ནོར་ལྦེ་གཞུང་ལ་གདུང་སེམས་མཉམ་བསྐྱེད།

བཙན་བྱོལ་བོད་མི་མང་སྤྱི་འཐུས་ལྷན་ཚོགས་ཀྱིས་ནོར་ལྦེ་གཞུང་དམངས་ལ་གདུང་སེམས་མཉམ་བསྐྱེད་ཞུས་ཡོད་པ་རེད་

2011.07.25

༄༅༎ཁ་ཉིན་རེས་གཟའ་སྤེན་པ་ཉིན་ནོར་ལྦེ་རྒྱལ་ས་ཨོསི་ལོའི་སྲིད་བློན་ལས་ཁུངས་ཀྱི་ཉེ་འགྲམ་དུ་འབར་རྫས་གས་ཐོར་དང་མཚོ་གླིང་ཞིག་ཏུ་མི་ཞིག་གིས་མེ་མདའ་རྒྱབ་ནས་མི་གྲངས་ ༩༣ རྐྱེན་ལམ་དུ་བཏང་བར་བཙན་བྱོལ་བོད་མིའི་སྒྲིག་འཛུགས་སྤྱི་འཐུས་ལྷན་ཚོགས་ཀྱི་ཚོགས་གཙོ་སྤེན་པ་ཚེ་རིང་མཆོག་གིས་ཡུལ་དེའི་གཞུང་དམངས་གཉིས་ལ་གདུང་སེམས་མཉམ་བསྐྱེད་ཡོད་པའི་ཕྱག་བྲིས་ཤིག་ཕུལ་ཡོད་པ་རེད་ དེ་ཡང་སྤྱི་འཐུས་ལྷན་ཚོགས་ཀྱི་ཚོགས་གཙོ་མཆོག་གི་ཕྱག་བྲིས་དེའི་ནང་། ནོར་ལྦེ་རྒྱལ་ཁབ་ཀྱིས་བོད་ཀྱི་གནད་དོན་ལ་གཟིགས་ཕྱོགས་དང་དེ་བཞིན་འཛམ་གླིང་ནང་དཀའ་རྙོག་གང་དུ་ཡོད་སར་ནོར་ལྦེའི་ཡུལ་གྱིས་དེ་དག་གང་ཐུབ་སེལ་ཐབས་གནང་བཞིན་ཡོད་པ་དང་། ལྷག་པར་དུ་བོད་དོན་ཐོག་རོགས་རམ་གྱི་ལས་འགུལ་གང་ཡོང་སྤེལ་དང་སྤེལ་མུས་ཡིན་པ་རེད་ཅེས་དང་། ད་ཐེངས་དེ་ལྟ་བུའི་རྒྱལ་ཁབ་ཅིག་ནང་དཀའ་རྙོག་ཡོད་སར་ཞི་འཇམ་ཡོང་རྒྱུའི་འབད་བརྩོན་གནང་མཁན་གྱི་རྒྱལ་ཁབ་ཀྱི་རྒྱལ་སའི་ནང་འབར་རྫས་ཀྱི་དོན་རྐྱེན་འོག་མི་མང་པོ་ཞིག་ལ་སྲོག་སྐྱོན་བྱུང་བ་མ་ཟད་། དེའི་ཁོངས་སློབ་ཕྲུག་འགའ་ཤས་ཀྱང་རྐྱེན་འདས་སུ་གྱུར་བར་བརྟེན་བོད་མི་མང་སྤྱི་འཐུས་ངོས་ནས་རྐྱེན་འདས་སུ་ཕྱིན་པ་རྣམས་ལ་བསྔོ་སྨོན་དང་། རྗེས་ཤུལ་ནང་མི་ཉེ་སྤུན་རྣམས་ལ་གདུང་སེམས་མཉམ་བསྐྱེད་ཞུ་གི་ཡོད་ཅེས་དང་། དེ་ལྟ་བུའི་དྲག་སྤྱོད་ཀྱི་ལས་ཀ་དེ་ཚོར་ང་ཚོས་མཐའ་གཅིག་ཏུ་ངོ་རྒོལ་བྱེད་ཀྱི་ཡོད་། ནོར་ལྦེ་གཞུང་དམངས་གཉིས་ནས་ད་ལྟའི་དཀའ་ངལ་དེར་དགོངས་པ་ཡག་པོ་བཞེས་ནས་ཕྱག་ལས་གནང་རྒྱུ་དེ་གལ་ཆེན་པོ་ཡིན་པ་རེད་བོད་མི་མང་སྤྱི་འཐུས་ལྷན་ཚོགས་ཀྱིས་ནོར་ཝེ་གཞུང་དང་མི་དམངས་ལ་གདུང་སེམས་མཉམ་བསྐྱེད་ཞུ་གི་ཡོད་ཅེས་གོང་ཞུས་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་སྤེན་པ་ཚེ་རིང་མཆོག་གི་ཕྱག་བྲིས་དེའི་ནང་བཀོད་ཡོད་པ་རེད་ 

བལྟ་བཤེར་མང་ཤོས་བྱས་པའི་གནས་ཚུལ།
RFA
བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་གིས་ཨ་རིར་གཞུང་འབྲེལ་ཕྱོགས་ཕེབས་དང་འབྲེལ་ཨ་རིའི་བོད་དོན་དམིགས་བསལ་འབྲེལ་མཐུད་པ་བསྐོ་གཞག་དགོས་པའི་འབོད་སྐུལ་ཞུས་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎