འབྲོག་ལམ་དཀའ་རྙོག་ཐད་ཉི་ཧོང་གིས་རྒྱ་གར་ལ་རྒྱབ་སྐྱོར་བྱས་ཡོད་པ།

༄༅། །རྒྱ་གར་གྱི་རྒྱལ་ས་ལྡི་ལིའི་ནང་ཡོད་པའི་ཉི་ཧོང་སྐུ་ཚབ་དོན་གཅོད་Kenji Hiramatsu ཡིས་རྒྱ་གར་དང་ འབྲུག  རྒྱ་ནག་བཅས་དབར་རྩོད་རྙོག་ཡོད་པའི་འབྲོག་ལམ་ས་ཁུལ་དུ་རྒྱ་གར་གཞུང་གིས་སྲུང་སྐྱོབ་ཀྱི་ལས་དོན་སྤེལ་བར་མཐའ་ཅིག་ཏུ་རྒྱ་གར་གཞུང་ལ་རྒྱབ་སྐྱོར་གནང་རྒྱུ་ཡིན་ལུགས་གསུངས་པ་དང་ཆབས་ཅིག་རྒྱ་གར་དང་ འབྲུག་གཉིས་དབར་འབྲོག་ལམ་ས་མཚམས་ཀྱི་གནད་དོན་ཐད་གྲོས་མཐུན་བཞག་པར་བརྟེན་ད་རེས་རྒྱ་ནག་གཞུང་གིས་འབྲོག་ལམ་ཁུལ་དུ་རྒྱ་ལམ་འཛུགས་སྐྲུན་གྱི་ལས་དོན་སྤེལ་བར་རྒྱ་གར་གྱི་དམག་མིས་ཐེ་བྱུས་གནང་སྟེ་དེ་ཁུལ་ས་མཚམས་སྲུང་སྐྱོབ་ཀྱི་ལས་དོན་སྤེལ་གྱི་ཡོད་པ་སོགས་ང་ཚོས་གསལ་པོ་ཤེས་རྟོགས་ཡོད་ཅེས་ས་གནས་གསར་འགྱུར་བརྒྱུད་ལམ་ཁང་དུ་གནས་ཚུལ་གསལ་སྟོན་གནང་ཡོད་པ་རེད། ཡང་ཁོང་གིས་མུ་མཐུད་གསུངས་ན་ད་རེས་རྒྱ་ནག་གཞུང་གིས་རྒྱ་གར་དང་འབྲུག་གི་ས་མཚམས་འབྲོག་ལམ་ས་ཁུལ་དབང་འཛིན་བྱེད་ རྒྱུའི་གནད་དོན་གཅིག་པུར་མ་ཡིན་པར་ཉི་ཧོང་མཉམ་དུ་ཡང་སེན་ཀ་ཀུ་གླིང་ཕྲན་ཐོག་རྩོད་རྙོག་ཆེན་པོ་ཡོད་ལུགས་གསལ་སྟོན་གནང་ཡོད་པ་རེད། རིང་མིན་ཕྱི་ཟླ་དགུ་པའི་ནང་ཉི་ཧོང་གི་སྲིད་བློན་ཤིན་ཛོ་ཨ་བྷེ་མཆོག་རྒྱ་གར་དུ་འཚམས་གཟིགས་ཕེབས་རྒྱུའི་འཆར་གཞི་ཡོད་འདུག་ཅིང་། རྒྱ་གར་དུ་བཅའ་ཞུགས་ཉེ་ཧོང་གཞུང་ཚབ་ཆེན་མོས་རྒྱ་གར་ལ་རྒྱབ་སྐྱོར་གྱི་བཀའ་མོལ་གནང་པ་དེར་རྒྱ་ནག་ཕྱི་སྲིད་ལས་ཁུངས་ཀྱི་ངོས་ནས་སྐྱོན་བརྗོད་ཆེན་པོ་བྱས་འདུག།
གསར་འགོད་པ་དབྱངས་སྒྲོལ།