ལྷོ་ཁོ་རི་ཡའི་ལོ་རྒྱུས་སྟེང་གི་བུད་མེད་སྲིད་འཛིན་ཐོག་མ།

དེ་ཡང་ཕྱི་ཚེས་༡༩ཉིན་འོས་འདེམས་ལ་རྒྱལ་ཁ་ཐོབ་རྗེས་ཕཱ་ཀུན་ཧས་ཀྱིས་མང་ཚོགས་ལ་གསུངས་རྒྱུར། འདི་ནི་མི་དམངས་ཚོའི་རེ་འདུན་གྱིས་བསྐྲུན་པའི་རྒྱལ་ཁབ་ཅིག་ཡིན་ལ། མི་དམངས་ཀྱིས་གྱོང་ཉེན་ལས་ཐར་རྒྱུར་རེ་སྒུག་བྱས་ཡོད་པ་ཇི་བཞིན་ལྷོ་ཁོ་རི་ཡའི་དཔར་འབྱོར་སླར་གསོ་ཡོང་ངེས་ཡིན་ཞེས་བརྗོད་འདུག

ཕཱ་ཀུན་ཧས་ནི་ལྷོ་ཁོ་རི་ཡའི་དམག་དོན་སྒེར་གཅོད་པ་ཟུར་བ་ཕཱ་ཇོན་ཧེ་ཡི་བུ་མོ་ཡིན་ཞིང་། གདན་དོན་དབྱེ་ཞིབ་པས་ཕཱ་ཀུན་ཧས་ལ་ད་ཐེངས་སྲིད་འཛིན་དུ་གདམ་ནི་ཁོང་མོའི་ཨ་ཕ་ཕཱ་ཇོན་ཧས་ཀྱི་ཆབ་སྲིད་ཤུལ་རྒྱུན་གྱི་ཤུགས་རྐྱེན་དང་རག་ལས་ཡོད་ཅེས་བརྗོད་འདུག

ཁོང་མོའི་ཨ་ཕ་ཕཱ་ཇོན་ཧེ་ཡིས་དེ་སྔོན་ལྷོ་ཁོ་རི་ཡའི་དཔལ་འབྱོར་འཕེལ་རྒྱས་ལ་བྱས་རྗེས་ཆེན་པོ་བཞག་ཡོད་ན་ཡང་། དུས་མཉམ་དུ་ངོ་རྒོལ་ཚོགས་ཁག་ལ་དྲག་གནོན་བྱས་ཡོད།

ཤན་སྦྱར་དུ་གྱུར་བ་ཞིག་ནི་ཁོང་མོའི་འགྲན་ཡ་ལྷོ་ཁོ་རི་ཡ་དམངས་གཙོ་མཉམ་གནས་ཚོགས་པའི་འོས་མི་ནི་འགྲོ་བ་མིའི་ཐོབ་ཐང་གི་ཁྲིམས་རྩོད་པ་ཞིག་ཡིན་ཞིང་། ཕྱི་ལོ་༡༩༧༠ལོར་ཁོང་མོའི་ཨ་ཕ་ཕཱ་ཇོན་ཧས་ཀྱི་སྲིད་དབང་སྐབས་འཛིན་བཟུང་གིས་དུས་ཐང་རིང་བཀག་ཉར་བྱས་མྱོང་འདུག