༧གོང་ས་མཆོག་དང་ཡེ་ཤུའི་ཆོས་དཔོན་བར་བགྲོ་གླེང་།

དེ་ཡང་ཕྱི་ཟླ་༡ཚེས་༡༢ཉིན་གྱི་སྔ་དྲོར་ཝ་ར་ཎཱ་སི་དབུས་བོད་ཀྱི་གཙུག་ལག་སློབ་གཉེར་ཁང་གི་ཨ་ཏི་ཤ་ཚོགས་ཁང་ནང་། སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་དང་དབྱིན་ཡུལ་ནས་ཕེབས་པའི་ཡེ་ཤུའི་ཆོས་དཔོན་(Laurence Freeman)རྣམ་གཉིས་ཀྱིས་ནང་པ་དང་། ཡེ་ཤུ་ཆོས་ལུགས་གཉིས་ནས་ཆོས་ཉམས་ལེན་བྱེད་སྟངས་དང་བལྟ་གྲུབ་མཚུངས་ཕྱོགས། དེ་བཞིན་སྤྱི་ཚོགས་ལ་ཕན་བདེ་སྒྲུབ་ཐབས་སོགས་ཀྱི་སྐོར་ལ་བགྲོ་གླེང་གནང་ཡོད་པ་རེད།

༧གོང་ས་སྐྱབས་མགོན་ཆེན་པོ་མཆོག་གིས་བགྲོ་གླེང་ཐོག་བཀའ་སློབ་སྩལ་བའི་ནང་དེ་རིང་འདི་གར་དབྱིན་ཡུལ་ནས་ཕེབས་པའི་ཆོས་དཔོན་མཆོག་གིས་དབུས་ཁྱེད་རང་ཚོ་ཚང་མར་ཐོག་མར་ངོས་ཀྱིས་འཚམས་འདྲི་ཡོད། སྤྱིར་བཏང་ནང་པ་སངས་རྒྱས་ཀྱི་ཆོས་ལུགས་ཀྱིས་འཇིག་རྟེན་གྱི་བྱེད་པ་པོ་དཀོན་མཆོག་ཁས་ལེན་བྱེད་ཀྱི་མེད། ཡི་ཤུ་ཆོས་ལུགས་ཀྱིས་འཇིག་རྟེན་གྱི་བྱེད་པ་པོ་དཀོན་མཆོག་ཁས་ལེན་བྱེད་ཀྱི་ཡོད་རུང་། ཕན་ཚུན་གྱི་ལྟ་གྲུབ་སྐོར་ཤེས་རྟོག་བྱ་རྒྱུ་ཧ་ཅང་གལ་ཆེན་པོ་རེད་ཅེས་བཀའ་སློབ་ཕེབས་ཡོད་པ་མ་ཟད། ནང་པའི་ལྟ་གྲུབ་སྒོ་ནས་བདག་ཅག་གི་སྟོན་པ་བཅོམ་ལྡན་འདས་ཀྱི་མཛད་རྣམ་ངོ་སྤྲོད་གནང་འདུག
དེ་ནས་ཡི་ཤུ་ཆོས་དཔོན་Laurence Freeman མཆོག་གིས་ ཡི་ཤུའི་ཆོས་ལུགས་སྐོར་གྱི་ལྟ་གྲུབ་དང་ནང་པའི་ལྟ་གྲུབ་དབར་བགྲོ་གླེང་གནང་བ་བརྒྱུད་ནས་ང་ཚོ་ཕན་ཚུན་ལྟ་གྲུབ་བརྗེ་ལེན་བྱ་རྒྱུ་ཙམ་མ་ཡིན་པར། མི་གཞན་གྱི་བསམ་བློ་ཞི་བའི་ཐོག་ནས་སྤྱི་ཚོགས་འདིར་ཕན་པའི་ཞབས་འདེགས་བསྒྲུབ་དགོས། ངས་ཡི་ཤུ་སྟོན་པ་འགྲོ་བ་མི་ཞིག་ཡིན་པར་ལྟ་གི་ཡོད་པ་མ་ཟད། ཡི་ཤུ་སྟོན་པ་ནི་ངའི་དགེ་རྒན་ལྟ་བུར་ངོས་འཛིན་བྱེད་བཞིན་ཡོད། ཅེས་གསུང་གནང་འདུག
ཐེངས་འདིའི་བགྲོ་གླེང་ཐོག་ཡི་ཤུའི་ཆོས་དཔོན་མཆོག་གིས་དབུས་རྒྱལ་ཁབ་འདྲ་མིན་ནས་ཕེབས་པའི་ ཡི་ཤུའི་ཆོས་དད་པ་དང་། ཉམས་ལེན་པ་། ཁྱོན་མི་གྲངས་ ༡༠༠ བརྒལ་བས་མཉམ་ཞུགས་གནང་འདུག