མཇར་མན་སྲིད་བློན་གྱིས་རྒྱ་ནག་ནང་རང་དབང་གླེང་འདུག

རྒྱ་ནག་ནང་རང་དབང་གི་སྐད་ཆ་ཤོད་པའི་ཐོབ་ཐང་སོགས་དགོས་རྒྱུ་ནི་གལ་ཆེན་པོ་ཡིན་པ་སོགས་ཀྱི་གཏམ་བཤད་གནང་འདུག
དེ་ཡང་སྲིད་བློན་ལྕམ་Merkel ནི་དེ་སྔའི་ཤར་Germany དམར་ཤོག་འོག་འཚར་ལོངས་བྱུང་བ་ཞིག་ཡིན་པ་དང་། ཁོང་གིས་སྤྱི་ཚེས་༨ཉིན་རྒྱལ་ས་པེ་ཅིང་ནང་གི་སྐད་གྲགས་ལྡན་པའི་Tsinghua མཐོ་རིམ་སློབ་གྲྭའི་ནང་རྒྱ་ནག་དང་Gemany ཐོབ་ཐང་ཞེས་པའི་བགྲོ་གླེང་ཞིག་ཚོགས་པའི་ཐོག་ལ་གཏམ་བཤད་གནང་བའི་ནང་། བགྲོ་གླེང་དེ་ནི་ང་ལ་མཚོན་ན་ཧ་ཅང་གི་གལ་འགངས་ཆེན་པོ་ཞིག་ཏུ་ངོས་འཛིན་ཞུ་གི་ཡོད་པ་དང། དེའི་རྒྱུ་མཚན་ནི། ལོ་ངོ་༢༥ གོང་ལ་དེ་སྔའི་ཤར་Gemany ནང་དུ་ཞི་བའི་གསར་བརྗེ་ཆེན་པོ་བྱུང་སྟེ་མཐར་ཞི་བའི་གསར་བརྗེའི་ལས་འགུལ་དེའི་ཐོག་ནས། དེ་སྔ་༡༩༦༡ ལོའི་ཕྱི་ཟླ་༣ ནང་ཤར་Gemany དམར་ཤོག་ཕྱོགས་ནས་Germany ཤར་ནུབ་གཉིས་དབར་ལ་གྱང་ཆེན་པོ་ཞིག་རྒྱབ་པ་དེ་༡༩༩༠ ལོའི་ཕྱི་ཟླ་༡༠ པའི་ཚེས་༣ ཉིན་གཏོར་ནས་Gemany ཤར་ནུབ་གཉིས་བསྐྱར་དུ་ཟླ་བསྒྲིལ་བཏང་བར་བརྟེན་ནས་དེ་རིང་ང་ཚོར་རང་དབང་གིས་སྐད་ཆ་ཤོད་པའི་ཐོབ་ཐང་དེ་བྱུང་ཡོད་པ་རེད། ད་དུང་ཡང་ངོས་ཀྱིས་བསམ་པར་འདི་ག་རྒྱ་ནག་ནང་དུའང་དེ་ལྟར་རང་དབང་གི་སྐད་ཆ་ཤོད་པའི་ཐོབ་ཐང་དགོས་རྒྱུ་ནི་གལ་ཆེན་པོ་ཡིན་པ་ངོས་འཛིན་ཞུ་གི་ཡོད་ཅེས་རྒྱ་ནག་གི་སློབ་ཕྲུག་ཚོར་སྨྲ་བརྗོད་ཀྱི་རང་དབང་དགོས་པ་སོགས་འགྲོ་བ་མིའི་ཐོབ་ཐང་སྐོར་ལ་བཀའ་མོལ་གནང་ཡོད་པ་རེད།
ལྕམ་Angele Merkel མཆོག་གིས་༢༠༠༧ ལོར་བོད་ཀྱི་དབུ་ཁྲིད་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་Germany དུ་ཆིབས་བསྒྱུར་བསྐྱངས་པའི་སྐབས་མཇལ་འཕྲད་ཞུས་པར་བརྟེན་ནས་སྐབས་དེར་རྒྱ་ནག་གཞུང་ཁོང་ཁྲོ་ཆེན་པོ་བྱུང་སྟེ་དབུ་ཁྲིད་རྣམས་གཉིས་ཀྱི་མཇལ་འཕྲད་ཀྱི་གྲོས་མོལ་གནང་བ་དེ་ནི་ཁ་བྲལ་རིང་ལུགས་པའི་གྲོས་མོལ་རེད་ཅེས་སྐྱོན་བརྗོད་བྱེད་མྱོང་ཡོད་པ་རེད།  

གསར་འགོད་པ་ཉི་མ་གཡུ་སྒྲོན།