དགའ་ལྡན་ཕོ་བྲང་ཡིག་ཚང་ནས་བརྙན་ཐུང་དེས་སེམས་ལ་མི་བདེ་བའི་དོ་ཕོག་བྱུང་ཡོད་ཚེ་དེར་དགོངས་སེལ་ཡོད་པ་གསལ་བཤད་གནང་འདུག
༧གོང་ས་མཆོག་གིས་རྒྱ་གར་གྱི་སློབ་ཕྲུག་ཕྲུ་གུ་ཞིག་ལ་མཇལ་ཁའི་སྐབས་དབུ་ཐུག་གནང་བཞིན་པ། ༢།༢༨།༢༠༢༣
Reuters video
སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གིས་ཉེ་ལམ་རྒྱ་གར་གྱི་སློབ་ཕྲུག་༡༢༠ལྷག་ལ་མཇལ་ཁ་དང་བཀའ་སློབ་བསྩལ་སྐབས། རྒྱ་གར་བའི་ཕྲུ་གུ་ཞིག་ལ་སྐུ་རྩེད་གནང་པའི་བརྙན་ཐུང་ཞིག་གང་སར་ཁྱབ་བཞིན་པར་དགའ་ལྡན་ཕོ་བྲང་ཡིག་ཚང་ནས་གནད་དོན་དེས་སེམས་ལ་མི་བདེ་བའི་དོ་ཕོག་བྱུང་ཡོད་ཚེ་དེར་དགོངས་སེལ་ཞུ་ཡི་ཡོད་པ་གསལ་བཤད་གནང་འདུག
ཡོངས་ཁྱབ་ཕྱིན་པའི་བརྙན་ཐུང་དེ་ནི་ཉེ་ལམ་ཕྱི་ཟླ་༢བའི་ཚེས་༢༨ཉིན་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་གི་མདུན་ཐང་དུ། རྒྱ་གར་གྱི་ཁང་ཚོང་ཁེ་གཉེར་ལས་ཁང་(M3M)་ཟེར་བ་དེའི་རོགས་ཚོགས་ཐེབས་རྩ་ཁང་གིས་གོ་སྒྲིག་ཞུས་ཏེ་རྒྱ་གར་གྱི་སློབ་ཕྲུག་༡༢༠ཙམ་ལ་མཇལ་ཁ་དང་བཀའ་སློབ་བསྩལ་སྐབས་ཡིན་ཞིང་། ༧གོང་ས་༧སྐྱབས་མགོན་ཆེན་པོ་མཆོག་གིས་སྤྱི་ཚོགས་ལ་ཕན་སེམས་ལྡན་པའི་མི་ཡ་རབས་ཤིག་བྱེད་དགོས་སྐོར་སོགས་ཀྱི་བཀའ་སློབ་ཕེབས་ཡོད་པ་རེད།
དགའ་ལྡན་ཕོ་བྲང་ཡིག་ཚང་གིས་ཕྱི་ཟླ་༤བའི་ཚེས་༡༠ཉིན་ཡོངས་ཁྱབ་གསལ་བཤད་གནང་པའི་ནང་། རྒྱ་གར་བའི་བུ་ཆུང་ཞིག་གིས་༧གོང་ས་༧སྐྱབས་མགོན་ཆེན་པོ་མཆོག་ལ་འཐམ་འཁྱུད་ཆོག་པའི་གནང་བ་ཞུས་པའི་བརྙན་ཐུང་ཞིག་དྲ་ལམ་གང་སར་འགྲོ་བཞིན་ཡོད་པའི་ཐད། བརྙན་ཐུང་དེའི་ནང་༧གོང་ས་མཆོག་གིས་གསུང་བབས་ལ་བརྟེན་ནས་དོ་བདག་བུ་ཆུང་དང་། ཕ་མ་རྣམ་གཉིས། དེ་བཞིན་འཛམ་གླིང་ཁྱོན་ལ་ཡོད་པའི་༧གོང་ས་མཆོག་གི་གྲོགས་པོ་རྣམ་པའི་ཐུགས་ལ་མི་བདེ་བའི་དོ་ཕོག་བྱུང་ཡོད་ཚེ། ༧གོང་ས་མཆོག་གིས་དེ་དག་ལ་དགོངས་སེལ་ཡོད་ཅེས་བཀའ་གནང་འདུག
ད་དུང་གསལ་བཤད་དེའི་ནང་། སྤྱིར་མཇལ་ཁའི་སྐབས་ཐུགས་ལ་སྣང་བ་རྣམ་རྟོག་གི་ནོངས་པ་མེད་ཙང་། མཇལ་ཞུ་བར་སྐུ་རྩེད་ཀུ་རེ་གནང་པར་མ་ཟད། མི་དམངས་ཁྲོད་དང་པར་ཆས་ཀྱི་མདུན་དུའང་དེ་ལྟར་གནང་བཞིན་ཡོད་པ་མཁྱེན་གལ་ཆེ་ཞུ་བ་དང་ཆབས་ཅིག ད་ལམ་གྱི་གནད་དོན་འདིར་ཐུགས་ཕམ་གནང་བཞིན་ཡོད་ཅེས་བཀོད་གནང་འདུག
ཨེ་ཤེ་ཡ་རང་དབང་རླུང་འཕྲིན་ཁང་གིས་ཁུངས་ལྡན་གྱི་གནས་ཚུལ་འབྱུང་ཁུངས་ནས་ཤེས་རྟོགས་བྱུང་བར་གཞིགས་ན། ཕྲུ་གུ་དེར་སྐུ་རྩེད་གནང་བའི་བརྙན་ཐུང་དེ་ཡོངས་ཁྱབ་ཀྱི་གནས་ཚུལ་ཅི་རིགས་བྱུང་མིན་ལ་མ་བལྟོས་པར། དོ་བདག་ཕ་མའི་ངོས་ནས་༧གོང་ས་༧སྐྱབས་མགོན་ཆེན་པོ་མཆོག་ལ་འགྱུར་མེད་དད་གུས་རྩེ་གཅིག་ཞུ་བཞིན་ཡོད་པ་ནན་བརྗོད་ཞུས་འདུག
གསར་འགོད་པ། སྐལ་ལྡན་བློ་གྲོས།
དྲྭ་ཐོག་རྩོམ་སྒྲིག་པ། དཔལ་ལྡན་རྒྱལ།
དྲྭ་ཐོག་སྤེལ་མཁན། ཀླུ་འབུམ།
བལྟ་བཤེར་མང་ཤོས་བྱས་པའི་གནས་ཚུལ།
RFA
- བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་གིས་ཨ་རིར་གཞུང་འབྲེལ་ཕྱོགས་ཕེབས་དང་འབྲེལ་ཨ་རིའི་བོད་དོན་དམིགས་བསལ་འབྲེལ་མཐུད་པ་བསྐོ་གཞག་དགོས་པའི་འབོད་སྐུལ་ཞུས་འདུག
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- ཌེ་ལྦེཌ་པར་ཌུ་ལགས་ཨ་རིའི་རྒྱ་ནག་གི་གཞུང་ཚབ་ཆེན་མོར་བསྐོ་གཞག་གནང་གཏན་འཁེལ་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག
- བྱེས་ཀྱི་གདན་ས་བཀྲིས་ལྷུན་པོ་གཙོས་པའི་བོད་མི་གནས་སྡོད་ས་གནས་ཁག་ཏུ་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་འཁྲུངས་སྐར་སྲུང་བརྩི་ཞུས།
- ༸གོང་ས་༸སྐྱབས་མགོན་ཆེན་པོ་མཆོག་གིས་དད་ལྡན་པ་ ༣༠༠ ལྷག་ལ་མང་མཇལ་སྩལ་བ།
- རྒྱ་ནག་དང་རྒྱ་གར་གཉིས་གྲོས་མོལ་གྱིས། རྒྱ་གར་གྱི་གནས་སྐོར་བ་རྣམས་བོད་ནང་གངས་རིན་པོ་ཆེར་གནས་མཇལ་དུ་བསྐྱོད་རྒྱུ་བསྐྱར་དུ་སྒོ་འབྱེད་རྒྱུ་རེད་འདུག
- ལྷོ་ཀོ་རི་ཡའི་མི་སྒེར་གྱི་གནས་ཚུལ་སྲུང་སྐྱོབ་ལྟ་ཞིབ་ཁང་གིས་ཌིབ་སིག་གིས་ལྷོ་ཀོ་རི་ཡའི་མི་ས་ཡ་༡.༥ཡི་གནས་ཚུལ་ཁྲིམས་འགལ་ཐོག་རྐུ་ཁྱེར་བྱེད་བཞིན་པ་གསལ་སྟོན་བྱས་འདུག