རྒྱ་ནག་གིས་རྒྱལ་སྤྱིའི་ཉེས་དོན་ཉེན་རྟོག་སྒྲིག་འཛུཊ་ཀྱི་འགན་འཛིན་ཟུར་པར་ཁྲིམས་ཐག་བཅད་འདུག
2020.01.21
རྒྱལ་སྤྱིའི་ཉེན་རྟོག་སྤྱི་ཁྱབ་ཟུར་པ(Meng HongWei)
AP
རྒྱ་ནག་སྤྱི་བདེ་ལྷན་ཁང་གི་བློན་ཆེན་གཞོན་པ་ཟུར་བ་དང་རྒྱལ་སྤྱིའི་ཉེས་དོན་ཉེན་རྟོག་སྒྲིག་འཛུགས་ཀྱི་འགན་འཛིན་ཟུར་བ་མིན་ཧོང་ཝེས་(Meng HongWei)་ལ་རྒྱ་ནག་གཞུང་གིས་ལྐོག་ཟ་རུལ་སུངས་ཀྱི་ནག་ཉེས་བཙུགས་ཏེ་ལོ་༡༣་དང་ཕྱེད་ཀའི་བཙོན་འཇུག་ཁྲིམས་ཆད་བཅད་འདུག
ཟླ་འདིའི་ཚེས་༢༡་ཉིན་རྒྱ་ནག་ཐེན་ཅིན་གྲོང་ཁྱེར་འབྲིང་རིམ་ཁྲིམས་ཁང་དང་པོ་ནས་དེ་སྔ་རྒྱ་ནག་གཞུང་གིས་འཛིན་བཟུང་བྱས་བའི་རྒྱ་ནག་སྤྱི་བདེ་ལྷན་ཁང་གི་བློན་ཆེན་གཞོན་པ་ཟུར་བ་དང་། རྒྱལ་སྤྱིའི་ཉེས་དོན་ཉེན་རྟོག་སྒྲིག་འཛུགས་ཀྱི་འགན་འཛིན་ཟུར་བ་མིན་ཧོང་ཝེས་ལ་ལྐོག་ཟ་རུལ་སུངས་ཀྱི་ནག་ཉེས་བཙུགས་ཏེ་ལོ་༡༣་དང་ཕྱེད་ཀའི་བཙོན་འཇུག་ཁྲིམས་ཆད་བཅད་ཡོད་པ་དང་། མིན་ཧོང་ཝེས་ཡིས་ཕྱི་ལོ་༢༠༠༥་ལོ་ནས་ཕྱི་ལོ་༢༠༡༧་ལོའི་བར་དབང་ཆ་བེད་སྤྱོད་ཀྱིས་མི་གཞན་གྱི་ལག་ནས་ལྐོག་དངུལ་བླངས་བ་ཁྱོན་བསྡོམས་རྒྱ་ནག་གི་སྒོར་མོ་ས་ཡ་༡༤་ལྷག་ཟིན་ཡོད་པ་བརྗོད་ཡོད་ལ། དེ་བཞིན་ཁྲིམས་ཁང་ནང་མིན་ཧོང་ཝེས་རང་ཉིད་ནས་ཀྱང་ཁྲིམས་ཁང་གི་བཅད་ཁྲ་ངོས་ལེན་བྱས་ཏེ་གོང་རིམ་ལ་ཞུ་གཏུག་བྱེད་རྒྱུ་མིན་པའི་རྣམ་འགྱུར་བསྟན་ཡོད་ཚུལ་རྒྱ་ནག་གཞུང་འབྲེལ་གསར་འགྱུར་ནང་བརྗོད་འདུག
ད་ལྟ་རང་ལོ་༦༦་ཡིན་པའི་མིན་ཧོང་ཝེས་ནི་རྒྱ་ནག་ཧེ་ལུང་ཅང་ཞིང་ཆེན་ཧར་པེན་ནས་ཡིན་ཞིང་། ཕྱི་ལོ་༢༠༠༤་ལོ་ནས་བཟུང་སྐབས་དེའི་རྒྱ་ནག་སྤྱི་བདེ་ལྷན་ཁང་གི་བློན་ཆེན་ཀྲིག་ཡོང་ཁང་གི་ལག་རོགས་གཞོན་པར་གྱུར་ནས། ལོ་༡༤་རིང་རྒྱ་ནག་སྤྱི་བདེ་ལྷན་ཁང་གི་བློན་ཆེན་གཞོན་པའི་གོ་གནས་འཁུར་བ་དང་། ཕྱི་ལོ་༢༠༡༦་ལོར་རྒྱལ་སྤྱིའི་ཉེས་དོན་ཉེན་རྟོག་སྒྲིག་འཛུགས་ཀྱི་འགན་འཛིན་དུ་བསྐོ་བཞག་བྱས་ཤིང་། དེ་ནི་སྒྲིག་འཛུགས་དེའི་འགན་འཛིན་གྱི་གོ་གནས་འཁུར་བའི་རྒྱ་ནག་གི་མི་སེར་ཐོག་མ་དེ་རེད་འདུག
ཕྱི་ལོ་༢༠༡༨་ལོའི་ཕྱི་ཟླ་དགུ་བར་ཁོ་ཧྥ་རན་སི་ནས་ཕྱིར་རྒྱ་ནག་ནང་ལས་དོན་ཕྱོགས་བསྐྱོད་ལ་ཕྱིན་རྗེས་བོར་བརླག་སོང་ནས། སྐབས་ཤིག་ལ་རྒྱལ་སྤྱིའི་གསར་འགྱུར་བརྒྱུད་ལམ་ཁག་ནས་དོ་སྣང་བྱེད་ཡུལ་དུ་གྱུར་བ་དང་། ཁོའི་ཆུང་མས་ཧྥ་རན་སིའི་ཉེན་རྟོག་ཕྱོགས་ལ་གྱོད་དོན་སྙན་ཞུ་ཕུལ་ནས་སྲུང་སྐྱོབ་བྱེད་དགོས་པའི་འབོད་སྐུལ་ཡང་ཞུས་མྱོང་ཡོད་འདུག
༢༠༡༨་ལོའི་སྤྱི་ཟླ་༡༠་པར་རྒྱ་ནག་གི་སྒྲིག་ཁྲིམས་ཞིབ་བཤེར་ལྷན་ཁང་གིས་མིན་ཧོང་ཝེས་ཡི་ནག་ཉེས་གསལ་བསྒྲགས་བྱས་པའི་དུས་མཚུངས་སུ་རྒྱལ་སྤྱིའི་ཉེས་དོན་ཉེན་རྟོག་སྒྲིག་འཛུགས་ཀྱི་འགན་འཛིན་ནས་རྩ་དགོངས་ཞུས་འདུག
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཁྲིམས་ཁང་གིས་ཨེ་ཤེ་ཡ་རང་དབང་རླུང་འཕྲིན་ཁང་གི་མ་དངུལ་མཁོ་སྤྲོད་དགོས་པའི་ཁྲིམས་ཀྱི་ཐག་གཅོད་ལ་ཨེ་ཤེ་ཡ་རང་དབང་རླུང་འཕྲིན་ཁང་གིས་དགའ་བསུ་ཞུས།
- ཨ་མི་རི་ཀའི་སྲིད་འཛིན་གཞོན་པ་ཇེ་ཊི་ཝེན་སི་མཆོག་གིས་རྒྱ་གར་ནང་གཟིགས་སྐོར་དང་ཆབས་ཅིག རྒྱ་གར་གྱིས་རྒྱ་ནག་ནས་ནང་འདྲེན་གྱི་དྭངས་ལྕགས་རིགས་ལ་སྒོ་ཁྲལ་བརྒྱ་ཆ་ ༡༢ སྤར་ཡོད་པ།
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་ཤེས་ལྡན་རྒྱ་ནག་མི་སེར་རྣམས་ཀྱིས་བོད་དོན་ཐོག་བསམ་བློ་གཏོང་ཕྱོགས་ནི་བོད་དོན་འཐབ་རྩོད་ཁྲོད་གལ་གནད་ཅན་ཞིག་ཡིན་ཞེས་བཀའ་སྩལ་མཛད་ཀྱི་ཡོད་པ།
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག
- བྱེས་ཀྱི་གདན་ས་བཀྲིས་ལྷུན་པོ་གཙོས་པའི་བོད་མི་གནས་སྡོད་ས་གནས་ཁག་ཏུ་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་འཁྲུངས་སྐར་སྲུང་བརྩི་ཞུས།
- བྱིས་པ་ཚོས་དགའ་མོས་ཆེན་པོ་བྱ་ཡུལ་པེ་པ་པིག་ཅེས་པའི་འགུལ་བརྙན་བོད་སྐད་ནང་འདོན་སྤེལ་གནང་གི་འདུག
- རྒྱ་ནག་དང་རྒྱ་གར་གཉིས་གྲོས་མོལ་གྱིས། རྒྱ་གར་གྱི་གནས་སྐོར་བ་རྣམས་བོད་ནང་གངས་རིན་པོ་ཆེར་གནས་མཇལ་དུ་བསྐྱོད་རྒྱུ་བསྐྱར་དུ་སྒོ་འབྱེད་རྒྱུ་རེད་འདུག