གནམ་བདེ་སྒོ་མོའི་དམངས་གཙོའི་ལས་འགུལ་བར་བཀག་འགོག

༄༅༎ཧོང་ཀོང་གི་གྲོས་ཚོགས་འཐུས་མི་ཟུར་པ་དང་ཧོང་ཀོང་དམངས་གཙོ་ཚོགས་པའི་ཚོགས་གཙོ་ཟུར་པ་དེ་བཞིན་ཕྱི་ལོ་༡༩༨༩ལོའི་པེ་ཅིན་གནམ་བདེ་སྒོ་མོའི་ཐང་ཆེན་གྱི་སློབ་ཕྲུག་གི་དམངས་གཙོའི་ལས་འགུལ་དེར་རྒྱ་ནག་གཞུང་གིས་དྲག་སྣོན་བྱས་པའི་རྗེས་ཧོང་ཀོང་ནང་སློབ་ཕྲུག་གི་དམངས་གཙོ་ལས་འགུལ་དེར་རྒྱབ་སྐྱོར་བྱེད་མཁན་གྱི་ཚོགས་པ་བཙུགས་གནང་མཁན་ སྐུ་ཞབས་སི་དུའུ་ཧའ་སྤྲན་ནད་ཀྱི་སྙུན་གཞི་བཞེས་ནས་སྨན་བཅོས་བྱས་ནས་ཕན་ནུས་མ་ཐོན་པར་གཟའ་ཉི་མའི་ཉིན་འདས་གྲོངས་སུ་ཕེབས་ཡོད་པ་དང་ ད་རེས་གཟའ་ལྷག་པའི་ཉིན་ཁོང་གི་དགའ་ཉེ་དང་ དམངས་གཙོ་དོན་གཉེར་བ་ ཧོང་ཀོང་གྲོས་ཚོགས་ཀྱི་འཐུས་མི་དང་ སྲིད་དོན་མི་སྣ་སོགས་མི་གྲངས་བརྒྱ་གྲངས་ཧོང་ཀོང་གྲོས་ཚོགས་ཀྱི་ཐང་ཆེན་དུ་མྱ་ངན་གྱི་འདུ་འཛོམས་ཚོགས་གནང་ཡོད་པ་རེད།

ཧོང་ཀོང་དམིགས་བསལ་ས་གནས་གཞུང་གིས་མྱ་ངན་གྱི་འདུ་འཛོམས་དེར་༨༩འི་སློབ་ཕྲུག་གི་དམངས་གཙོའི་ལས་འགུལ་དེའི་འགོ་ཁྲིད་གྲས་ལྦང་ཏན་དང་ འུར་འ་ཁད་ཤིས་སོགས་དམངས་གཙོ་དོན་གཉེར་བ་ཁག་ཅིག་ཧོང་ཀོང་ནང་འཛུལ་རྒྱུར་བཀག་སྡོམ་བྱས་ཡོད་པར་ཧོང་ཀོང་ནང་གི་མི་སྣ་མང་པོས་སྐྱོན་བརྗོད་ཤུགས་ཆེ་བྱེད་བཞིན་ཡོད་པ་རེད།