བལ་ཡུལ་ནང་ཚོུད་བཅུ་དྲུག་རིང་གློག་བཀག་རྒྱུའི་ལས་གཞི།

༄༅༎བལ་ཡུལ་ནང་དུ་གློག་མཁོ་འདོན་འདེངས་ངེས་མེད་པའི་དཀའ་ངལ་ཚབས་ཆེའི་འོག་གཞུང་གིས་རེས་གཟའ་ཉི་མ་ནས་བལ་ཡུལ་རྒྱལ་ཡོངས་སུ་ཁྱིམ་ཚང་དང་ཚོང་ལས་ཁག་བཅས་སུ་ཆུ་ཚོད་བཅུ་དྲུག་རིང་གློག་བཀག་རྒྱུའི་ལས་གཞི་འགོ་བཙུགས་ཡོད་པ་རེད། ཉེ་ཆར་མའོ་གྱེན་ལོག་ཤོག་ཁག་གི་གཞུང་འཛིནི་གྱིས་བལ་ཡུལ་རྒྱལ་ཡོངས་སུ་གློག་གི་དཀའ་ངལ་ཡོད་པའི་གསལ་བསྒྲགས་བྱས་ཏེ་ཕྱི་ཟླ་དང་པོ་ནས་ཉིན་རེར་ཆུ་ཚོད་བཅུ་དྲུག་རིང་གློག་བཀག་རྒྱུ་ཡིན་པ་གསུངས་ཡོད་པ་རེད། བལ་ཡུལ་གཞུང་གི་གློག་ཤུགས་ཚན་པའི་མགྲིན་ཚབ་པ་ཤེར་སིང་བཏ་ཡིས་ཕེ་རན་སི་གསར་འགྱུར་ལས་ཁང་ལ་ཆུ་ཤུགས་གློག་འདོན་གྱི་ནུས་པ་འདེངས་ངེས་མཁོ་འདོན་བྱེད་ཐུབ་ཀྱི་མེད་པར་བརྟེན་ཐོག་མར་ཉིན་རེར་ཚོུད་བཅུ་གཉིས་རིང་གློག་བཀག་པའི་རྗེས་རེས་གཟའ་ཉི་མའི་ནས་སླར་ཡང་ཚོུད་བཞི་སྤར་ཆ་བྱས་ཏེ་ད་ནས་བཟུང་ཉིན་རེར་ཚོུད་བཅུ་དྲུག་གློག་བཀག་རྒྱུ་ཡིན་ཞིང་ང་ཚོས་གློག་གི་དཀའ་ངལ་སེལ་ཐབས་ལ་ཐབས་ལམ་དེ་ལས་མེད་པ་དང་དེ་ལྟར་ཐག་གཅོད་བྱས་པའི་རྒྱུ་མཚན་ནི་དེང་སྐབས་གློག་ཤུགས་མཁོ་འདོན་བྱེད་མཁན་གྱི་གཙང་ཆུའི་མཐོ་ཚད་ཧ་ཅང་གི་དམའ་རུ་ཕྱིན་པར་བརྟེན་ནས་བལ་པོའི་མི་དམངས་ཚོར་དགོས་མཁོ་དང་བསྟུན་པའི་ཆུ་ཤུགས་ཀྱི་ནུས་པ་ཆེ་རུ་གཏོང་ཐུབ་ཀྱི་མེད་པའི་འགྲེལ་བརྗོད་བྱས་ཡོད་པ་རེད།

མའོ་གྱེན་ལོག་ཤོག་ཁག་གི་སྣེ་ཁྲིད་པའི་གཞུང་གསར་པས་ཁྱིམ་མཚེས་རྒྱ་གར་ནས་གློག་མཁོ་འདོན་ནང་འདྲེན་བྱ་རྒྱུ་དང་འཕྲལ་སེལ་འཕྲུལ་འཁོར་ལ་བརྟེན་པའི་གློག་མཁོ་འདོན་བྱ་ཐུབ་པའི་འབད་བརྩོན་བྱ་རྒྱུ་ཡིན་པ་ཁས་ལེན་བྱེད་ཀྱི་ཡོད་ཀྱང་གང་ལྟར་བལ་ཡུལ་མི་དམངས་ཚོར་དགོས་ངེས་ཀྱི་གློག་འདོན་བྱེད་མི་ཐུབ་པའི་ཁར་ཉིན་རེའི་མི་དམངས་ལ་གློག་མེད་པ་བཟོ་རྒྱུའི་དུས་ཚོད་ཀྱང་རིང་དུ་བཏང་ཡོད་པ་རེད༎