དུས་ཡུན་རིང་ཤོས་ཀྱི་ཉི་མ་བཟའ་འཛིན།

༄༅༎དེ་རིང་རེས་གཟའ་ལྷག་པའི་ཉིན་དེ་ནི་དུས་རབས་ཉེར་གཅིག་ནང་ཉི་མ་བཟའ་འཛིན་གྱི་དུས་ཡུན་རིང་ཤོས་དེ་ཡིན་པ་རེད།

དེ་རིང་ཉི་མ་བཟའ་འཛིན་གྱི་དུས་ཡུན་དེའི་ནང་ཨེ་ཤེ་ཡའི་མངའ་ཁུལ་གྱི་རྒྱལ་ཁབ་ཁག་ནང་དུས་ཡུན་རིང་ཤོས་བྱུང་ཡོད་པ་དེ་ནི་ཟླ་བས་ཉི་མ་རིམ་བཞིན་བཏུམས་ནས་དུས་ཡུན་སྐར་མ་དྲུག་དང་ལྷག་ཙམ་ཞིག་རིང་ནག་ཁུང་དུ་གྱུར་ཡོད་པ་རེད།

སྤྱིར་བཏང་ཟླ་བ་བཅོ་བརྒྱད་ནང་ཉི་མ་བཟའ་འཛིན་ཐེངས་རེ་ཡོད་ཅིང་དེ་རིང་ནི་ལོ་རྒྱུས་ཐོག་དུས་རབས་ཉི་ཤུ་རྩ་གཅིག་པའི་ནང་ཉི་མ་བཟའ་འཛིན་གྱི་དུས་ཡུན་རིང་ཤོས་དེ་ཆགས་ཀྱི་ཡོད་པ་རེད།

དེ་རིང་གི་དུས་ཚོད་དེའི་ནང་ལྷོ་ཨེ་ཤེ་ཡའི་མངའ་ཁུལ་གྱི་རྒྱལ་ཁབ་རྒྱ་གར་དང་རྒྱ་ནག་སོགས་པའི་ནང་ཡུལ་ལུང་སོ་སོའི་ཆོས་ལུགས་དང་གོམས་གཤིས་གཞིར་བཟུང་འགའ་རེས་ཉི་མ་བཟའ་འཛིན་གྱི་དུས་ཡུན་དེའི་ནང་བེུད་མངལ་དུ་ཕྲུ་གུ་ཡོད་པ་ཕྱི་ལ་འདོན་མི་ཆོག་པའི་རྣམ་རྟོག་རྩིས་པ་དང་འགའ་རེས་དེ་རིང་གི་དུས་ཚོད་དེ་ཆོས་བྱེད་རྒྱུའི་དུས་ཚོད་བཟང་པོ་ཞིག་རྩིས་པ་ཡང་ཚོང་པ་འགའ་རེས་དུས་ཚིགས་དེ་དང་བསྟུན་ནས་དམིགས་བསལ་ཚོང་དོན་གྱི་ལས་དོན་སྤེལ་བ་སོགས་དེང་དུས་ཀྱི་བལྟ་བ་དང་ཡང་སྔ་མོའི་རྨོངས་དད་ཀྱི་ལྟ་བ་སོགས་བལྟ་བ་འདྲ་མིན་འཛིན་ཡོད་པ་རེད། ཐེངས་འདིའི་ཉི་མ་བཟའ་འཛིན་གྱི་དུས་ཡུན་དེ་འདྲ་བ་མ་འོང་པར་ཕྱི་ལོ་༢༡༣༢ལོའི་ནང་བསྐྱར་དུ་ཡོང་སྲིད་པ་ཞིག་ཡིན་པ་གནམ་གཤིས་ཞིབ་འཇུག་པ་ཚོས་བརྗོད་ཀྱི་ཡོད་པ་རེད།