རུས་ཐལ་ཆུ་ནང་གཏོར་དགོས་བྱུང་བ།

༄༅།།ཕྱི་ཚེས་༢༨་ཉིན་རང་ལུས་མེར་བསྲེག་བཏང་མཁན་ཞི་ཆུང་ལགས་ཀྱི་སྐུ་ཕུང་གི་རུས་ཐལ་རྒྱ་ནག་གི་ས་གནས་དཔོན་རིགས་ཚོས་བཙན་དབང་གིས་རྔ་བ་རྗོང་དུ་ཡོད་པའི་ཆུའི་ནང་བཏོར་བའི་གནས་ཚུལ་ཤེས་རྟོགས་བྱུང་འདུག
དེ་ཡང་གནས་ཚུལ་དངོས་སུ་མཐོང་མཁན་གྱི་བོད་མི་ཞིག་གིས་གསུངས་པ་ལྟར། ཚངས་དབྱངས་ལགས་ཀྱིས་འདི་ག་རླུང་འཕྲིན་ཁང་ལ་འགྲེལ་བརྗོད་གནང་དོན་ལྟར་ན། ས་གནས་མི་མང་པོས་ཁོང་གི་སྐུ་ཕུང་བདག་གཉེར་བྱེད་པར་ས་གནས་སུ་ཡོད་པའི་ཉེན་རྟོག་པ་སོགས་ཀྱིས་བཀག་འགོག་བྱས་ཀྱང་། ས་གནས་མང་ཚོགས་བཀག་མ་ཐུབ་པར་འདས་བོ་ཁོང་གི་སྐུ་ཕུང་རང་ཁྱིམ་དུ་གདན་འདྲེན་ཞུ་ཐུབ་པ་བྱུང་འདུག སྐབས་དེར་ས་གནས་མི་མང་གིས་ཁོང་གི་སྐུ་ཕུང་རྒྱ་གཞུང་གིས་བཙན་ཁྱེར་བྱེད་པར་དོགས་ནས་སྐུ་ཕུང་ནང་དུ་བཞག་རྗེས། སྒོ་བརྒྱབ་ནས་ཕྱི་ལོག་ནས་སྲུང་ཡོད་ཀྱང་། ཅུང་ཙམ་གྱི་རྗེས་སུ་ཉེན་རྟོག་དྲག་ཆས་དམག་མི་ ༡༠༠ ལྷག་འབྱོར་ནས་མང་ཚོགས་ལ་མེ་མདའ་གཏད་པ་དང་སྐབས་དེར་ཞི་ཆུང་གི་ཆུང་མ་ བ་ལོས་ ངུ་འབོད་བྱེད་བཞིན་ཁོང་གི་སྐུ་ཕུང་ལ་འཐམ་ནས་མ་བཏང་བར། ཆུང་མ་བ་ལོ་ཡང་མཉམ་དུ་བཙན་ཁྲིད་བྱས་འདུག། འོན་ཀྱང་ཁོང་ཁ་སང་ཕྱི་ ཚེས་ ༢༩ ཉིན་ཕྱིར་ནང་དུ་བཏང་ཡོད་འདུག དེ་ནས་ཁ་སང་་ཕྱི་ཟླ་༩པའི་ཚེས་ ༢༩ ཉིན་གྱི་དགོང་མོར་རྫོང་ནས་ཁོང་གི་རུལ་ཐལ་ལེན་པར་ཡོང་དགོས་པའི་བརྡ་འབྱོར་བར་ཇོ་ནང་བསེ་དགོན་པའི་གྲྭ་བ་ཁག་ཅིག་དང་། ཞི་ཆུང་དམ་པ་དེ་ཉིད་ཀྱི་སྤུན་མཆེད་ཁག་ཅིག་རྗོང་ཐོག་ཏུ་རུས་ཐལ་ལེན་པར་སྐྱོད་སྐབས། རྫོང་གི་དཔོན་པོ་དང་། ཉེན་རྟོག་ལས་ཁུངས་ནས་ཁོ་རང་ཚོས་རིགས་ས་ནས་རུས་ཐལ་ཆུ་ལ་གཏོར་བའམ། ས་འོག་ཏུ་བཅུག་པ་གང་རུང་བྱེད་དགོས་ཚུལ་ཀྱི་བཙན་བཀའ་བཏང་བ་དང་། རུས་ཐལ་ནང་དུ་ཁུར་མ་ཐུབ་པར་རྔ་བ་རྫོང་གི་ཉེ་འཁྲིས་སུ་ཡོད་པའི་རྔ་ཆུར་མི་འདོད་བཞིན་དུ་རུས་ཐལ་བཏོར་དགོས་བྱུང་ཡོད་འདུག།