འཇིཊ་སྐུལ་བས་བསད་པའི་བུད་མེད་དེས་བོད་མིར་རོཊ་པ་བྱས་མྱོང་འདུག

འཇིགས་སྐུལ་དྲག་སྤྱོད་པས་དམར་བསད་བཏང་བའིKayla Mueller

འཇིགས་སྐུལ་དྲག་སྤྱོད་པས་དམར་བསད་བཏང་བའི་ཨ་རིའི་བུད་མེད་དེ་བོད་དོན་རྒྱབ་སྐྱོར་བ་ཞིག་ཡིན་པར་ཐུགས་གསོ་སྨོན་ལམ་གནང་འདུག
དེ་ཡང་ཉིན་ཤས་གོང་ཁ་ཆེའི་ལྟ་བ་འཁྲེགས་པོར་འཛིན་མཁན་འཇིགས་སྐུལ་དྲག་སྤྱོད་ཀྱི་ལས་འགུལ་སྤེལ་མཁན། ISIཞེས་པའི་ཚོགས་པས་དོ་དམ་འོག་ནས་ལྐོག་བསད་བཏང་བའི་ཨ་རིའི་བུད་མེད་ལོ་ན་ཉི་ཤུ་རྩ་དྲུག་ཡིན་པ་Kayla Muellerཞེས་པ་དེ་ནི་ལོ་ཤས་གོང་རྡ་རམ་ས་ལའི་ནང་བཞུགས་མྱོང་ཡོད་པ་མ་ཟད་། བོད་མི་ཚོར་དབྱིན་ཡིག་སློབ་ཁྲིད་བྱས་པ་སོགས་བོད་དོན་ལ་རྒྱབ་སྐྱོར་བྱེད་མཁན་ཞིག་ཡིན་འདུག གནས་ཚུལ་ལྟར་ན། གོང་ཞུས་བུད་མེད་ཀེ་ལ་ཞེས་པ་ཕྱི་ལོ་༢༠༡༠ལོར་བཞུགས་སྒར་རྡ་རམ་ས་ལར་ཕེབས་ནས་བོད་པའི་གཞུང་འབྲེལ་མ་ཡིན་པའི་ཚོགས་པ་འགའ་ཤས་ནང་ཕྱག་རོགས་གནང་མྱོང་ཡོད་འདུག གནས་ཚུལ་ནང་བཀོད་པར་ལྟར་ན། གཞུང་འབྲེལ་མ་ཡིན་པའི་ཚོགས་པ་ལྷ་ཞེས་པ་དང་། Tibet Hope Center Learning for Tibetཞེས་པ་སོགས་ཚོགས་པ་ཁག་གི་ནང་ལས་དོན་འདྲ་མིན་ཐོག་རོགས་པ་བྱེད་མྱོང་མཁན་གྱི་བུད་མེད་བཟང་པོ་ཞིག་ཡིན་ལུགས་གོང་ཞུས་ཚོགས་པ་དེ་དག་གི་འབྲེལ་ཡོད་ཚོས་ངོ་སྤྲོད་གནང་བ་དང་ཆབས་ཅིག་ཁོང་གློ་བུར་རྐྱེན་ལམ་དུ་ཕྱིན་པའི་ཡིད་སྐྱོའི་གནས་ཚུལ་གོ་ཐོས་བྱུང་བར་བློ་ཕམ་བྱུང་ལ་ཐུགས་གསོའི་སྨོན་ལམ་རྒྱབ་ཡོད་ལུགས་འགྲེལ་བརྗོད་གནང་འདུག
ཁོང་ཕྱི་ལོ་༢༠༡༣ལོའི་ཕྱི་ཟླ་བརྒྱད་པའི་ནང་། སི་རི་ཡའི་ནང་Spanish Doctors Without Bordersཞེས་པའི་རྒྱལ་མཚམས་མེད་པའི་གསར་འགོད་མཐུན་ཚོགས་ཀྱི་ལས་ཀ་བྱེད་བཞིན་པའི་སྐབས། ཁ་ཆེའི་འཇིགས་སྐུལ་ཚོགས་པ་ISIཞེས་པའི་ཚོགས་མི་ཚོས་ཁོ་མོ་དང་། ཁོ་མོའི་དགའ་རོགས་སི་རི་ཡའི་བུ་ཞིག་ཡོད་པ་ཁོང་གཉིས་འཛིན་བཟུང་དོ་དམ་འོག་བཞག་ཡོད་པ་ཞིག་ཡིན་འདུག

གསར་འགོད་པ་རིག་འཛིན་ཆོས་སྒྲོན།