཀྱི་ཞུ་གཏུག་ལས་འགུལ་རྣམ་པའི་མདུན་དུ་གནང་ཡོད་པ་རེད་འདུག

ཡང་ཕྱོགས་འགལ་ཚོགས་པ་སྟེ་མངའ་སྡེའི་ཀོང་རེ་སི་ཚོགས་པའི་གྲོས་ཚོགས་འཐུས་མི་དང་གྲོས་ཚོགས་ཀྱི་ཤོག་ཁག་འགོ་ཁྲིད་སྐུ་ཞབས་པྲ་སད་ཧ་རི་ཅནྡ་རན་(shri.Prasad Harichandaran) ནས་མངའ་སྡེ་དེ་ནས་ཁོང་རང་ཚོའི་ཚོགས་པའི་ནང་དབུས་ཀྱི་གྲོས་ཚོགས་གོང་འོག་ཏུ་འཐུས་མི་བདུན་ཡོད་པས་དེ་དག་ལ་རྒྱབ་སྐྱོར་གནང་དགོས་པའི་བཀོད་ཁྱབ་གཏོང་རྒྱུ་ཡིན་པའི་ཞལ་བཞེས་གནང་བ་དང་།    མངའ་སྡེའི་སྦི་ཇེ་པིའི་ཚོགས་པའི་ཚོགས་གཙོ་བློན་ཆེན་ཟུར་པ་སྐུ་ཞབས་ཇཱོལ་ཨོ་རམ།(Mr.Jual Oram,State BJP President) དང་། ཚོགས་གཙོ་གཞོན་པ་དང་ཚོགས་པའི་མགྲིན་ཚབ་པ་ཨ་ཤོག་ས་ཧུ། (Mr.Ashok Sahu,Vice President & Spokesperson BJP) བཅས་མཇལ་འཕྲད་ཞུས་པའི་སྐབས་ཁོང་རྣམ་གཉིས་ནས་སྦི་ཇེ་པི་ཚོགས་པའི་ངོས་ནས་བོད་ དོན་ཐོག་འགྱུར་བ་མེད་པའི་རྒྱབ་སྐྱོར་གནང་ཡོད་པ་དང་རྒྱ་ནག་ལའང་གནོད་ཤུགས་སྤྲད་ཡོད་ཅེས་དང་། མ་འོངས་པར་ཡང་རྒྱལ་སྤྱིའི་གླེང་སྟེགས་དང་རྒྱལ་ནང་བཅས་པར་བོད་དོན་གནས་ཚུལ་ བརྒྱུད་བསྒྲགས་དང་རྒྱབ་སྐྱོར་བྱ་རྒྱུ་ཡིན་སྐོར་གསུངས་འདུག    ཐ་མ་གསར་འགོད་ལྷན་ཚོགས་ཤིག་གི་བརྒྱུད་ནས་ལས་འགུལ་དེ་མཇུག་བསྒྲིལ་གནང་ཡོད་པ་རེད།
ཨོ་རི་སའི་ནང་ཉིན་ལྔའི་ཞུ་གཏུག་ལས་འགུལ་སྐབས་སྲིད་སྐྱོང་གཙོ་བོར་ གྱུར་པའི་ཆབ་སྲིད་པ་དང་། གཞུང་ཞབས་པ། ལས་འགུལ་བ། མཁས་དབང་སོགས་སྡེ་ཚན་འདྲ་མིན་ལ་ཞུ་གཏུག་གིས་ལས་འགུལ་མཇུག་སྡོམ་གནང་ཡོད་པ་རེད།།