འབར་མ་གཞུང་གིས་བཙོན་པ་༣༠༠གློད་འགྲོལ་གཏང་འཆར།

༄༅༎རེས་གཟའ་སྤེན་པའི་ཉིན་མཡན་མར་རམ་ འབར་མའི་གཞུང་གིས་སླར་ཡང་ཆབ་སྲིད་ཀྱི་བཙོན་པ་ ༣༠༠ ཙམ་གློད་འགྲོལ་གཏང་རྒྱུའི་གསལ་བསྒྲགས་གནང་འདུག་ཅིང༌། འདི་ནི་སྦར་མའི་གཞུང་གིས་ད་བར་གུ་ཡངས་ཀྱི་སྲིད་བྱུས་ལག་བསྟར་བྱེད་བཞིན་པའི་ནང་གི་མཚོན་དོན་གལ་ཆེ་ཤོས་ཞིག་ཡིན་པར་གནད་དོན་དབྱེ་ཞིབ་པ་ཚོས་ངོས་འཛིན་བྱེད་བཞིན་ཡོད་པ་རེད།
སྦར་མའི་གཞུང་གིས་ཉེ་བའི་ཟླ་བ་འགའ་ཤས་ནང་སྲིད་བྱུས་ལྷུགས་གཏོང་དང་། མང་གཙོའི་ཕྱོགས་སུ་གོམ་པ་མདུན་སྤོས་བྱེད་བཞིན་པར། ཨ་མི་རི་ཀ་གཙོས་པའི་འཛམ་གླིང་གི་མང་གཙོའི་ཡུལ་གྲུ་མང་དག་ཅིག་གིས་ལེགས་གསོ་ཆེན་པོ་ཐོབ་བཞིན་ཡོད་ལ། ཨ་མི་རི་ཀའི་གཞུང་གིས་ འབར་མའི་གཞུང་དང་ཕྱི་སྲིད་ཀྱི་ཐད་ཀར་འབྲེལ་ལམ་སླར་གསོ་གནང་རྒྱུའི་གསལ་བསྒྲགས་ཀྱང་གནང་ཡོད་པ་དང་། ཨ་རི་ཐེ་བས་འཛམ་གླིང་གི་མང་གཙོའི་ཡུལ་གྲུ་ཚོས་སྦར་མའི་ཐོག་བཀལ་བའི་དཔལ་འབྱོར་དམ་དྲག་གི་སྲིད་བྱུས་ཀྱང་རིམ་པས་ལྷུགས་གཏོང་བྱ་འཆར་ཡོད་པ་རེད།
ཨ་མི་རི་ཀའི་སྲིད་འཛིན་སྦ་རཀ་ཨོ་སྦ་མ་མཆོག་གིས་ཆབ་སྲིད་ཀྱི་བཙོན་པ་གློད་བཀྲོལ་བཏང་པ་དེ་ནི་གལ་གནད་ཆེན་པོ་ཡིན་པ་གསུངས་པ་དང་། ཡང་འབར་མའི་མང་གཙོའི་དབུ་འཁྲིད་ལྕམ་ཨང་སང་སུ་ཅི་མཆོག་གིས་འདི་ནི་མཚོན་དོན་བཟང་པོ་ཞིག་ཡིན་པ་གསུངས་འདུག།