༧གོང་ས་མཆོག་གིས་འགྲོ་བ་མིའི་ཐོབ་ཐང་གི་ལྷན་ཚོཊ་ལ་བཀའ་སློབ།

༧གོང་ས་མཆོག་ཇི་ནི་ཝ་རུ་ཞབས་སོར་འཁོད་སྐབས། ༢༠༡༦།༣།༡༠

དེ་ཡང་འདི་ཚེས༡༡་ཉིན། བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་ཨ་རི་དང་ཁེ་ན་ཊ་ཡུལ་གྲུའི་གཞུང་ཚབ་ཀྱི་གོ་སྒྲིག་གནང་བའི་འགྲོ་བ་མིའི་ཐོབ་ཐང་གོང་འཕེལ་གཏོང་ཐབས་ཀྱི་ལྷན་ཚོགས་ཐོག་ལྷན་བཞུགས་གནང་ཡོད་པ་རེད།
སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་ཕྱི་ཚེས་༡༠ཉིན། སུད་སུ་གྲོང་ཁྱེར་ཇི་ནི་ཝ་རུ་༧ཞབས་སོར་འཁོད་གནང་ཡོད་པ་དང་། དེའི་སྐབས་སུད་སིའི་སྐུ་ཚབ་དོན་གཅོད་དངོས་གྲུབ་རྡོ་རྗེ་ལགས་དང་། ཡུ་རོབ་སྤྱི་འཐུས། དེ་བཞིན་ས་གནས་བོད་རིགས་གཙོ་བོར་གྱུར་བའི་དད་ལྡན་སེར་སྐྱ་མང་ཚོགས་རྣམས་ཀྱིས་ལག་ཏུ་དཀར་གཙང་མཇལ་དར་ཐོགས་ནས་དགའ་དད་སྤྲོ་གསུམ་གྱི་སྒོ་ནས་ཕེབས་བསུའི་སྣེ་ལེན་གཟབ་རྒྱས་ཞུས་གནང་ཡོད་པ་རེད།
དེ་རིང་ཕྱི་ཚེས་༡༡ཉིན། སུད་སི་གྲོང་ཁྱེར་Genevaནང་འཛམ་གླིང་མཉམ་འབྲེལ་རྒྱལ་ཚོགས་ཀྱི་འགྲོ་བ་མིིའི་ཐོབ་ཐང་ལྷན་ཚོགས་ཐེངས་༣༡པ་དེ་ཚོགས་བཞིན་པ་དང་དུས་མཚུངས་ཨ་རི་དང་ཁེ་ན་ཊའི་མཉམ་འབྲེལ་རྒྱལ་ཚོགས་ཀྱི་སྐུ་ཚབ་དང་། དེ་བཞིན་
མཉམ་འབྲེལ་རྒྱལ་ཚོགསཀྱི་འགྲོ་བ་མིའི་ཐོབ་ཐང་ལྷན་ཁང་གི་སྐུ་ཚབ་ལྕམ་Kate Gilmoreགྱིས་གོ་སྒྲིག་གནང་བའི་འོག སྤྱི་ནོར་༧གོང་ས་༧སྐྱབས་མགོན་ཆེན་པོས
དབུས་པའི་ནོ་བེལ་ཞི་བདེའི་གཟེངས་རྟགས་བཞེས་མྱོང་མཁན་ཁག་ཅིག་གདན་ཞུས་ཀྱིས་འགྲོ་བ་མིའི་ཐོབ་ཐང་གོང་འཕེལ་གཏོང་ཐབས་ཀྱི་ལྷན་ཚོགས་ཤིག་བསྐོང་ཚོགས་གནང་ཡོད་པའི་ཐོག་༧གོང་ས་མཆོག་ལྷན་བཞུགས་གནང་ཡོད་པ་རེད།
ལྷན་ཚོགས་དེ་བཞིན་སུད་སི་ནང་ཡོད་པའི་Graduate Instituteཞེས་པའི་རྒྱལ་སྤྱིའི་འཕེལ་རྒྱས་ཞིབ་འཇུག་སློབ་གཉེར་ཁང་དུ་གནང་ཡོད་པ་དང་། ལྷན་ཚོགས་དེའི་ཐོག་༧གོང་ས་སྐྱབས་མགོན་ཆེན་པོ་མཆོག་དབུ་བཞུགས་ཀྱིས་ཡ་མེན་Yemenརྒྱལ་ཁབ་ཀྱིས་ནོ་བེལ་ཞི་བདེའི་གཟེངས་རྟགས་བཞེས་མྱོང་མཁན་ལྕམ་Tawakkol karmanམཆོག་དང་། ཨི་རན་གྱི་ནོ་བེལ་ཞི་བདེའི་གཟེངས་རྟགས་བཞེས་མྱོང་མཁན་
ལྕམ་Shirin Ebadiམཆོག་བཅས་ལྷན་ཞུགས་ཀྱིས་ཇི་ནི་ཝ་མངའ་ཁུལ་གྱི་གཞུང་ཚབ་དང་། ཕྱི་འབྲེལ་ལས་དོན་མི་སྣ། དེ་བཞིན་འགྲོ་བ་མིའི་ཐོབ་ཐང་ཐོག་ལ་ཕྱག་ལས་གནང་མཁན་དང་། ཞིབ་འཇུག་པ། སློབ་ཕྲུག་བཅས་མཉམ་ཞུགས་ཀྱིས་གོ་ལ་ཧྲིལ་པོའི་ནང་འགྲོ་བ་མིའི་ཐོབ་ཐང་གོ་འཕེལ་གཏོང་ཕྱོགས་ཀྱི་ཐད་བགྲོ་གླེང་གནང་ཡོད་པ་རེད།

གསར་འགོད་པ་འཆི་མེད།

འབྲེལ་གནས་ཚུལ་གཤམ་ལ་འདི་གའི་གསར་འགོད་པ་རབ་སྒང་ལགས་ཀྱིས་ས་གནས་ནས་བཏང་བར་གསན་རོགས་ཞུ།

ལྷན་ཚོགས་སྐབས་ཀྱི་བརྙན་མཐོང་ཆ་ཚང་གཤམ་གྱི་དྲ་ཐག་ནས་གཟིགས་ཐུབ།