མདོ་སྨད་རྔ་བ་ཕྱོགས་སུ་གློ་བུར་སེར་བ་དྲག་པོ་བབས་འདུག

མདོ་སྨད་རྔ་བ་ཕྱོགས་སུ་གློ་བུར་སེར་བ་དྲག་པོ་བབས། ༢༠༡༥།༦།༣

མདོ་སྨད་རྔ་བ་རྫོང་དུ་སེར་བ་དྲག་པོ་བབས་ནས་མི་ཁ་ཤས་ཀྱི་མགོ་དང་ཡན་ལག་ལ་རྨས་སྐྱོན་དང་རླངས་འཁོར་སོཊ་ཀྱི་ཤེལ་སྒོ་བཅག་ཡོད་པ་རེད།
དེ་ཡང་བོད་ནས་འདི་ག་རླུང་འཕྲིན་ཁང་ལ་གནས་ཚུལ་འབྱོར་བ་ལྟར་ན། འདི་ཟླའི་ཚེས་༣ཉིན་ས་གནས་ཀྱི་ཕྱི་དྲོའི་དུས་ཚོད་དྲུག་དང་ཕྱེད་ཀ་ནས་དུས་ཚོད་དགུ་བའི་བར་དུ། མདོ་སྨད་རྔ་བ་རྫོང་སྟོད་སྨད་བར་གསུམ་དུ་སེར་བ་དྲག་པོ་བབས་ནས་རྩྭ་དང་རྩི་ཤིང་། མེ་ཏོག་དང་ལོ་ཏོག་སོགས་ལ་གནོད་འཚེ་ཚབས་ཆེན་ཐེབས་ཡོད་པ་མ་ཟད། རླངས་འཁོར་གྱི་ཤེལ་སྒོ་བཅག་པ་དང་། འཕྲུལ་རྟ་སོགས་ལ་ཆག་སྐྱོན་བྱུང་བ་པར་ནང་མཐོང་རྒྱུ་འདུག་ལ། དེ་བཞིན་རྫོང་གི་སྲང་ལམ་གྱི་གློག་ཐོ་བཅག་པའི་གནས་ཚུལ་ཡང་ཐོན་པ་རེད། འོན་ཀྱང་ས་གནས་བོད་མི་ཞིག་གིས་བརྗོད་དོན། སེར་བ་དྲག་པོ་བབས་བའི་ཁྲོད་མིའི་ཚེ་སྲོག་ལ་གནོད་འཚེ་བྱུང་བ་ད་སྔ་ཤེས་རྟོགས་བྱུང་མེད་པ་དང་། མི་ཁ་ཤས་ཀྱི་མགོ་དང་ཡན་ལག་ལ་རྨས་སྐྱོན་ཕོག་ཡོད་པ་ས་གནས་ནས་བརྗོད་ཡོད།

གསར་འགོད་པ་ལྕགས་མོ་མཚོ།