༸གོང་ས་མཆོག་རྒྱ་གར་ལྷོ་ཕྱོགས་སུ་ཆིབས་བསྒྱུར།

༄༅། །བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་དེ་རིང་ཕྱི་ཚེས་༢༢་ཉིན་རྒྱ་གར་རྒྱལ་ས་ལྡི་ལི་དང་།    རྒྱ་གར་ལྷོ་ཕྱོགས་བཅས་སུ་བསྐྱང་རྒྱུའི་མཛད་འཆར་གྱི་ཆེད་དུ་བཞུགས་སྒར་ཕོ་བྲང་ནས་ཆིབས་བསྒྱུར་བཀའ་དྲིན་བསྐྱངས་འདུག
མཛད་འཆར་སྔོན་སྒྲིག་གནང་བ་གཞིར་བཟུང་བྱས་ན།    སོག་རིགས་དད་ལྡན་རྣམས་ནས་ཇི་ལྟར་གསོལ་འདེབས་ཞུས་པ་བཞིན།་༧གོང་ས་མཆོག་ནས་རྒྱ་གར་རྒྱལ་ས་ལྡི་ལི་ཁུལ་དུ་ཕྱི་ཚེས་༢༤ནས་༢༧བར་ཉིན་གྲངས་བཞིའི་རིང་སྤྱོད་འཇུག་ཆེན་མོའི་བཀའ་ཆོས་བཀའ་དྲིན་བསྩལ་རྒྱུ་ཡིན་པས་མ་ཚད།་སྨན་ལྷའི་བཀའ་དབང་བཀའ་དྲིན་བསྩལ་གནང་གི་ཡོད་པ་རེད་འདུག
དེ་རྗེས་ཕྱི་ཚེས་ ༢༩ ཉིན་རྒྱ་གར་ལྷོ་ཕྱོགས་མོན་གྷོར་ཆིབས་བསྒྱུར་བཀྲིན་བསྐྱངས་ཏེ། ༸སྐྱབས་རྗེ་ཡོངས་འཛིན་གླིང་མཆོག་སྤྲུལ་རིན་པོ་ཆེ་མཆོག་ནས་ཕྱི་ལོ་༢༠༠༢ ནས་སྔ་རྗེས་སུ་ལམ་རིམ་ཁྲིད་ཆེན་བརྒྱད་ཀྱི་བཀའ་ཁྲིད་སྐྱབས་འཇུག་ཡོང་བ་ཞེས་ཇི་ལྟར་གསོལ་འདེབས་ཞུ་དོན་བཞིན། ཕྱི་ཚེས་ ༣༠ ནས་གདན་ས་ཆེན་པོ་དགའ་ལྡན་རྣམ་པར་རྒྱལ་བའི་གླིང་དང་།    དཔལ་ལྡན་འབྲས་དཀར་སྤུངས་པའི་ཆོས་སྡེ་གཉིས་སུ་སྔ་ཕྱིར་ལམ་རིམ་ཁྲིད་ཆེན་བརྒྱད་ཀྱི་ཐོག་ཞྭ་དམར་ལམ་རིམ་དང་ལམ་རིམ་རྣམ་གྲོལ་ལག་བཅངས་སོགས་བཀའ་ཆོས་ཉིན་གྲངས་བཅུ་ནས་བཅོ་ལྔ་བར་སྐབས་བསྟུན་གྱིས་བསྩལ་རྒྱུ་དང་། ལྷག་འཕྲོས་རྗེས་ལོར་རྒྱ་གར་ལྷོ་ཕྱོགས་བྷེལ་ཀོབ་སེ་ར་ཐེག་ཆེན་གླིང་དུ་བསྩལ་རྒྱུ་ཡིན་པ་རེད་འདུག།