རྒྱལ་སྤྱིའི་ནང་མི་རིགས་རྩ་བརླགས་སྔོན་འགོག་ལས་དོན་སྐོར།

༄༅༎འཛམ་གླིང་མཉམ་སྦྲེལ་རྒྱལ་ཚོགས་ནས་ངེས་པར་དུ་མི་རིགས་རྩ་མེད་སྔོན་འགོག་གི་ལས་དོན་ཐོག་ནུས་ཤུགས་ལྡན་པ་ཞིག་འགན་འཁུར་བཞེས་གནང་དགོས་ཀྱི་རེད་ཅེས་མི་རིགས་རྩ་མེད་སྔོན་འགོག་ལས་དོན་ཚན་པས་དེ་རིང་རེས་གཟའ་མིག་དམར་ཉིན་གསལ་སྟོན་གནང་བཞག

དེ་ཡང་གོང་ཞུས་ཚན་པས་གསུང་ན་འཛམ་གླིང་མཉམ་སྦྲེལ་རྒྱལ་ཚོགས་ཀྱི་ངོས་ནས་ངེས་པར་དུ་རྒྱལ་སྤྱིའི་ནང་མི་རིགས་རྩ་མེད་ཀྱི་ལས་དོན་སྔོན་འགོག་གནང་རྒྱུ་གཙོ་བོར་བཟུང་དགོས་ཤིང་དེའི་ཐོག་གཙོ་བོ་རྒྱལ་ཁབ་འདྲ་མིན་སྣ་ཚོགས་དབར་མཐུན་ལམ་གྱི་ཐོག་ནས་དཀའ་རྙོགས་སེལ་ཐབས་གནང་དགོས་ཀྱི་ཡོད་པ་རེད་ཅེས་འབོད་སྐུལ་གནང་ཡོད་པ་རེད། ཡང་གནས་ཚུལ་ནང་མུ་མཐུད་བཀོད་པར་གཞིགས་ན་དཔེར་ན་འཛམ་གླིང་ནང་མི་རིགས་རྩ་མེད་བཟོ་བའི་ཉེན་ཁ་ཆེ་བའི་རྒྱལ་ཁབ་སུའུ་ཌའན་དང་ཨི་རཁ།པ་ཀི་སི་ཏན།མིཡན་མར་སོགས་ཐོག་དེ་བས་ཀྱི་བློ་འཚབ་ཆེན་པོའི་སྒོ་ནས་སྔོན་འགོག་གི་ལས་དོན་ནུས་པ་ལྡན་པ་ཞིག་སྤེལ་གནང་དགོས་ཀྱི་རེད་ཅེས་དང་འཛམ་གླིང་མཉམ་སྦྲེལ་སྒྲིག་འཛུགས་དེ་གསར་འཛུགས་གནང་དགོས་པའི་རྒྱུ་མཚན་གཙོ་བོ་ནི་དཀའ་རྙོགས་ཅན་གྱི་རྒྱལ་ཁབ་ཁག་ནང་གི་དཀའ་ངལ་སེལ་རྒྱུའི་ཆེད་གསར་འཛུགས་གནང་བ་ཞིག་ཡིན་ལུགས་ཀྱང་གོང་ཞུས་མི་རིགས་རྩ་མེད་སྔོན་འགོག་ལས་དོན་ཚན་པའི་འགན་འཛིན་ལྕམ་ཇིལ་ས་ལྦིཏ་ཡིས་དེ་རིང་རེས་གཟའ་མིག་དམར་ཉིན་གསལ་སྟོན་གནང་ཡོད་པ་རེད།