རྒྱ་གར་ནི་རྨང་གཞི་མང་གཙོའི་ལམ་ནས་བཙུགས་སྟབས་སྤྱི་ཚོགས་ཀྱི་སྒྲོམ་གཞི་སྲ་བརྟན་ཐོག་གནས་ཐུབ་ཡོད། ༧གོང་ས་མཆོག་གིས།
སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་ལ་དྭགས་སུ། ༠༨།༡༣།༢༠༢༢
OHHDL
བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གིས། རྒྱ་གར་རང་བཙན་ཐོབ་པ་ནས་བཟུང་གཞི་རིམ་སྤྱི་ཚོགས་ཀྱི་སྒྲོམ་གཞི་སྲ་བརྟན་ཐོག་གནས་ཐུབ་པ་ནི། མི་ཐོག་མང་པོའི་སྔོན་ནས་གཞུང་གི་ལམ་ལུགས་ཀྱི་རྨང་གཞི་མང་གཙོ་བརྟན་པོ་ཞིག་གི་ཐོག་བཙུགས་གནང་པ་ལས་བྱུང་བ། རྒྱ་གར་རང་བཙན་ཐོབ་ནས་ལོ་ངོ་༧༥འཁོར་བའི་དུས་ཆེན་ཐོག་རྒྱ་གར་གྱི་(ONMANORAMA)་གསར་འགྱུར་བརྒྱུད་ལམ་གྱིས་སྐྱབས་འཇུག་ཞུས་པ་ལྟར་ཡིག་ཐོག་བསྩལ་བའི་བཀའ་ཡིག་ཞིག་གི་ནང་བཀའ་གནང་འདུག
ད་དུང་༧གོང་ས་སྐྱབས་མགོན་ཆེན་པོ་མཆོག་གིས་བཀའ་ཡིག་དེའི་ནང་། ༧གོང་ས་སྐྱབས་མགོན་ཆེན་པོ་མཆོག་གིས། མང་གཙོའི་ལམ་ལུགས་སྲ་བརྟན་ཡོད་པ་དེའི་ཐོག་ནས་རྒྱ་གར་ནང་མི་རིགས་དང་ཆོས་ལུགས་འདྲ་མིན་འདྲ་མཉམ་གྱི་ཐོག་ནས་མཉམ་གནས་ཐུབ་བཞིན་ཡོད་པ་དང་། དེ་དེང་སྐབས་༧གོང་ས་སྐྱབས་མགོན་ཆེན་པོ་མཆོག་ཆིབས་བསྒྱུར་གནང་ཡུལ་ལ་དྭགས་ཡུལ་གྱི་ནང་། ནང་པ་དང་ཁ་ཆེ། ཡེ་ཤུ་དང་ཧིན་རྡུ་ཆོས་བྱེད་པ་སོགས་ཞི་བདེའི་ཐོག་ནས་མཉམ་གནས་བྱེད་བཞིན་པ་ལས་ཤེས་རྟོགས་ཐུབ་པ་ཡིན་པ་བཀའ་གནང་འདུག
ད་དུང་བཀའ་ཡིག་ནང་། རྒྱ་གར་གྱི་ངོས་ནས་འདས་པའི་ལོ་ངོ་༧༥དེའི་རིང་ཚན་རིག་དང་འཕྲུལ་རིག་གི་ཐོག་ནས་རྒྱ་གར་ཕྱི་ནང་གཉིས་ཀར་ལེགས་སྐྱེས་ཆེན་པོ་ཕུལ་ཐུབ་ཡོད་པར་བསྔགས་བརྗོད་གནང་པ་དང་སྦྲགས། དེང་གི་འཛམ་གླིང་ནང་དགོས་མཁོ་ཆེ་བའི་འཚེ་མེད་ཞི་བའི་ལྟ་གྲུབ་དར་སྤེལ་གཏོང་རྒྱུའི་ཐད་ལ་ཡང་རྒྱ་གར་ལ་འོས་འགན་ཆེན་པོ་ཡོད་པ་བཀའ་གནང་འདུག
ད་དུང་༧གོང་ས་མཆོག་སྐུ་ངོས་ནས་བོད་ཀྱི་ཆོས་དང་རིག་གཞུང་སྲུང་སྐྱོབ་དར་སྤེལ་མཛད་རྒྱུ་དང་། རྒྱ་གར་གྱི་གནའ་བོའི་རིག་གཞུང་སླར་གསོའི་ཐད་ཐུགས་འཁུར་ཆེ་བཞེས་གནང་བཞིན་ཡོད་པ་བཀའ་གནང་འདུག་ལ། རྒྱ་གར་གྱི་ངོས་ནས་ཀྱང་རྒྱ་གར་གྱི་དེང་དུས་ཤེས་ཡོན་ལམ་ལུགས་ནང་། རྒྱ་གར་གྱི་གནའ་བོའི་རིག་གཞུང་ཁག་ཆོས་ལུགས་ལ་མ་འབྲེལ་བའི་ཐོག་ནས་འཇུག་ཐབས་བྱེད་དགོས་པའི་དགོངས་ཚུལ་ད་རེས་སླར་ཡང་དོ་ནན་གྱིས་གསུང་རྒྱུ་ཡིན་པ་བཀའ་གནང་འདུག
ལྷག་པར་དུ་༧གོང་ས་སྐྱབས་མགོན་ཆེན་པོ་མཆོག་གིས། རྒྱ་གར་གྱི་མང་གཙོའི་ལམ་ལུགས་ལ་དེ་སྔོན་ཕྱི་ལོ་༡༩༥༦ལོར་ཐོག་མར་རྒྱ་གར་དུ་ཆིབས་བསྒྱུར་གནང་སྐབས་ནས་ཐུགས་མོས་ཆེན་པོ་བྱུང་བ་བཀའ་གནང་། དཔེར་ན། སྐབས་དེར་རྒྱ་གར་གྱི་གྲོས་ཚོགས་ནང་འཐུས་མི་སོ་སོའི་བསམ་ཚུལ་འཇིགས་ཞུམ་མེད་པའི་ཐོག་ནས་ལྷུག་པོར་བརྗོད་པ་ནི། ཕྱི་ལོ་༡༩༥༤དང་༥༥ ལོར་རྒྱ་ནག་ཏུ་ཆིབས་བསྒྱུར་སྐབས། རྒྱ་ནག་མི་དམངས་འཐུས་མིའི་ཚོགས་ཆེན་ནང་གི་བྱེད་ལས་ཧ་ཅང་མི་འདྲ་བ་ཞིག་ཡིན་པའི་གཟིགས་ཚུལ་ངེས་རྙེད་བྱུང་བ་བཀའ་གནང་འདུག
གསར་འགོད་པ། སྐལ་ལྡན་བློ་གྲོས།
དྲ་ཐོག་སྤེལ་མཁན། ཀླུ་འབུམ།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཁྲིམས་ཁང་གིས་ཨེ་ཤེ་ཡ་རང་དབང་རླུང་འཕྲིན་ཁང་གི་མ་དངུལ་མཁོ་སྤྲོད་དགོས་པའི་ཁྲིམས་ཀྱི་ཐག་གཅོད་ལ་ཨེ་ཤེ་ཡ་རང་དབང་རླུང་འཕྲིན་ཁང་གིས་དགའ་བསུ་ཞུས།
- ཨ་མི་རི་ཀའི་སྲིད་འཛིན་གཞོན་པ་ཇེ་ཊི་ཝེན་སི་མཆོག་གིས་རྒྱ་གར་ནང་གཟིགས་སྐོར་དང་ཆབས་ཅིག རྒྱ་གར་གྱིས་རྒྱ་ནག་ནས་ནང་འདྲེན་གྱི་དྭངས་ལྕགས་རིགས་ལ་སྒོ་ཁྲལ་བརྒྱ་ཆ་ ༡༢ སྤར་ཡོད་པ།
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- ༸གོང་ས་༸སྐྱབས་མགོན་ཆེན་པོ་མཆོག་གིས་ཤེས་ལྡན་རྒྱ་ནག་མི་སེར་རྣམས་ཀྱིས་བོད་དོན་ཐོག་བསམ་བློ་གཏོང་ཕྱོགས་ནི་བོད་དོན་འཐབ་རྩོད་ཁྲོད་གལ་གནད་ཅན་ཞིག་ཡིན་ཞེས་བཀའ་སྩལ་མཛད་ཀྱི་ཡོད་པ།
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག
- བྱེས་ཀྱི་གདན་ས་བཀྲིས་ལྷུན་པོ་གཙོས་པའི་བོད་མི་གནས་སྡོད་ས་གནས་ཁག་ཏུ་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་འཁྲུངས་སྐར་སྲུང་བརྩི་ཞུས།
- བྱིས་པ་ཚོས་དགའ་མོས་ཆེན་པོ་བྱ་ཡུལ་པེ་པ་པིག་ཅེས་པའི་འགུལ་བརྙན་བོད་སྐད་ནང་འདོན་སྤེལ་གནང་གི་འདུག
- རྒྱ་ནག་དང་རྒྱ་གར་གཉིས་གྲོས་མོལ་གྱིས། རྒྱ་གར་གྱི་གནས་སྐོར་བ་རྣམས་བོད་ནང་གངས་རིན་པོ་ཆེར་གནས་མཇལ་དུ་བསྐྱོད་རྒྱུ་བསྐྱར་དུ་སྒོ་འབྱེད་རྒྱུ་རེད་འདུག