ཉི་ཧོང་གཞུང་གིས་ཀྱང་པེ་ཅིན་ཨོ་ལམ་པིཀསི་རྩེད་འགྲན་དུ་དཔོན་རིགས་གཏང་རྒྱུ་མིན་པ།
2021.12.24
AP
རེས་གཟའ་པ་སངས་ཉིན་ཉི་ཧོང་གི་བློན་ཆེན་ལྷན་ཚོགས་ཀྱི་དྲུང་ཆེ་སྐུ་ཞབས་ Hiro kazu Matsuno ཡིས་གསར་འགོད་ལྷན་ཚོགས་ཐོག་ཉི་ཧོང་གཞུང་གིས་ཕྱི་ལོ་ ༢༠༢༢ ལོའི་པེ་ཅིང་གི་ཨོ་ལམ་པིཀསི་རྩེད་འགྲན་དེར་གཞུང་འབྲེལ་དཔོན་རིགས་གཏོང་རྒྱུ་མིན་ནའང་རྩེད་འགྲན་དེ་དང་ཐད་ཀར་འབྲེལ་བ་ཡོད་པའི་ ༢༠༢༠ ལོའི་ཀྲོག་ཡོ་རྩེད་འགྲན་ཚོགས་ཆུང་གི་ཚོགས་གཙོ་དང་རྒྱལ་ཁབ་ཀྱི་ཨོ་ལམ་པིཀསི་དང་དབང་པོ་སྐྱོན་ཅན་རྩེད་འགྲན་ཚོགས་ཆུང་གཉིས་ཀྱི་འགོ་འཁྲིད་རྣམ་པ་གཉིས་པེ་ཅིང་དུ་བསྐྱོད་རྒྱུ་ཡིན་པའི་སྐོར་གསལ་བཤད་གནང་ཡོད་པ་རེད་འདུག ཉི་ཧོང་གི་བློན་ཆེན་ལྷན་ཚོགས་ཀྱི་དྲུང་ཆེ་སྐུ་ཞབས་ Matsuno ཡིས། ཉི་ཧོང་ངོས་ནས་རྒྱ་ནག་གིས་རྒྱལ་སྤྱིའི་སྤྱི་ཚོགས་ཀྱིས་ཡོངས་ཁྱབ་ཏུ་སྲུང་བརྩི་ཞུ་བཞིན་པའི་རང་དབང་དང་གཞི་རྩའི་འགྲོ་བ་མིའི་ཐོབ་ཐང་ལ་གུས་བཀུར་དང་ཁྲིམས་ལུགས་ཀྱིས་སྐྱོང་བའི་ལམ་སྲོལ་ཁག་ལ་སྲུང་བརྩི་ཞུ་དགོས་པའི་ཡིད་ཆེས་བྱེད་ཀྱི་ཡོད་ལ་གོང་ཞུས་ཀྱི་གནད་དོན་ཁག་གི་ཐོག་ཉི་ཧོང་གཞུང་གིས་རྒྱ་ནག་ལ་ཐད་ཀར་འབྲེལ་མོལ་གྱི་རིམས་པའི་ཐོག་ལན་མང་གསལ་སྟོན་བྱས་ཡོད་ཅེས་གསུང་འདུག
དེ་བཞིན་སྐུ་ཞབས་ Matsuno ཡིས་ཉེ་སྔོན་ཀྲོག་ཡོ་ལམ་པིཀསི་ཐོག་མངོན་གསལ་བཞིན་ཨོ་ལམ་པིཀསི་དང་དབང་པོ་སྐྱོན་ཅན་རྣམ་པའི་རྩེད་འགྲན་དེ་དག་ནི་ཞི་བདེ་དང་རྩེད་མོར་རྟེན་འབྲེལ་ཞུས་ནས་འགྲོ་བ་མིའི་སེམས་ཤུགས་འཕེལ་ཐབས་ཤིག་ཡིན། ཉི་ཧོང་གཞུང་གིས་རྒྱུ་མཚན་འདི་དག་ཐོག་ནས་ད་ཐེངས་ཀྱི་པེ་ཅིང་གི་ཨོ་ལམ་པིཀསི་རྩེད་འགྲན་དེར་མ་ཞུགས་རྒྱུའི་ཐག་གཅོད་དེ་རང་ངོས་ནས་གནང་བ་ཞིག་ཆགས་ཡོད་ཅེས་གསུང་འདུག རྣམ་ཀུན་ཡིན་ན་ཉི་ཧོང་གི་རྒྱལ་ཁབ་དེ་རྒྱ་ནག་ལ་དངོས་ཟོག་བཟོ་བསྐྲུན་ཙམ་མ་ཟད་ཚོང་འགྲེམས་ཐོག་ཤུགས་ཆེ་བརྟེན་དགོས་པའི་རྒྱལ་ཁབ་ཤིག་ཡིན་པའི་ཆ་ནས་རྒྱ་ནག་གི་འགྲོ་བ་མིའི་ཐོབ་ཐང་བརྡལ་བཤིག་གི་གནད་དོན་ཐོག་མངོན་གསལ་དོད་པོའི་སྲིད་བྱུས་འཛིན་མཁན་ཤིག་མིན་ནའང་སྲིད་བློན་ Fumio Kishida མཆོག་གི་གཞུང་འཛིན་ཚོགས་པའི་ནང་ཁུལ་ནས་གནད་དོན་འདིའི་ཐད་ལངས་ཕྱོགས་དེ་མཁྲེགས་ཙམ་ཟིན་དགོས་པའི་གནོན་ཤུགས་ཤུགས་ཆེ་ཐེབས་བཞིན་ཡོད་པའི་སྐོར་གནས་ཚུལ་ནང་བཀོད་འདུག
རྒྱ་ནག་གིས་ཉི་ཧོང་ལ་རྩེད་མོ་དང་ཆབ་སྲིད་གཉིས་མཉམ་བསྲེས་བྱེད་རྒྱུ་མེད་ལུགས་སྐྱོན་བརྗོད་བྱས་འདུག
གསར་འགོད་པ། རིག་ལྡན་སྒྲོལ་མ།
རྩོམ་སྒྲིག་པ། རིག་ལྡན་སྒྲོལ་མ།
དྲ་ཐོག་སྤེལ་མཁན། ནོར་སྡེ།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག
- བྱེས་ཀྱི་གདན་ས་བཀྲིས་ལྷུན་པོ་གཙོས་པའི་བོད་མི་གནས་སྡོད་ས་གནས་ཁག་ཏུ་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་འཁྲུངས་སྐར་སྲུང་བརྩི་ཞུས།
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- རྒྱ་ནག་དང་རྒྱ་གར་གཉིས་གྲོས་མོལ་གྱིས། རྒྱ་གར་གྱི་གནས་སྐོར་བ་རྣམས་བོད་ནང་གངས་རིན་པོ་ཆེར་གནས་མཇལ་དུ་བསྐྱོད་རྒྱུ་བསྐྱར་དུ་སྒོ་འབྱེད་རྒྱུ་རེད་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་དད་ལྡན་པ་ ༣༠༠ ལྷག་ལ་མང་མཇལ་སྩལ་བ།
- ལྷོ་ཀོ་རི་ཡའི་མི་སྒེར་གྱི་གནས་ཚུལ་སྲུང་སྐྱོབ་ལྟ་ཞིབ་ཁང་གིས་ཌིབ་སིག་གིས་ལྷོ་ཀོ་རི་ཡའི་མི་ས་ཡ་༡.༥ཡི་གནས་ཚུལ་ཁྲིམས་འགལ་ཐོག་རྐུ་ཁྱེར་བྱེད་བཞིན་པ་གསལ་སྟོན་བྱས་འདུག
- རྒྱ་ནག་གིས་ཀཤ་མིར་དོན་རྐྱེན་དང་འབྲེལ་ཞིབ་འཇུག་ཚད་ལྡན་དགོས་སྐོར་བརྗོད་བཞིན་པ་ནི་རྒྱ་ནག་གིས་གཉེར་བཞིན་པའི་བྱ་གཞག་དང་འགལ་ཟླར་འགྲོ་བཞིན་ཡོད་པ། ཉམས་ཞིབ་པས་གསུངས་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་བོད་མི་མང་སྤྱི་འཐུས་སྦྲེལ་པོ་རྣམ་གཉིས་ལ་མཇལ་ཁ་སྩལ་བ།