ཨ་རིའི་གྲོས་ཚོཌ་འཐུས་མི་འབར་མར་འཚམས་གཟིཌ།

༄༅༎ཨ་རིའི་གྲོས་ཚོགས་འཐུས་མི་Joe Crowley མཆོག་འབར་མའི་ནང་བཅོས་བསྒྱུར་ལས་དོན་ལ་གཟིགས་ཞིབ་ཆེད་རེས་གཟའ་པ་སངས་ཉིན་ཕྱོགས་ཕེབས་གནང་གི་ཡོད་ཅིང་། ཁོང་ནི་དེ་སྔོན་འབར་དྲག་པོའི་སྲིད་གཞུང་ལ་དཔལ་འབྱོར་བཀག་སྡོམ་གྱི་ཉེས་ཆད་འགེལ་རྒྱུར་ཤུགས་སྣོན་སྐྱོན་མཁན་གཙོ་བོའི་གྲས་ཤིག་ཡིན་པ་རེད། ཉེ་ལམ་འབར་མའི་ཡུལ་ནང་གྲགས་ཅན་མི་སྣ་གཟིགས་སྐོར་ཕེབས་མཁན་རིམ་པ་བྱུང་ཡོད་ཀྱང་ཨ་རིའི་གྲོས་ཚོགས་འཐུས་མི་འདས་པའི་ལོ་ངོ་བཅུ་གཉིས་ནང་དང་པོ་དེ་ཡིན་པ་རེད། ཨ་རིའི་མང་གཙོ་ཚོགས་པའི་གྲོས་ཚོགས་འཐུས་མི་Joe Crowley མཆོག་གིས་འབར་མའི་གཞུང་འཛིན་མི་སྣ་ཁག་དང་མཇལ་འཕྲད་གནང་རྒྱུ་མ་ཟད།་  ཕྱོགས་འགལ་ཚོགས་པའི་དབུ་ཁྲིད་ལྕམ་Aung San Suu  Kyi མཆོག་དང་གྲངས་ཉུང་མི་རིགས་ཀྱི་འགོ་ཁྲིད་ཁག་བཅས་མཇལ་འཕྲད་གནང་རྒྱུ་ཡིན་པ་རེད་།་ འབར་མའི་རྒྱལ་ཡོངས་འོས་བསྡུ་བྱུང་རྗེས་དྲག་པོའི་གཞུང་གིས་ཞི་བའི་མི་མང་གི་གཞུང་ལ་སྲིད་དབང་རྩིས་སྤྲོད་བྱས་ཏེ་ད་ཆ་བཅོས་བསྒྱུར་ཕྲན་བུ་བཏང་བར་བློ་དོགས་ཡོད་ཀྱང་ད་ཆ་འབྱུང་འགྱུར་ཕྱི་ཟླ་༤་པའི་ཚེས་གཅིག་འབར་མའི་མང་གཙོའི་དབུ་ཁྲིད་ལྕམ་Aung San Suu Kyi མཆོག་གྲོས་ཚོགས་འཐུས་མིའི་འོས་མིར་བཞུགས་གཏན་འཁེལ་བར་བརྟེན།    འབར་མའི་ནང་བཅོས་བསྒྱུར་གང་ལེགས་ཡོང་བའི་རེ་བ་ཇེ་ཆེར་འགྲོ་བཞིན་པ་རེད། འབར་མའི་ནང་མང་གཙོའི་ལས་འགུལ་དང་བཅོས་བསྒྱུར་ལ་སྐུལ་དེད་གཏོང་ཆེད་སྔར་ལོའི་ལོ་མཇུག་ཏུ་ཨ་རིའི་ཕྱི་སྲིད་དྲུང་ཆེ་ལྕམ་Hillary Clinton མཆོག་གཞུང་དོན་ཕྱོགས་ཕེབས་གནང་ཏེ་འབར་མའི་སྲིད་འཛིན་Tehin Sein སོགས་གཞུང་འཛིན་མི་སྣ་མཐོ་གྲས་མཇལ་འཕྲད་གནང་བ་མ་ཟད། མང་གཙོའི་དབུ་ཁྲིད་ལྕམ་Aung San Suu Kyi མཆོག་བཞུགས་ཡུལ་དུ་ཕེབས་ཏེ་མཇལ་འཕྲད་བཀའ་བསྡུར་ལྷུགས་པོ་བྱུང་བའི་མཛའ་བརྩེའི་རྣམ་འགྱུར་ལྡན་པའི་འདྲ་པར་འཛམ་གླིང་མི་མང་ཀུན་གྱི་མཐོང་ཆོས་སུ་་བྱུང་ཡོད་པ་རེད།།