དབུ་ཁྲིད་གཉིས་མཇལ་མོལ།
2013.09.12
༧གོང་ས་མཆོག་ནས་ལི་ཐུཝེ་ནི་ཡའི་སྲིད་འཛིན་མཆོག་དང་མཇལ་མོལ་གནང་བ།
༄༅། །ཁ་སང་ཕྱི་ཚེས་ ༡༡ རེས་གཟའ་ལྷག་པའི་ཉིན་༸གོང་ས་༸སྐྱབས་མགོན་ཆེན་པོ་མཆོག་ལ་ལི་ཐུཝེ་ནི་ཡའི་སྲིད་འཛིན་ལྕམ་སྐུ་Dalia མཆོག་གིས་ཡུལ་དེར་ཕེབས་བསུ་དང་འབྲེལ་མཇལ་འཕྲད་ཞུས་ཡོད་པ་རེད། སྐབས་དེར་སྲིད་འཛིན་མཆོག་གིས་༸གོང་ས་མཆོག་ལི་ཐུཝེ་ནི་ཡའི་ནང་ཉིན་གསུམ་རིང་མཛད་འཕྲིན་བསྐྱང་འཆར་ཡོད་པ་དང་། ཡུལ་མི་ཚོས་༸མགོན་པོ་གང་ཉིད་ལ་དགའ་མོས་ཧ་ཅང་ཞུ་བཞིན་ཡོད་པར་བརྟེན་ཐེངས་འདིར་༸གོང་ས་མཆོག་དང་མཇལ་ཏེ་དགའ་བསུའི་སྣེ་ལེན་ཞུ་ཐུབ་པར་ཧ་ཅང་དགའ་སྤོབས་ཆེན་པོ་བྱུང་ཞེས་གསུངས་ཡོད་པ་རེད། སྲིད་འཛིན་མཆོག་གིས་ད་དུང་། ༸གོང་ས་མཆོག་ཡུལ་དེར་ཆིབས་བསྒྱུར་ཐེངས་གསུམ་པའི་སྐབས་འདིར་སྐུའི་འཕྲོད་བཞེས་ཧ་ཅང་ཡག་པོ་ཡོད་པར་བརྟེན། སྲིད་འཛིན་མཆོག་དགའ་སྤྲོ་ལྡན་པ་བྱུང་ཡོད་སྐོར་སྙན་སྒྲོན་ཞུས་ཡོད། དེ་རྗེས་༸གོང་ས་མཆོག་གིས་བྷལ་ཊིག་རྒྱལ་ཁབ་ནང་ཆིབས་བསྒྱུར་བསྐྱངས་ཐུབ་པས་མ་ཟད། ཡུལ་མི་ཚོ་ཐུག་ནས་ཕན་ཚུན་འཚམས་འདྲི་མཛད་བྱུང་བ་དང། ལི་ཐུཝེ་ནི་ཡའི་ཡུལ་དེ་རྒྱལ་ཁབ་གསར་གྲས་ཤིག་ཡིན་པ་དང་། སྤྱིར་ལུང་པ་ཆུང་ཆུང་ཡིན་ནའང་སོ་སོའི་རང་དབང་ཆེད་སྙིང་སྟོབས་ཆེན་པོས་འབད་བརྩོན་བྱས་པའི་ལོ་རྒྱུས་དེ་དག་མཐོང་སྐབས་ངོ་མཚར་སྐྱེ་གནང་མཛད་ཡོད་སྐོར་དང་། དེ་བཞིན་སྐུའི་རླབས་ཆེན་གྱི་མཛད་འཕྲིན་གཙོ་བོ་ཁག་གཉིས་སྐོར་ངོ་སྤྲོད་མཛད་ཡོད་པ་རེད། །
བལྟ་བཤེར་མང་ཤོས་བྱས་པའི་གནས་ཚུལ།
RFA
- བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་གིས་ཨ་རིར་གཞུང་འབྲེལ་ཕྱོགས་ཕེབས་དང་འབྲེལ་ཨ་རིའི་བོད་དོན་དམིགས་བསལ་འབྲེལ་མཐུད་པ་བསྐོ་གཞག་དགོས་པའི་འབོད་སྐུལ་ཞུས་འདུག
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- ཌེ་ལྦེཌ་པར་ཌུ་ལགས་ཨ་རིའི་རྒྱ་ནག་གི་གཞུང་ཚབ་ཆེན་མོར་བསྐོ་གཞག་གནང་གཏན་འཁེལ་འདུག
- བྱེས་ཀྱི་གདན་ས་བཀྲིས་ལྷུན་པོ་གཙོས་པའི་བོད་མི་གནས་སྡོད་ས་གནས་ཁག་ཏུ་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་འཁྲུངས་སྐར་སྲུང་བརྩི་ཞུས།
- ༸གོང་ས་༸སྐྱབས་མགོན་ཆེན་པོ་མཆོག་གིས་དད་ལྡན་པ་ ༣༠༠ ལྷག་ལ་མང་མཇལ་སྩལ་བ།
- རྒྱ་ནག་དང་རྒྱ་གར་གཉིས་གྲོས་མོལ་གྱིས། རྒྱ་གར་གྱི་གནས་སྐོར་བ་རྣམས་བོད་ནང་གངས་རིན་པོ་ཆེར་གནས་མཇལ་དུ་བསྐྱོད་རྒྱུ་བསྐྱར་དུ་སྒོ་འབྱེད་རྒྱུ་རེད་འདུག
- ལྷོ་ཀོ་རི་ཡའི་མི་སྒེར་གྱི་གནས་ཚུལ་སྲུང་སྐྱོབ་ལྟ་ཞིབ་ཁང་གིས་ཌིབ་སིག་གིས་ལྷོ་ཀོ་རི་ཡའི་མི་ས་ཡ་༡.༥ཡི་གནས་ཚུལ་ཁྲིམས་འགལ་ཐོག་རྐུ་ཁྱེར་བྱེད་བཞིན་པ་གསལ་སྟོན་བྱས་འདུག