ཨ་རུ་ཎ་ཅལ་མངའ་སྡེ་རྒྱ་གར་དང་ཁ་བྲལ་ཐབས་མེད་ལུགས།

༄༅༎རྒྱ་དཀར་རྒྱ་ནག་གཉིས་ཀྱི་ས་མཚམས་དཀའ་རྙོག་སེལ་ཐབས་སུ་ད་བར་གྲོས་མོལ་རིམ་པ་གནང་ཡོད་ཀྱང་ད་བར་དམིགས་བསལ་དོན་འབྲས་སོན་པ་ཞིག་བྱུང་མེད་པ་མ་ཟད་འདས་པའི་ལོ་འགའ་ཤས་ནས་བཟུང་རྒྱ་ནག་གཞུང་གི་འབྲེལ་ཡོད་ཚན་པ་ཁག་ཅིག་གིས་རྒྱ་གར་བྱང་ཕྱོགས་ཨ་རུ་ན་ཅལ་མངའ་སྡེ་དེ་བཞིན་རྒྱ་ནག་དང་ཁ་བྲལ་ཐབས་མེད་པའི་ཆ་ཤས་ཤིག་ཡིན་པའི་སྐོར་གཏམ་བཤད་སྤེལ་ནས་ཡུལ་གཉིས་བར་འགལ་ཟླ་ཆེ་རུ་ཕྱིན་ཡོད་པ་དང་ལྷག་པར་དུ་ད་རེས་སླར་ཡང་རྒྱ་གར་གྱི་ཕྱི་སྲིད་བློན་ཆེན་པར་ན་མུ་ཁར་ཇི་མཆོག་རྟ་དབང་གི་དགོན་པ་ཞིག་གི་མཛད་སྒོའི་ཐོག་ཕེབས་པའི་སྐབས་ཨ་ཏུ་ན་ཅལ་མངའ་སྡེའི་མི་མང་ཚོས་རྒྱལ་ཡོངས་གྲོས་ཚོགས་འོག་མའི་ནང་འཐུས་མི་གཉིས་འོས་འདེམས་བྱེད་ཀྱི་ཡོད་རེད་ལ་མངའ་སྡེའི་གྲོས་ཚོགས་འཐུས་མི་ཚོས་ཀྱང་མངའ་སྡེ་གཞན་མཚུངས་འོས་འདེམས་ཀྱིས་སོ་སོའི་ས་གནས་ཀྱི་ལས་འགན་བསྒྲུབས་ཀྱི་ཡོད་རེད་དེ་འདྲ་ཡིན་དུས་ཨ་རུ་ན་ཅལ་ཙམ་མ་ཡིན་པར་རྒྱ་གར་གྱི་མངའ་སྡེ་གཞན་ཚང་མ་རྒྱ་གར་ཁོངས་ནས་ཁ་བྲལ་ཐབས་མེད་པ་ཞིག་རེད་ཅེས་གསུངས་ནས་གང་ལྟར་ཨ་རུ་ན་ཅལ་མངའ་སྡེ་འདི་བཞིན་རྒྱ་གར་ཁོངས་གཏོགས་ཡིན་པ་བསྐྱར་དུ་ནན་བརྗོད་གནང་ཡོད་པ་རེད༎