རྒྱ་ནག་གཞུང་གིས་རྫ་ཆུ་གཙང་པོའི་ཆུ་ཤུགས་ཉུང་དུ་བཏང་བར་ཁྱིམ་མཚེས་རྒྱལ་ཁབ་ཚོས་སྐྱོན་བརྗོད།
བར་སྣང་ནས་པར་རྒྱབ་པའི་མེ་གོང་(Mekong)གཙང་པོ་་་དང་ཡུལ་ལྗོངས།
Planet Labs Inc
རྒྱ་ནག་གཞུང་གིས་རྫ་ཆུ་གཙང་པོའམ་མེ་གོང་གཙང་པོའི་ཆུ་ཤུགས་ཉུང་དུ་བཏང་བར་གཤམ་འོག་ཁྱིམ་མཚེས་རྒྱལ་ཁབ་ཚོས་སྐྱོན་བརྗོད་བྱེད་བཞིན་འདུག
མེ་གོང་(Mekong)གཙང་པོའམ་རྫ་ཆུའི་ཐོག་རྒྱ་ནག་གཞུང་གིས་ཆུ་རག་རྒྱབ་ནས་ཕྱི་ཟླ་དང་པོའི་ཚེས་༢༤བར་ཆུའི་ཤུགས་ཚད་བརྒྱ་ཆ་ལྔ་ཅུ་ཙམ་ཉུང་དུ་འགྲོ་རྒྱུ་ཡིན་པ་དེས། རྫ་ཆུ་གཙང་པོའི་གཤམ་འོག་རྒྱལ་ཁབ་ཚོས་རྒྱ་ནག་གཞུང་གིས་སྔོན་བརྡ་མ་བཏང་བར་བརྟེན་ནས་ས་གནས་དེ་ཚོའི་མི་མང་ཚོར་དཀའ་ངལ་ཆེན་པོ་འཕྲད་སྲིད་པའི་སྐྱོན་བརྗོད་ཤུགས་ཆེ་བྱེད་བཞིན་འདུག
གནད་དོན་དབྱེ་ཞིབ་པ་ཚོས་ཉིན་ཁ་ཤས་ཀྱི་གོང་ནས་རྫ་ཆུའམ་(Mekong)གཙང་པོའི་ཆུའི་ཤུགས་ཚད་ཆུང་དུ་ཕྱིན་ཡོད་པའི་ཉེན་བརྡ་བཏང་ཡོད་པ་དང་། དེས་རྫ་ཆུའི་རྒྱུད་ཀྱི་སྐྱེ་དངོས་ཀྱི་སྐྱེ་འཕེལ་དང་མི་དམངས་ཀྱི་འཚོ་རྟེན་ལ་དཀའ་ངལ་འཕྲད་རྒྱུ་ཡིན་པ་བརྗོད་ཡོད་པ་མ་ཟད། རྒྱ་ནག་གཞུང་གིས་རྫ་ཆུ་གཙང་པོའི་རྒྱུད་དུ་ཆུ་ཤུགས་གློག་ཁང་རྒྱག་བཞིན་པ་དེས་རྫ་ཆུ་གཙང་པོའི་ཆུ་ཤུགས་ཟླ་བ་གཅིག་ཙམ་རིང་ཆུང་དུ་འགྲོ་རྒྱུ་དང་། དེས་གཙང་པོ་དེའི་ཐོག་ཉ་བཟུང་ནས་འཚོ་རྟེན་བྱེད་མཁན་དང་། རྫ་ཆུ་གཙང་པོའི་བརྒྱུད་ཀྱི་མི་མང་ས་ཡ་དྲུག་ཅུ་ཙམ་གྱི་ཚེ་སྲོག་དང་འཚོ་གནས་ལ་དཀའ་ངལ་བཟོས་ཡོད་པའི་ཉེན་བརྡ་གཏོང་གི་ཡོད་པ་རེད།
རྒྱ་ནག་གི་ཆུ་ཤུགས་ལས་ཁང་གིས་གཟའ་མིག་དམར་ཉིན་ལྷོ་ཤར་ཨེ་ཤེ་ཡའི་ནང་གི་ཆུ་བོ་རིང་ཤོས་གྲས་མེ་གོང་གཙང་པོའི་གཤམ་འོག་ཁྱིམ་མཚེས་ཡུལ་གྲུ་ཁག་ལ། གློག་ལས་བརྒྱུད་ལམ་བཟོ་བསྐྲུན་སོགས་ཀྱིས་རྒྱ་ནག་གིས་ཕྱི་ཟླ་དང་པོའི་ཚེས་༢༤བར་མེ་གོང་གཙང་པོའི་ཆུའི་རྒྱུགས་ཤུགས་ཉུང་དུ་གཏོང་རྒྱུ་ཡིན་ལུགས་བརྗོད་ཡོད་པ་རེད། ཡིན་ནའི་གནད་དོན་དབྱེ་ཞིབ་པ་ཚོས་རྒྱ་ནག་གཞུང་གིས་བརྡ་ཐོ་གཏོང་རྒྱུ་འཕྱི་དྲག་ཟིན་པའི་སྐྱོན་བརྗོད་གནང་གི་ཡོད་པ་རེད།
རྒྱ་ནག་གིས་མེ་གོང་གཙང་པོའི་ཐོག་བརྒྱབ་པའི་ཇིང་ཧུང་ཟེར་བའི་ཆུ་ཤུགས་གློག་ཁང་གིས་ཆུ་ཕྱིར་གློད་རྒྱུའི་ཚད་གཞི་བརྒྱ་ཆ་༤༧ཙམ་ཉུང་དུ་བཏང་ཡོད་པ་དང་། ཆུ་ཤུགས་གློག་ཁང་དེའི་གཞུང་འབྲེལ་དྲ་རྒྱའི་ཐོག་དེ་ནི་རྒྱ་ནག་དང་མེ་གོང་གཙང་པོའི་གྲངས་ཚད་མཉམ་སྤྱོད་ཀྱི་གྲོས་མཐུན་གྱི་ཆ་ཤས་ཤིག་ཡིན་ལུགས་བཀོད་ཡོད་པ་རེད། ཐའེ་ལེན་ཊའི་བྱང་ཕྱོགས་ཁུལ་དང་རྒྱ་ནག་གི་ཇེང་ཧུང་ཆུ་ཤུགས་གློག་ཁང་བར་སྤྱི་ལེ་༣༠༠ཙམ་གྱི་ས་ཐག་ཡིན་པ་དང་། དེའི་རྒྱུད་དུ་རྒྱུག་བཞིན་པའི་མེ་གོང་གཙང་པོའི་ཆུའི་རྒྱུགས་ཤུགས་ལ་ཡང་ཤུགས་རྐྱེན་ཐེབས་ནས་ཕྱི་ཟླ་དང་པོའི་ཚེས་༢ནས་༤བར་གཙང་ཆུའི་ཚད་གཞི་རྨིད་གཉིས་ཙམ་ཆགས་ཡོད་པ་མེ་གོང་གཙང་པོའི་ལྷན་ཚོགས་ཀྱིས་འགྲེལ་བརྗོད་བྱས་ཡོད་འདུག
མེ་གོང་གཙང་པོའམ་རྫ་ཆུ་ནི་བོད་ནང་གི་མཚོ་སྔོན་རྫ་སྟོད་རྫོང་ནས་འབབ་བཞིན་པ་དང་། དེ་ནས་ཆབ་མདོ་དང་སྨར་ཁམས་སོགས་བརྒྱུད་དེ་ཡུན་ནན་དུ་བཞུར་རྗེས་མེ་གོང་གཙང་བོར་འདྲེས་ནས། འབར་མ་དང་། ལའོ། ཐའེ་ལེན་ཊི་སོགས་རྒྱལ་ཁབ་བརྒྱུད་པའི་བཞུར་རྒྱུན་གྱི་རིང་ཚད་ལ་སྤྱི་ལེ ༢༡༧༩ དང་འབབ་ཡུལ་གྱི་ས་ཁྱོན་ལ་སྟོང་རྨིད་གྲུ་བཞི་མ་ཁྲི༡༦.༤ཙམ་ཟིན་ཡོད་ལ་ལྷོ་ཤར་ཨེ་ཤི་ཡའི་ཡུལ་གྲུ་ཁག་ནང་རྒྱུག་བཞིན་པའི་གཙང་པོ་ཞིག་ཡིན་པ་དང་། ལྷོ་ཤར་ཨེ་ཤེ་ཡའི་ནང་གལ་འགངས་ཆེ་བའི་གཙང་ཆུའི་གྲས་ཤིག་ཡིན་པ་རེད།
བལྟ་བཤེར་མང་ཤོས་བྱས་པའི་གནས་ཚུལ།
RFA
- བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་གིས་ཨ་རིར་གཞུང་འབྲེལ་ཕྱོགས་ཕེབས་དང་འབྲེལ་ཨ་རིའི་བོད་དོན་དམིགས་བསལ་འབྲེལ་མཐུད་པ་བསྐོ་གཞག་དགོས་པའི་འབོད་སྐུལ་ཞུས་འདུག
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- ཌེ་ལྦེཌ་པར་ཌུ་ལགས་ཨ་རིའི་རྒྱ་ནག་གི་གཞུང་ཚབ་ཆེན་མོར་བསྐོ་གཞག་གནང་གཏན་འཁེལ་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག
- བྱེས་ཀྱི་གདན་ས་བཀྲིས་ལྷུན་པོ་གཙོས་པའི་བོད་མི་གནས་སྡོད་ས་གནས་ཁག་ཏུ་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་འཁྲུངས་སྐར་སྲུང་བརྩི་ཞུས།
- ༸གོང་ས་༸སྐྱབས་མགོན་ཆེན་པོ་མཆོག་གིས་དད་ལྡན་པ་ ༣༠༠ ལྷག་ལ་མང་མཇལ་སྩལ་བ།
- རྒྱ་ནག་དང་རྒྱ་གར་གཉིས་གྲོས་མོལ་གྱིས། རྒྱ་གར་གྱི་གནས་སྐོར་བ་རྣམས་བོད་ནང་གངས་རིན་པོ་ཆེར་གནས་མཇལ་དུ་བསྐྱོད་རྒྱུ་བསྐྱར་དུ་སྒོ་འབྱེད་རྒྱུ་རེད་འདུག
- ལྷོ་ཀོ་རི་ཡའི་མི་སྒེར་གྱི་གནས་ཚུལ་སྲུང་སྐྱོབ་ལྟ་ཞིབ་ཁང་གིས་ཌིབ་སིག་གིས་ལྷོ་ཀོ་རི་ཡའི་མི་ས་ཡ་༡.༥ཡི་གནས་ཚུལ་ཁྲིམས་འགལ་ཐོག་རྐུ་ཁྱེར་བྱེད་བཞིན་པ་གསལ་སྟོན་བྱས་འདུག