༧གོང་ས་མཆོག་ཨེ་ཊ་ལིར་ཞབས་སོར་བདེ་བར་འཁོད་འདུག
2014.12.11
གྲོང་ཁྱེར་མུམ་བྷེར་༧གོང་ས་མཆོག་གི་མཛད་འཆར་ཉིན་གཉིས་བའི་སྐབས། ༢༠༡༤།༥།༣༡
པར། སྐུ་སྒེར་དྲ་བ
༧གོང་ས་༧སྐྱབས་མགོན་ཆེན་པོ་མཆོག་ནོ་བེལ་ཞི་བདེའི་གཟེངས་རྟགས་བཞེས་མཁན་ཚོའི་རྒྱལ་སྤྱིའི་ལྷན་ཚོགས་སུ་ལྷན་བཞུགས་གནང་རྒྱུ་ཡིན་འདུག
དེ་ཡང་༧གོང་ས་༧སྐྱབས་མགོན་ཆེན་པོ་མཆོག་ཕྱི་ཟླ་བཅུ་གཉིས་པའི་ཚེས་༡༡ཉིན་ཀྱི་སྔ་དྲོ་ཨེ་ཊ་ལིའི་གྲོང་ཁྱེར་Rome དུ་༧ཞབས་སོར་འཁོད་གནང་བ་དང་། གྲོང་ཁྱེར་དེའི་ནང་ཚུགས་གཏན་འཁེལ་བའི་ནོ་བེལ་ཞི་བདེའི་གཟེངས་རྟགས་བཞེས་མཁན་ཚོའི་རྒྱལ་སྤྱིའི་ལྷན་ཚོགས་དེའི་ཐོག་ལྷན་བཞུགས་གནང་རྒྱུ་ཡིན་པ་རེད། ལྷན་ཚོགས་དེ་བཞིན་ཐོག་མར་ལྷོ་ཨ་ཕེ་རི་ཀའི་ནང་ཚོགས་འཆར་འཁེལ་ཡོད་ཀྱང་ལྷོ་ཨ་ཕེ་རི་ཀའི་གཞུང་གིས་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་ལ་ལྷན་ཚོགས་སུ་༧ཆིབས་བསྒྱུར་བསྐྱངས་རྒྱུར་ཡུལ་དེའི་ནང་ཕེབས་རྒྱུའི་ཐོངས་མཆན་མ་ཕུལ་བའི་དབང་གིས་ནོ་བེལ་ཞི་བདེའི་བྱ་དགའ་བཞེས་པ་པོ་ཁག་གཅིག་གིས་ལྷོ་ཨ་ཕེ་རི་ཀའི་གཞུང་གི་བྱ་སྤྱོད་ལ་ངོ་རྒོལ་མཚོན་ཆེད་ཚོགས་ཞུགས་གནང་རྒྱུ་མིན་པའི་གསལ་བསྒྲགས་གནང་བའི་རྗེས་ལྷན་ཚོགས་དེ་ལྷོ་ཨ་ཕེ་རི་ཀའི་ནང་ཚོགས་རྒྱུ་ཕྱིར་འཐེན་གནང་སྟེ་ཨེ་ཊ་ལིའི་གྲོང་ཁྱེར་རོམ་ནང་ཚོགས་རྒྱུ་བསྐྱར་དུ་གཏན་འཁྱེལ་གནང་ཡོད་པ་རེད། ནོ་བེལ་ཞི་བདེའི་གཟེངས་རྟགས་བཞེས་མཁན་རྣམ་པའི་ལྷན་ཚོགས་དེ་བཞིན་ཕྱི་ཟླ་བཅུ་གཉིས་པའི་ཚེས་༡༢ནས་༡༤བར་ཚོགས་རྒྱུ་ཡིན་པ་དང་། ༧གོང་ས་༧སྐྱབས་མགོན་ཆེན་པོ་མཆོག་ལྷན་ཚོགས་དེའི་ཐོག་གནད་དོན་ཁག་གསུམ་ཙམ་གྱི་ཐོག་ལ་བགྲོ་གླེང་གནང་རྒྱུར་ལྷན་བཞུགས་གནང་གི་ཡོད་ཅིང་། བགྲོ་གླེང་གནང་རྒྱུའི་གནད་དོན་ཁག་གསུམ་ནི། འགྲོ་བ་མིའི་ཡར་རྒྱས་གོང་འཕེལ་ལ་གདོང་ལེན་དང་། ཡར་རྒྱས་གོང་འཕེལ་ཆེད་ཞི་བདེ་མཉམ་གནས། དེ་བཞིན་དམག་འཁྲུག་འགོག་ཐབས་ཆེད་ཞི་བདེ་སྤེལ་ཕྱོགས། གོ་ལའི་བདེ་འཇགས་ཆེད་རྩོད་རྙོག་ཟློག་ཐབས། རྒྱལ་སྤྱིའི་ལྟེ་གནས་ཁང་ཁག་གི་ལས་འགན། དེ་མིན་ཞི་བདེར་ཉེན་ཁ། ཨ་ཕི་རི་ཀའི་ནང་གི་དམག་འཁྲུག་དང་། འཛམ་གླིང་ས་ཕྱོགས་གང་སའི་ནང་འབྱུང་བཞིན་པའི་དམག་འཐབ་སོགས་ཀྱི་ཐད་བགྲོ་གླེང་གནང་འཆར་ཡོད་འདུག
གསར་འགོད་པ་འཆི་མེད།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཁྲིམས་ཁང་གིས་ཨེ་ཤེ་ཡ་རང་དབང་རླུང་འཕྲིན་ཁང་གི་མ་དངུལ་མཁོ་སྤྲོད་དགོས་པའི་ཁྲིམས་ཀྱི་ཐག་གཅོད་ལ་ཨེ་ཤེ་ཡ་རང་དབང་རླུང་འཕྲིན་ཁང་གིས་དགའ་བསུ་ཞུས།
- ཨ་མི་རི་ཀའི་སྲིད་འཛིན་གཞོན་པ་ཇེ་ཊི་ཝེན་སི་མཆོག་གིས་རྒྱ་གར་ནང་གཟིགས་སྐོར་དང་ཆབས་ཅིག རྒྱ་གར་གྱིས་རྒྱ་ནག་ནས་ནང་འདྲེན་གྱི་དྭངས་ལྕགས་རིགས་ལ་སྒོ་ཁྲལ་བརྒྱ་ཆ་ ༡༢ སྤར་ཡོད་པ།
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- ༸གོང་ས་༸སྐྱབས་མགོན་ཆེན་པོ་མཆོག་གིས་ཤེས་ལྡན་རྒྱ་ནག་མི་སེར་རྣམས་ཀྱིས་བོད་དོན་ཐོག་བསམ་བློ་གཏོང་ཕྱོགས་ནི་བོད་དོན་འཐབ་རྩོད་ཁྲོད་གལ་གནད་ཅན་ཞིག་ཡིན་ཞེས་བཀའ་སྩལ་མཛད་ཀྱི་ཡོད་པ།
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག
- བྱེས་ཀྱི་གདན་ས་བཀྲིས་ལྷུན་པོ་གཙོས་པའི་བོད་མི་གནས་སྡོད་ས་གནས་ཁག་ཏུ་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་འཁྲུངས་སྐར་སྲུང་བརྩི་ཞུས།
- བྱིས་པ་ཚོས་དགའ་མོས་ཆེན་པོ་བྱ་ཡུལ་པེ་པ་པིག་ཅེས་པའི་འགུལ་བརྙན་བོད་སྐད་ནང་འདོན་སྤེལ་གནང་གི་འདུག
- རྒྱ་ནག་དང་རྒྱ་གར་གཉིས་གྲོས་མོལ་གྱིས། རྒྱ་གར་གྱི་གནས་སྐོར་བ་རྣམས་བོད་ནང་གངས་རིན་པོ་ཆེར་གནས་མཇལ་དུ་བསྐྱོད་རྒྱུ་བསྐྱར་དུ་སྒོ་འབྱེད་རྒྱུ་རེད་འདུག