ཨི་ཊ་ལི་གྲོས་ཚོགས་འཐུས་མིས་བོད་ཀྱི་གནས་སྟངས་ལ་བློ་འཚབ།

༄༅།    །སྲིད་སྐྱོང་མཆོག་དེང་སྐབས་ཡོ་རོབ་ཁུལ་དུ་འཚམས་འདྲིར་ཕེབས་ཡོད་པ་ལྟར། ཕྱི་ཟླ་བཅུ་པའི་ཚེས་༢༤  ཉིན་Italy རྒྱལ་ས་Room དུ་འཚམས་འདྲི་འགོ་འཛུགས་གནང་ཞིང༌། ཕྱི་ཚེས་༢༥ ཉིན་འཚམས་འདྲི་ཉིན་གཉིས་པའི་ཐོག་Italy ཡི་ཆབ་སྲིད་ཚོགས་པ་མི་འདྲ་བའི་གྲོས་ཚོགས་ཀྱི་འཐུས་མི་༡༡ དང་མཇལ་འཕྲད་གནང་བ་དང༌། སྐབས་དེར་སྲིང་སྐྱོང་མཆོག་གིས། Italy གྲོས་ཚོགས་ཀྱིས་ད་བར་དུ་བོད་དོན་ཆེད་དུ་རྒྱབ་སྐྱོར་མུ་མཐུད་གནང་བར་ཐུགས་རྗེ་ཆེ་ཞུས་པས་མ་ཟད། ཁྱེད་ཚོའི་རྒྱབ་སྐྱོར་ཧ་ཅང་རྩ་ཆེན་པོ་དང༌། ཁྱེད་ཚོའི་རྒྱབ་སྐྱོར་ནི་མང་གཙོ་དང་འཚེ་མེད་ཞི་བའི་ཐབས་ལམ་ལ་རྒྱབ་སྐྱོར་གནང་བ་ཞིག་ཏུ་ངོས་འཛིན་ཞུ་གི་ཡོད། ཅེས་གསུངས་འདུག    སྲིད་སྐྱོང་མཆོག་ནས་ད་དུང་།    བོད་ནང་དུ་ད་བར་བོད་མི་ཚོས་རང་ལུས་མེར་སྲེག་བཏང་སྟེ་རྒྱ་ནག་གཞུང་གིས་བོད་མིའི་ཐོག་འཛིན་པའི་དྲག་གནོན་གྱི་སྲིད་ཇུས་ལ་ངོ་རྒོལ་བྱེད་ཀྱི་ཡོད། ངོས་ནས་བོད་མི་ཚོར་རང་ལུས་མེར་སྲེག་མ་བཏང་རོགས་ཞེས་འབོད་སྐུལ་ཇི་ཙམ་ཞུས་ཀྱང་ཉེ་ཆར་གཟའ་འཁོར་གཅིག་ནང་དུ་བོད་མི་བཞི་ཡིས་མུ་མཐུད་ནས་རྒྱ་ནག་གཞུང་ལ་ངོ་རྒོལ་གནང་སྟེ་རང་ལུས་མེར་སྲེག་བཏང་ཡོད་པ་རེད། དེ་ཡིས་བོད་ནང་གི་བོད་མི་རྣམས་རྒྱ་ནག་གཞུང་གི་དྲག་གནོན་འོག་ལ་དཀའ་སྡུག་མྱོང་བཞིན་ཡོད་པའི་རྣམ་པ་གསལ་པོ་མཚོན་ཐུབ་པ་ཞིག་རེད། ཅེས་གསུངས།    དེ་རྗེས་Italy གྲོས་ཚོགས་ནང་གི་བོད་དོན་རྒྱབ་སྐྱོར་ཚོགས་པས་སྲིད་སྐྱོང་མཆོག་ལ་གསར་འགོད་ལྷན་ཚོགས་ཤིག་སྐོང་ཚོགས་གནང་སྟེ། གྲོས་ཚོགས་ཀྱི་འཐུས་མི་དྲུག་མཉམ་བཞུགས་གནང་བ་མ་ཟད། ཁོང་ཚོས་ཀྱང་གསར་འགོད་ལྷན་ཚོགས་ཐོག་ལ་བོད་ནང་ཛ་དྲག་གི་གནས་སྟངས་ལ་བློ་འཚབ་ཡོད་པ་དང༌། བོད་དོན་ལ་རྒྱབ་སྐྱོར་གནང་རྒྱུ་ཡིན་པའི་གཏམ་བཤད་གནང་ཡོད་པ་རེད།།