ཧོང་ཀོང་ནང་ས་ཆའི་རིན་གོང་འཕར་བ་ངོ་རྒོལ་བྱས་པ།

༄༅༎དེ་རིང་རེས་གཟའ་ཉི་མའི་ཉིན་ཧོང་ཀོང་གི་ཁྲོམ་གཞུང་ནང་མི་མང་སྟོང་ཕྲག་ལྷག་ཙམ་ནས་ཁྲོམ་སྐོར་གྱི་ལས་འགུལ་ཞིག་སྤེལ་ཡོད་པ་དང་། ཁོང་ཚོས་ངོ་རྒོལ་བྱེད་དགོས་པའི་རྒྱུ་མཚན་ནི་ཉེ་ཆར་ནས་བཟུང་ཧོང་ཀོང་ནང་ས་ཁང་གི་རིན་གོང་ཚད་ལས་འགལ་བ་འཕར་འགྲོ་གི་ཡོད་པ་དང་། དེས་རྐྱེན་པས་མི་མང་སྐྱུས་མ་ཚོར་སོ་སོ་རང་བདག་ཁང་པ་བདག་རྒྱུའི་རེ་བ་ཆུང་དུ་འགྲོ་གི་ཡོད་པ་དེ་དག་གི་ཐོག་གཞུང་གི་ངོས་ནས་སྟངས་འཛིན་བྱེད་ནས་ས་ཁང་གི་གོང་ཚད་ཆུང་དུ་གཏོང་དགོས་ལུགས་དགོས་འདུན་བཏོན་གྱི་ཡོད་པ་རེད།

སྤྱིར་བཏང་ཧོང་ཀོང་དེ་བཞིན་ཡུལ་སྐོར་སྤྲོ་འཆམ་དང་ཚོང་འབྲེལ་གྱི་ལྟེ་གནས་གལ་ཆེ་ཞིག་ཡིན་སྟབས་ས་ཁང་གི་རིན་གོང་དང་། ཁང་གླ་སོགས་ཆེན་པོ་ཡོད་པའི་ཐོག་ལོ་ཤས་ནས་བཟུང་འབུ་ལོན་གྱི་སྐྱེད་ཆུང་དུ་བཏང་བ་སོགས་ཀྱིས་རྒྱ་ནག་སྐམ་ས་ཆེན་པོ་ནས་རྒྱུ་ཕྱུགས་པོ་དང་ཚོང་པ་ཚོས་ཧོང་ཀོང་ནང་ས་ཁང་ཉོ་རྒྱུར་ཚང་ཀ་ཤིག་ཤིག་བྱེད་པ་བཅས་ལ་བརྟེན་ས་གནས་ཡུལ་མི་ཚོར་དཀའ་ངལ་འཕར་མ་འཕྲད་ཀྱི་ཡོད་པ་བཅས་ལ་བརྟེན་ད་ཆ་མི་མང་ཚོ་འུ་ཐུག་གི་གཞུང་ལ་ངོ་རྒོལ་གྱི་ལས་འགུལ་སྤེལ་བ་ཞིག་ཡིན་པ་རེད།།