དམག་མིས་ཁེངས་བའི་རྨ་ཆུའི་གེ་སར་རྟ་རྒྱུག་འགྲན་ཚོགས།
2016.08.18
དམག་གིས་ཁེངས་བའི་རྨ་ཆུའི་གེ་སར་རྟ་རྒྱུག་འགྲན་ཚོགས་སྐབས། ༢༠༡༦།༨།༡༧
བོད་འབྱོར།
མདོ་སྨད་རྨ་ཆུ་རྫོང་དུ་ཚོགས་པའི་གེ་སར་རྟ་རྒྱུག་སྐབས་རྒྱ་ནག་གཞུང་གིས་དམག་མི་མང་པོ་བཏང་ནས་ས་གནས་སུ་དམ་དྲག་ཆེན་པོ་བྱས་ཡོད་འདུག
དེ་ཡང་བོད་ནས་འདི་ག་རླུང་འཕྲིན་ཁང་ལ་གནས་ཚུལ་འབྱོར་བ་ལྟར་ན། སྤྱི་ལོ་༢༠༡༦་ལོའི་ཟླ་༨་ཚེས་༡༣་ནས་ཚེས་༡༧་བར་མདོ་སྨད་ཀན་ལྷོ་རྨ་ཆུ་རྫོང་དུ་གྲགས་ཆེ་བའི་ཨེ་ཤེ་ཡ་གླིང་གི་རྩྭ་ས་དང་པོར་འབོད་པའི་རྨ་ཆུའི་རྩྭ་ཐང་དུ། རྨ་ཆུའི་སྐབས་བཅུ་བའི་གེ་སར་རྟ་རྒྱུག་དུས་ཆེན་དང་། སྐབས་བཞི་བའི་ནོར་ལུག་དང་འབྲོག་ཁྱིའི་འགྲེམ་སྟོན་དཔྱད་བསྡུར་འགྲན་ཚོགས་ ཞེས་བ་བསྡུས་ཡོད་པ་དང་། སྐབས་དེར་རྒྱ་ནག་གཞུང་གིས་ས་གནས་སུ་དྲག་ཆས་དམག་མི་དང་། ཉེན་རྟོག་པ་། སྒྲིག་ཆས་གྱོན་མེད་པའི་གསང་བའི་མི་སྣ་སོགས་འབོར་ཆེན་གང་སར་བཀྲམ་ནས་བོད་མི་ཚོས་ངོ་རྒོལ་ལས་འགུལ་དང་། ཆབ་སྲིད་གནད་དོན་རིགས་མི་ཡོང་བའི་ཆེད་དོགས་ཟོན་དང་དམ་དྲག་ཆེན་པོ་བྱས་ཡོད་པ་རེད།
དེའི་ཐད་ས་གནས་ཡུལ་མི་ཞིག་གིས་བརྗོད་དོན། དེ་སྔའི་རྨ་ཆུའི་སྲོལ་རྒྱུན་གྱི་རྟ་རྒྱུག་དེ་ད་སྐབས་ཀྲུང་གོའི་རྨ་ཆུའི་རྟ་རྒྱུག་ཞེས་བཙན་གྱིས་མིང་སྦྱར་བ་དང་། རྟ་རྒྱུག་སྐབས་དམག་མི་དང་ཉེན་རྟོག་པ་འབོར་ཆེན་འགྲེམས་འཇོག་བྱས་ནས་རྟ་རྒྱུག་ཐང་ནི་དམག་གིས་ཁེངས་བའི་གཡུལ་ས་འདྲ་བོ་འདུག་ཅེས་བརྗོད་བྱུང་།
ལོ་ལྟར་སྤྱི་ཟླ་༨་པའི་ནང་ཀན་ལྷོ་ཁུལ་རྨ་ཆུ་རྫོང་དུ་གེ་སར་གླིང་གི་རྟ་རྒྱུག་རྒྱལ་འཇོག་འགྲན་ཚོགས་ཞེས་བ་བསྡུས་ཏེ། རྒྱལ་ཡོགས་ཀྱི་ས་ཁུལ་གང་ས་ནས་ལྟད་མོ་བ་ཁྲི་ཚོ་མང་པོ་འཛོམས་པ་ཁྱབ་བསྒྲགས་དང་མཉམ། སྐབས་དེར་ས་གནས་རྒྱ་ནག་གི་ཉེན་རྟོག་ལས་ཁུངས་ནས། རྟ་རྒྱུག་སྐབས་མི་ཚོགས་མང་པོ་གང་བྱུང་འདུ་འཛོམས་མི་ཆོག་པ་དང་། ངོ་རྒོལ་གྱི་ལས་འགུལ་སྤེལ་མི་ཆོག་པ། མཚོན་ཆ་དང་མེ་སྤར་བྱེད་ཀྱི་དངོས་རྫས་རིགས་འཁྱེར་མི་ཆོག་པ་སོགས་སྒྲིག་གཞི་ཁག་གཅིག་གསལ་བསྒྲགས་བྱས་ནས་དེ་དང་འགལ་ཚེ་ཐག་གཅོད་ནན་མོ་བྱེད་རྒྱུའི་ཉེན་བརྡ་བཏང་ཡོད་པ་རེད།
གོང་གི་རྨ་ཆུའི་གེ་སར་རྟ་རྒྱུག་ནི་ཀན་ལྷོ་ཁུལ་རྒྱ་ནག་དམར་ཤོག་ཚོགས་པ་དང་། སྲིད་གཞུང་གིས་སྤྱིའི་བཀོད་སྒྲིག་ཐོག། ཐེངས་འདིའི་རྟ་རྒྱུག་འགྲན་ཚོགས་སྟེང་རྡུང་ལེན་འཁྲབ་སྟོན་དང་། སྐོར་བྲོ་འཁྲབ་སྟོན། རྟ་ཐོག་སྤོ་ལོའི་འགྲན་སྡུར། ད་དུང་ནོར་གནག་དང་། བོད་ལུག འབྲོག་ཁྱི་སོགས་ཀྱི་དཔྱད་སྡུར་འགྲེམས་སྟོན་ཀྱང་བསྡུས་ཡོད་པ་རེད་འདུག།
དེ་བཞིན་ཟླ་འདི་ནང་མདོ་སྨད་ཀན་ལྷོ་ཀླུ་ཆུ་རྫོང་དུ་ཡང་ཀྲུང་གོའི་སྐོར་བྲོ་འགྲན་ཚོགས་ཞེས་བ་ཡང་བསྡུས་ཡོད་པ་རེད།
ཉིན་ཤས་གོང་AFP་གསར་ལས་ཁང་གིས་བོད་ནས་གནས་ཚུལ་སྤེལ་བ་ལྟར་ན། བོད་ཀྱི་སྲོལ་རྒྱུན་རྟ་རྒྱུག་དུས་སྟོན་ཁག་ད་སྐབས་རྒྱ་ནག་གི་དྲིལ་བསྒྲཊ་བྱེད་སྒོ་ལ་འགྱུར་བཞིན་པ་དང་། རྒྱ་ནག་གི་དཔོན་རིགས་ཚོས་བོད་ཀྱི་རྟ་རྒྱུག་དུས་སྟོན་གྱི་བྱེད་སྒོ་དེ་བཞིན་ད་སྐབས་བོད་ཀྱི་གནས་སྟངས་ཡག་པོ་ཡོད་ཚུལ་ཕྱིར་དྲིལ་བསྒྲགས་ཀྱི་དམིཊ་ཡུལ་འཛིན་པའི་གནས་ཚུལ་སྤེལ་འདུག
གསར་འགོད་པ་ཀླུ་འབུམ།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་གིས་ཨ་རིར་གཞུང་འབྲེལ་ཕྱོགས་ཕེབས་དང་འབྲེལ་ཨ་རིའི་བོད་དོན་དམིགས་བསལ་འབྲེལ་མཐུད་པ་བསྐོ་གཞག་དགོས་པའི་འབོད་སྐུལ་ཞུས་འདུག
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- བྱེས་ཀྱི་གདན་ས་བཀྲིས་ལྷུན་པོ་གཙོས་པའི་བོད་མི་གནས་སྡོད་ས་གནས་ཁག་ཏུ་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་འཁྲུངས་སྐར་སྲུང་བརྩི་ཞུས།
- ཌེ་ལྦེཌ་པར་ཌུ་ལགས་ཨ་རིའི་རྒྱ་ནག་གི་གཞུང་ཚབ་ཆེན་མོར་བསྐོ་གཞག་གནང་གཏན་འཁེལ་འདུག
- རྒྱ་ནག་དང་རྒྱ་གར་གཉིས་གྲོས་མོལ་གྱིས། རྒྱ་གར་གྱི་གནས་སྐོར་བ་རྣམས་བོད་ནང་གངས་རིན་པོ་ཆེར་གནས་མཇལ་དུ་བསྐྱོད་རྒྱུ་བསྐྱར་དུ་སྒོ་འབྱེད་རྒྱུ་རེད་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་དད་ལྡན་པ་ ༣༠༠ ལྷག་ལ་མང་མཇལ་སྩལ་བ།
- ལྷོ་ཀོ་རི་ཡའི་མི་སྒེར་གྱི་གནས་ཚུལ་སྲུང་སྐྱོབ་ལྟ་ཞིབ་ཁང་གིས་ཌིབ་སིག་གིས་ལྷོ་ཀོ་རི་ཡའི་མི་ས་ཡ་༡.༥ཡི་གནས་ཚུལ་ཁྲིམས་འགལ་ཐོག་རྐུ་ཁྱེར་བྱེད་བཞིན་པ་གསལ་སྟོན་བྱས་འདུག