༸གོང་ས་མཆོག་དང་ཕེ་རན་སིའི་སྲིད་འཛིན་བར་མཇལ་འཆར་ལ་རྒྱ་གཞུང་ནས་ངོ་རྒོལ།

༄༅༎རྒྱ་ནག་གི་ཕྱི་འབྲེལ་མགྲིན་ཚབ་པ་ལིའུ་ཅན་ཁྲའོ་ཡིས་གསུང་པར་ ཡུལ་གྲུ་སུ་ཞིག་གིས་ཏཱ་ལའི་བླ་མ་དང་ཐུག་འཕྲད་བྱ་རྒྱུར་དགག་ཆ་ཡོད་ཅེས་དང་དེ་བཞིན་ཏཱ་ལའི་སྐུ་ཚབ་དང་རྒྱ་ནག་དབུས་གཞུང་དབར་མཇལ་མོལ་གནང་རྒྱུ་དེའང་རྒྱ་ནག་ནང་ཁུལ་གྱི་གནད་དོན་ཞིག་ཡིན་པ་ལས་དེར་ཕྱིའི་རྒྱལ་ཁབ་ཀྱིས་ཐེ་བྱུས་བྱེད་མི་རུང་བ་ཞིག་དང་དེ་བཞིན་ཨོ་ལིམ་པིག་ལུས་རྩལ་འགྲན་ཚོགས་དང་བོད་ཀྱི་གནད་དོན་མཉམ་བསྲེས་བྱ་རྒྱུར་ངོ་རྒོལ་ཡོད་ཅེས་གསུང་ཡོད་པ་རེད་ ཕེ་རན་སིའི་བརྙན་འཕྲིན་ཞིག་ནང་སྤྱི་ཟླ་༦པའི་ཚེས་༣༠ཉིན་ཕེ་རན་སིའི་སྲིད་འཛིན་ ནི་ཀོ་ལ་སེ་ སར་ཀོ་ཛི་ མཆོག་གིས་གསུང་པར་ གལ་ཏེ་རྒྱ་ནག་གཞུང་གིས་བོད་མིའི་དབུ་ཁྲིད་༸གོང་ས་༸སྐྱབས་མགོན་ཆེན་པོ་མཆོག་གི་སྐུ་ཚབ་དང་གྲོས་མོལ་འགོ་འཛུགས་གནང་བ་ཡིན་ན་ ཕེ་རན་སིའི་སྲིད་འཛིན་མཆོག་ཨོ་ལིམ་པིག་གི་ལུས་རྩལ་འགྲན་ཚོགས་སར་ཕེབས་སྲིད་པའི་སྐོར་དང་དེ་བཞིན་ཕེ་རན་སིའི་སྲིད་འཛིན་མཆོག་གིས་རྒྱ་ནག་གི་སྲིད་འཛིན་ཧུ་ཅིན་ཐའོ་དང་༸གོང་ས་༸སྐྱབས་མགོན་ཆེན་པོ་མཆོག་དབར་བོད་ཀྱི་གནད་དོན་སེལ་ཆེད་གྲོས་མོལ་ཡག་པོ་ཡོང་བའི་ཐུགས་རེ་གནང་གི་ཡོད་ལུགས་སོགས་རྒྱ་ནག་གི་ཕྱོགས་ནས་དགོངས་བཞེས་གནང་བ་ཡིན་ན་ རྒྱ་ནག་ཏུ་ཨོ་ལིམ་པིག་རྩེད་འགྲན་གྱི་འགོ་འབྱེད་ཀྱི་མཛད་སྒོའི་སར་མཉམ་ཞུགས་གནང་རྒྱུ་ཡིན་ལུགས་འགྲེལ་བརྗོད་གནང་ཡོད་པ་རེད། སྤྱི་ཟླ་༨པའི་ནང་༸གོང་ས་༸སྐྱབས་མགོན་ཆེན་པོ་མཆོག་དང་མཇལ་འཕྲད་གནང་སྲིད་པའི་སྐོར་གསུང་ཡོད་པའི་གནས་ཚུལ་ཐོན་བཞག།