བཞུགས་སྒར་རྡ་རམ་ས་ལར་༸གོང་ས་མཆོག་ནས་གསུང་ཆོས།

༸གོང་ས་མཆོག་གིས་ཆོས་ཞུ་བ་མི་གྲངས་བཞི་སྟོང་ཙམ་ལ་ཁ་ས་ཚེས་བཅོ་ལྔ་ཉིན་ནས་གསུང་ཆོས་དབུ་འཛུགས་གནང་ཡོད་པ་རེད།

2009.09.16

༄༅༎བཞུགས་སྒར་རྡ་རམ་ས་ལར་བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཕྱི་རྒྱལ་ཡུལ་ཁག་ནས་འབྱོར་བའི་དད་ལྡན་ཆོས་ཞུ་བ་སྟོང་ཅིག་ལྷག་ཙམ་ཐེ་པའི་ཁྱོན་ཆོས་ཞུ་བ་མི་གྲངས་བཞི་སྟོང་ཙམ་ལ་ཁ་ས་ཚེས་བཅོ་ལྔ་ཉིན་ནས་གསུང་ཆོས་དབུ་འཛུགས་གནང་ཡོད་པ་རེད།

བཙན་བྱོལ་བོད་གཞུང་གི་དྲ་རྒྱའི་ཐོག་གནས་ཚུལ་སྤེལ་བར་གཞིགས་ན་འཛམ་གླིང་གི་ཡུལ་ཁག་འདྲ་མིན་ལྔ་བཅུ་ང་ལྔ་ནས་ཕྱི་རྒྱལ་བ་མི་གྲངས་ཆིག་སྟོང་བཞི་བརྒྱ་ཙམ་གྱིས་༸གོང་ས་༸སྐྱབས་མགོན་ཆེན་པོ་མཆོག་གི་ཞལ་མངའ་ནས་གསུང་ཆོས་ཞུ་རྒྱུའི་དེབ་བསྐྱེལ་ཞུས་འདུག

ཀོ་རི་ཡའི་ནང་པའི་ཆོས་ཚོགས་ཁག་གིས་ཇི་ལྟར་གསོལ་འདེབས་ཞུས་པ་བཞིན་༸གོང་ས་༸སྐྱབས་མགོན་ཆེན་པོ་མཆོག་གིས་ཉིན་གསུམ་རིང་ནང་ཆོས་ངོ་སྤྲོད་ཀྱི་གསུང་ཆོས་བཀྲིན་སྩལ་གནང་མཛད་བཞིན་ཡོད་པའི་ཐོག་ཀོ་རི་ཡ་ནས་དད་ལྡན་ཆོས་ཞུ་བ་ཉིས་བརྒྱ་བཞུགས་སྒར་དུ་སྐུ་བཅར་ཞུས་འདུག

༸གོང་ས་༸སྐྱབས་མགོན་ཆེན་པོ་མཆོག་གིས་ནང་ཆོས་ཀྱི་རྩ་བ་དང་ལྷག་པར་དུ་བདེན་པ་བཞིའི་སྐོར་གསུང་ཆོས་གནང་གི་ཡོད་པ་དེ་ཡང་སྔ་དྲོ་ཕྱག་ཚོད་དགུ་པ་ནས་བཅུ་གཅིག་བར་དང་དེ་ནས་ཉིན་རྒྱབ་ཕྱག་ཚོད་དང་པོ་ནས་གསུམ་པ་བར་བསྩལ་གནང་མཛད་བཞིན་ཡོད་པ་ལྟར་གསུ་ཆོས་གནང་བའི་ཉིན་གསུམ་རིང་ཏཱ་ལའི་བླ་མ་ཞེས་པའི་དྲ་རྒྱའི་ཐོག་བོད་སྐད་དང་ཀོ་རི་ཡའི་སྐད་གཉིས་ཐོག་ཐད་ཀར་གསན་གཟིགས་ཐུབ་རྒྱུའི་གོ་སྒྲིག་ཀྱང་ཞུས་འདུག།

བལྟ་བཤེར་མང་ཤོས་བྱས་པའི་གནས་ཚུལ།
RFA
བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་གིས་ཨ་རིར་གཞུང་འབྲེལ་ཕྱོགས་ཕེབས་དང་འབྲེལ་ཨ་རིའི་བོད་དོན་དམིགས་བསལ་འབྲེལ་མཐུད་པ་བསྐོ་གཞག་དགོས་པའི་འབོད་སྐུལ་ཞུས་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎