༧གོང་ས་མཆོག་མི་མང་གིས་མཇལ་ཚུལ་ཡག་ཤོས་གྲས་ཡིན་པ།
2015.06.11
༧གོང་ས་མཆོག་དང་ཡེ་ཤུའི་བླ་ཆེན།
དྲ་བཤུས
ཨ་རིའི་སྲིད་དོན་ཚོཊ་པ་གཉིས་ཀྱི་ནང་ནས་མང་གཙོ་ཚོཊ་པའི་ཚོཊ་མི་རྣམས་ཀྱིས་༧གོང་ས་མཆོག་ལ་དགའ་མོས་ཆེ་བ་ཞུ་ཡི་ཡོད་འདུག
དེ་ཡང་Harris Pollsཟེར་བའི་མི་མང་གི་བསམ་ཚུལ་བསྡུ་ལེན་བྱེད་མཁན་གྱིས་འདི་ལོའི་ཕྱི་ཟླ་༥་ཚེས་༢༠་ནས་༢༦་བར་དྲ་རྒྱ་བརྒྱུད་ནས་འཛམ་གླིང་ནང་གི་དབུ་ཁྲིད་ཆེ་ཁག་༡༦་སྐོར་ལ་བལྟ་ཚུལ་བཟང་ངན་ཇི་ཡོད་ཐད་རང་ལོ་༡༨་ཡན་གྱི་ཨ་རིའི་མི་མང་༢༢༢༥ལ་བསམ་ཚུལ་བསྡུ་ལེན་བྱས་པའི་འབྲས་བུར། དེ་དག་ལས་མི་མང་ཆེ་བས་མཇལ་ཚུལ་བཟང་ཤོས་སུ་འཛིན་ཡུལ་ནི་འཛམ་གླིང་ནང་གི་ཆབ་སྲིད་ཀྱི་དབུ་ཁྲིད་ཚོ་མ་ཡིན་པར་ཆོས་ཕྱོགས་ཀྱི་དབུ་ཁྲིད་ཡིན་ཞིང་། བསམ་ཚུལ་བསྡུ་ལེན་བྱེད་ཡུལ་གྱི་མི་བརྒྱ་ཆ་༧༣་གྱིས་ཡེ་ཤུའི་བླ་ཆེན་པོབ་ཕ་རན་སིས་མཆོག་ལ་མཇལ་ཚུལ་ཡག་པོ་ཡོད་པ་དང་། བརྒྱ་ཆ་༦༢ཀྱིས་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་ལ་མཇལ་ཚུལ་ཡག་པོ་འཛིན་གྱི་ཡོད་པ་བརྗོད་འདུག ཡང་ཨ་རིའི་སྤྱི་མཐུན་ཚོགས་པ་དང་མང་གཙོ་ཚོགས་པ་བཅས་སྲིད་དོན་ཚོགས་པ་མི་འདྲ་བ་གཉིས་ཀྱི་ཁོངས་ནས་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་ལ་ཨ་རིའི་མང་གཙོ་ཚོགས་པའི་ཚོགས་མི་བརྒྱ་ཆ་༦༨་ཡིས་མཇལ་ཚུལ་ཡག་པོ་འཛིན་གྱི་ཡོད་པ་དང་། ཡང་ཨ་རིའི་སྤྱི་མཐུན་ཚོགས་པའི་ཚོགས་མི་བརྒྱ་ཆ་༥༩་ཡིས་མཇལ་ཚུལ་ཡག་པོ་འཛིན་གྱི་ཡོད་སྟབས་ཨ་རིའི་སྲིད་དོན་ཚོགས་པ་གཉིས་ཀྱི་ནང་ནས་མང་གཙོ་ཚོགས་པའི་ཚོགས་མི་རྣམས་ཀྱིས་༧གོང་ས་མཆོག་ལ་དགའ་མོས་ཆེ་བ་ཞུ་ཡི་ཡོད་འདུག
གསར་འགོད་པ་སེང་གེ་རི་བསོད་ནམས་ལྷ་མོ།
བལྟ་བཤེར་མང་ཤོས་བྱས་པའི་གནས་ཚུལ།
RFA
- བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་གིས་ཨ་རིར་གཞུང་འབྲེལ་ཕྱོགས་ཕེབས་དང་འབྲེལ་ཨ་རིའི་བོད་དོན་དམིགས་བསལ་འབྲེལ་མཐུད་པ་བསྐོ་གཞག་དགོས་པའི་འབོད་སྐུལ་ཞུས་འདུག
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- ཌེ་ལྦེཌ་པར་ཌུ་ལགས་ཨ་རིའི་རྒྱ་ནག་གི་གཞུང་ཚབ་ཆེན་མོར་བསྐོ་གཞག་གནང་གཏན་འཁེལ་འདུག
- བྱེས་ཀྱི་གདན་ས་བཀྲིས་ལྷུན་པོ་གཙོས་པའི་བོད་མི་གནས་སྡོད་ས་གནས་ཁག་ཏུ་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་འཁྲུངས་སྐར་སྲུང་བརྩི་ཞུས།
- ༸གོང་ས་༸སྐྱབས་མགོན་ཆེན་པོ་མཆོག་གིས་དད་ལྡན་པ་ ༣༠༠ ལྷག་ལ་མང་མཇལ་སྩལ་བ།
- རྒྱ་ནག་དང་རྒྱ་གར་གཉིས་གྲོས་མོལ་གྱིས། རྒྱ་གར་གྱི་གནས་སྐོར་བ་རྣམས་བོད་ནང་གངས་རིན་པོ་ཆེར་གནས་མཇལ་དུ་བསྐྱོད་རྒྱུ་བསྐྱར་དུ་སྒོ་འབྱེད་རྒྱུ་རེད་འདུག
- ལྷོ་ཀོ་རི་ཡའི་མི་སྒེར་གྱི་གནས་ཚུལ་སྲུང་སྐྱོབ་ལྟ་ཞིབ་ཁང་གིས་ཌིབ་སིག་གིས་ལྷོ་ཀོ་རི་ཡའི་མི་ས་ཡ་༡.༥ཡི་གནས་ཚུལ་ཁྲིམས་འགལ་ཐོག་རྐུ་ཁྱེར་བྱེད་བཞིན་པ་གསལ་སྟོན་བྱས་འདུག