ཨའོསི་ཊརེ་ལི་ཡའི་རྒྱལ་ཡོངས་བོད་རིཊ་མཐུན་ཚོགས་ཀྱི་ཚོཊ་ཆེན།
2015.08.12
ཨའོསི་ཊརེ་ལི་ཡའི་རྒྱལ་ཡོངས་བོད་རིཊ་མཐུན་ཚོགས་ཀྱི་ཚོཊ་ཆེན་སྐབས་ཀྱི་མཉམ་པར། ༢༠༡༥།༨
དྲ་བཤུས
བརྟན་བཞུགས་གསོལ་འདེབས་སྐབས་ཀྱི་དམ་བཅའ་ཁག་ཉམས་ལེན་དགོས་པ་ཚོགས་གཙོ་ནེ་རྒན་ལགས་གྱིས་ཚོགས་ཐོག་ནན་བརྗོད་གནང་འདུག
དེ་ཡང་བོད་མིའི་སྒྲིག་འཛུགས་ཀྱི་ཨའོསི་ཊརེ་ལི་ཡའི་སྐུ་ཚབ་དོན་གཅོད་ཁང་གིས་གོ་བསྒྲིགས་འོག འདི་ཟླའི་ཕྱི་ཚེས་༨དང་༩བཅས་ཉིན་གཉིས་ཀྱི་རིང་བོད་རིགས་ཚོགས་པའི་ཚོགས་ཆེན་ཐེངས་གསུམ་པ་རྒྱལ་ས་Canberra ནང་སྐོང་ཚོགས་གནང་ཡོད་པ་རེད། ཚོགས་ཆེན་དབུ་འབྱེད་མཛད་སྒོའི་ཐོག སྐུ་ཚབ་དོན་གཅོད་ལྷག་པ་མཚོ་སྒོ་ལགས་ཀྱིས། ༧གོང་ས་༧སྐྱབས་མགོན་ཆེན་པོའི་ཐུགས་རྗེའི་བཀྲིན་དང་། དབུས་བོད་མིའི་སྒྲིག་འཛུགས་ཀྱི་ལམ་སྟོན་འོག་དོན་གཅོད་ཀྱི་ཐུགས་འགན་བཞེས་པ་ནས་བཟུང་གནས་ཡུལ་རྒྱལ་ཁབ་ཀྱི་སྲིད་གཞུང་དང་། གྲོས་ཚོགས་རྒྱལ་ཡོངས་བོད་དོན་ཚོགས་པ་ཁག རྒྱ་རིགས་ཤེས་ཡོན་ཅན་དང་། མང་གཙོ་དང་རང་དབང་དོན་གཉེར་གྱི་སྒྲིག་འཛུགས། ཨའོསི་ཊརེ་ལི་ཡའི་རྒྱལ་ཡོངས་བོད་རིགས་ཚོགས་པ་ཁག་བཅས་ལ་འབྲེལ་བ་དམ་ཟབ་གནང་པ་བརྒྱུད་ཨའོསི་ཊརེ་ལི་ཡའི་ནང་། བོད་དོན་ལ་རྒྱབ་སྐྱོར་ཤུགས་ཆེར་འགྲོ་བཞིན་ཡོད་པའི་ལས་དོན་ངོ་སྤྲོད་གནང་འདུག
ད་དུང་ཡང་སྐུ་ཚབ་དོན་གཅོད་མཆོག་གིས། ཨའོསི་ཊརེ་ལི་ཡའི་བོད་རིགས་ཚོགས་པ་ཁག་དང་། ས་གནས་བོད་མི་ཡོངས་ནས་གནས་ཡུལ་རྒྱལ་ཁབ་ཀྱི་ཆབ་སྲིད་དང་སྤྱི་ཚོགས་ཀྱི་ཁོར་ཡུག་བཟང་པོའི་གོ་སྐབས་དམ་འཛིན་གྱིས་བོད་དོན་ལ་རྒྱབ་སྐྱོར་བསྐྲུན་རྒྱུའི་འགན་འཁྲི་ཡོད་པ་དྲན་སྐུལ་གནང་པ་དང་། ཕྱོགས་མཚུངས་བུ་ཕྲུག་གི་ཤེས་ཡོན་དང་། བོད་མིའི་ཡ་རབས་བཟང་སྤྱོད་ཀྱི་གོམས་གཤིས་གཅེས་འཛིན་དགོས་གལ་ཆེ་བའི་སྐོར་ནན་སྐུལ་གནང་འདུག
སྐབས་གསུམ་པའི་དབུས་སྤྱི་ཁྱབ་རྒྱུན་ལས་ཁང་གི་ཚོགས་གཙོ་ནེ་རྒན་ལགས་ཀྱིས། དབུས་རྒྱུན་གྱི་ལས་དོན་གྲུབ་འབྲས་སྙན་སེང་དང་འབྲེལ་གཙོ་བོ་འདི་ལོ་༧གོང་ས་སྐྱབས་མགོན་ཆེན་པོ་མཆོག་ལ་ཨོ་གླིང་བོད་མི་སེར་སྐྱ་ཡོངས་ནས་བརྟན་བཞུགས་གསོལ་འདེབས་སྐབས་ཕུལ་བའི་དམ་བཅའ་ཁག་ཉམས་ལེན་དགོས་པའི་སྐོར་ནན་བརྗོད་གནང་འདུག
ཉིན་གཉིས་ཀྱི་ཚོགས་ཆེན་ཐོག་བོད་རིགས་མཐུན་ཚོགས་དབུས་སྤྱི་ཁྱབ་རྒྱུན་ལས་ཁང་གི་སྔ་རྗེས་ཀྱི་ལས་དོན་ཞུ་ཕྱོགས་ལ་བསྐྱར་ཞིབ་དང་གྲོས་བསྡུར་བགྲོ་གླེང་གནང་པ་དང་། ལྷག་པར་དུ་ཨའོསི་ཊརེ་ལི་ཡའི་ནང་། བོད་མིའི་རྩ་དོན་ཆེད་ལས་འགུལ་སྤེལ་ཕྱོགས་དང་། བོད་ཀྱི་ཆོས་དང་རིག་གཞུང་སྐད་ཡིག་བཅས་པར་སྲུང་སྐྱོབ་ཞུ་ཐབས་སྐོར། རྒྱ་རིགས་ཤེས་ལྡན་མི་སྣ་དང་། མང་གཙོ་དང་རང་དབང་དོན་གཉེར་བའི་ཚོགས་སྡེ། སློབ་ཕྲུག་དང་མི་སྒེར་བཅས་པར་མཛའ་འབྲེལ་འཛུགས་སྐྱོང་སྐོར། དོལ་རྒྱལ་རྗེས་འབྲངས་པས་བོད་བསྟན་སྲིད་ལ་བསམ་སྦྱོར་ངན་པའི་ཚུར་རྒོལ་ཤུགས་ཆེ་ཡོང་བཞིན་པར་ཁྲིམས་མཐུན་གདོང་ལེན་བྱེད་ཐབས། བཙན་བྱོལ་བོད་མིའི་དང་བླངས་དཔྱ་དངུལ་བསྡུ་ལེན་ཚགས་ཚུད་གཏོང་ཐབས་དང་། ཨའོསི་ཊརེ་ལི་ཡའི་ནང་ཁ་འཐོར་དུ་གནས་པའི་བོད་མིའི་བདེ་སྡུག་ལ་ལྟ་སྐྱོང་བཀོད་སྒྲིག་ཡར་རྒྱས་གཏོང་ཐབས་ལ་སོགས་པའི་གྲོས་གཞི་དོན་ཚན་བཅུའི་ཐོག་གྲོས་བསྡུར་གནང་སྟེ་མཐར་དེ་དག་ལ་ལག་བསྟར་གནང་རྒྱུའི་སྤྱི་མོས་གྲོས་མཐུན་བྱུང་འདུག
གསར་འགོད་པ་དོན་གྲུབ་རྣམ་རྒྱལ།
བལྟ་བཤེར་མང་ཤོས་བྱས་པའི་གནས་ཚུལ།
RFA
- བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་གིས་ཨ་རིར་གཞུང་འབྲེལ་ཕྱོགས་ཕེབས་དང་འབྲེལ་ཨ་རིའི་བོད་དོན་དམིགས་བསལ་འབྲེལ་མཐུད་པ་བསྐོ་གཞག་དགོས་པའི་འབོད་སྐུལ་ཞུས་འདུག
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- ཌེ་ལྦེཌ་པར་ཌུ་ལགས་ཨ་རིའི་རྒྱ་ནག་གི་གཞུང་ཚབ་ཆེན་མོར་བསྐོ་གཞག་གནང་གཏན་འཁེལ་འདུག
- བྱེས་ཀྱི་གདན་ས་བཀྲིས་ལྷུན་པོ་གཙོས་པའི་བོད་མི་གནས་སྡོད་ས་གནས་ཁག་ཏུ་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་འཁྲུངས་སྐར་སྲུང་བརྩི་ཞུས།
- ༸གོང་ས་༸སྐྱབས་མགོན་ཆེན་པོ་མཆོག་གིས་དད་ལྡན་པ་ ༣༠༠ ལྷག་ལ་མང་མཇལ་སྩལ་བ།
- རྒྱ་ནག་དང་རྒྱ་གར་གཉིས་གྲོས་མོལ་གྱིས། རྒྱ་གར་གྱི་གནས་སྐོར་བ་རྣམས་བོད་ནང་གངས་རིན་པོ་ཆེར་གནས་མཇལ་དུ་བསྐྱོད་རྒྱུ་བསྐྱར་དུ་སྒོ་འབྱེད་རྒྱུ་རེད་འདུག
- ལྷོ་ཀོ་རི་ཡའི་མི་སྒེར་གྱི་གནས་ཚུལ་སྲུང་སྐྱོབ་ལྟ་ཞིབ་ཁང་གིས་ཌིབ་སིག་གིས་ལྷོ་ཀོ་རི་ཡའི་མི་ས་ཡ་༡.༥ཡི་གནས་ཚུལ་ཁྲིམས་འགལ་ཐོག་རྐུ་ཁྱེར་བྱེད་བཞིན་པ་གསལ་སྟོན་བྱས་འདུག