བལ་ཡུལ་གྱི་རྒྱལ་སར་གཞུང་ལ་ངོ་རྒོལ་སྤེལ་བ།

༄༅༎བལ་ཡུལ་ནང་གཞུང་ལ་ངོ་རྒོལ་གྱི་ལས་འགུལ་སྤེལ་མཁན་མི་སྣ་ཉི་ཤུ་ལྷག་འཛིན་བཟུང་བཀག་ཉར་བྱས་ཡོད་པའི་གནས་ཚུལ་ཐོན་འདུག

རེས་གཟའ་ཉི་མའི་ཉིན་རྒྱལ་ཞེན་མི་མང་ཚོགས་པ་རཤེ་ཊིརི་ཡ་ཇ་ན་མོར་ཆ་ཞེས་པས་རྒྱལ་ས་ཀཐ་མན་གྲུའི་ནང་གཞུང་ལ་ངོ་རྒོལ་གྱི་ལས་འགུལ་སྤེལ་སྐབས་ངོ་རྒོལ་ག་ཉི་ཤུ་ལྷག་ཉེན་སྲུང་མི་སྣས་འཛིན་བཟུང་བྱས་ཡོད་འདུག ཚོགས་པ་དེས་རྒྱལ་སའི་རྫོང་ཁག་གསུམ་ནང་ངོ་རྒོལ་གྱི་ལས་འགུལ་ནང་ངོ་རྒོལ་བ་ཚོས་མོ་ཊའི་གསུམ་བཅུ་ལྷག་གཏོར་བཅོམ་བྱས་ཡོད་ལུགས་ ཀནཊི་པུར་དྲ་རྒྱས་གནས་ཚུལ་སྤེལ་ཤག་ རྒྱལ་སའི་ནང་མོ་ཊ་གཏོང་མཁན་མེད་པ་མ་ཟད་སྤྱི་སྤྱོད་འགྲིམ་འགྲུལ་ཡང་མཚམས་འཇོག་བྱེད་དགོས་བྱུང་ནས་མི་མང་ལ་དཀའ་ངལ་ཆེན་པོ་འཕྲད་ཀྱི་ཡོད་འདུག་ རཤེ་ཊིརི་ཡ་ཇ་ཎ་མོར་ཆ་ཞེས་པའི་ཚོགས་པས་བལ་ཡུལ་ནང་སླད་ཕྱིན་ཆད་ནས་དབུས་གཞུང་གི་དབང་ཆ་ཆེ་རུ་གཏོང་རྒྱུར་ངོ་རྒོལ་བྱེད་མཁན་ཚོགས་པ་ཁོ་ན་དེ་ཡིན་པ་དང་ ཚོགས་པ་དེས་གལ་སྲིད་དབུས་གཞུང་གི་དབང་ཆེ་ཆེ་རུ་བཏང་ན་ ནམ་ཞིག་རྒྱལ་ཁབ་ཁ་བྲལ་དུ་འགྲོ་རྒྱུའི་ཉེན་ཁ་མཐོང་གི་ཡོད་འདུག༎