རྒྱའི་སྲིད་འཛིན་ནས་པ་ཀིསི་ཐན་སྲིད་འཛིན་ལ་དགའ་བསུ་ཞུས།

༄༅༎རྒྱ་ནག་གི་སྲིད་འཛིན་ཧུའུ་ཅིན་ཐའོ་ཡིས་ ཨ་སིཕ་ཛར་རྡ་རི་ པ་ཀིསི་ཐན་གྱི་སྲིད་འཛིན་དུ་འོས་འདེམས་བྱུང་བར་དགའ་བསུ་ཞུས་གནང་འདུག

རྒྱ་ནག་དང་པ་ཀིསི་ཐན་གཉིས་ས་ཆུ་གཉིས་ཐོག་ནས་སྦྲེལ་བ་ཡོད་པར་བརྟེན་ལོ་མང་གོང་ནས་ཡུལ་གཉིས་དབར་མཛའ་འབྲེལ་བརྟན་པོ་ཡོད་པས་འབྲེལ་ལམ་དེ་མཇུག་སྐྱོང་གནང་རྒྱུའི་ཁས་ལེན་གནང་སྦྲགས་ སྲིད་བློན་དམ་པ་ སྦེ་ན་ཛིར་སྦུ་ཊོ་ཡི་སྐུ་ཟླ་ ཨ་སིཕ་ཛར་རྡ་རི་ད་ཆ་རྒྱལ་ཁབ་ཀྱི་སྲིད་འཛིན་དུ་འོས་འདེམས་བྱུང་བར་སྲིད་འཛིན་ཧུའུ་ཅིན་ཐའོ་ཡིས་དགའ་བསུའི་འཚམས་འདྲི་དང་བསྔགས་བརྗོད་གནང་འདུག འདས་པའི་ལོ་༥༧རིང་ཡུལ་གཉིས་དབར་ཆབ་སྲིད་དང་ དཔལ་འབྱོར་ གང་ཅིའི་ཐད་མཛའ་འབྲེལ་གོང་མཐོར་འཕེལ་ཡོད་པ་མ་ཟད་ ཞི་བདེ་དང་སྲུང་སྐྱོབ་ འཛུགས་བསྐྲུན་ བཅས་ཀྱི་ཐད་གྲུབ་འབྲས་ཆེན་པོ་སོན་ཡོད་ལུགས་འགྲེལ་བརྗོད་བྱས་འདུག འཕོ་འགྱུར་འགྲོ་བཞིན་པའི་རྒྱལ་སྤྱིའི་སྤྱི་ཚོགས་ནང་ཡུལ་གཉིས་དབར་གྱི་མཛའ་འབྲེལ་མཇུག་སྐྱོང་གིས་སླད་ཕྱིན་ནས་མཛའ་འབྲེལ་མཇུག་སྐྱོང་གིས་ཕན་ཚུན་སྤུན་ཟླའི་འབྲེལ་ལམ་བཟང་པོ་ཡུན་གནས་ཐུབ་པའི་རེ་བ་སྟོན་གནང་འདུག།