རྒྱ་ནག་ཏུ་ཁྲེང་ཀོང་ཁྲེང་ལ་དམ་བསྒྲགས་ཅུང་ལྷོད་དུ་བཏང།

༄༅༎རྒྱ་ནག་གཞུང་གིས་ཁྲིམས་རྩོད་དོན་གཉེར་བ་ལོང་བ་ཁྲེན་ཀོང་ཁྲེང་ཐོག་དམ་བསྒྲགས་ཅུང་ལྷོད་དུ་བཏང་ཡོད་སྐོར་ཁོང་གི་ཁྱིམ་ཚང་དང་ཉེ་བོ་ཡོད་པའི་གནས་ཚུལ་འབྱུང་ཁུངས་ཀྱིས་བརྗོད་འདུག།
རྒྱ་ནག་ཤར་ཕྱོགས་ཧྲན་ཏུང་ཞིང་ཆེན་གྱི་ལིན་ཡི་ས་གནས་སྲིད་གཞུང་གིས་ཕྱི་ཟླ་༡༠པའི་ནང་ ལོ་ན་༧༧ཡིན་པའི་ཁྲེན་གྱི་སྐྱེས་མར་ བཟའ་ཆ་ཉོ་ཕྱིར་ཁྱིམ་ནས་ཕྱིར་ཐོན་བཅུགས་ཡོད་པའི་གནས་ཚུལ་ཐོན་པ་དེ་ནི། འདས་པའི་ཟླ་བ་༡༥ཙམ་རིང་ ཁྲེན་དང་ཁྲེན་གྱི་ནང་མི་ཚོ་བཟང་བཙོན་འོག་བཞག་པའི་དམ་བསྒྲཌ་དེ་ཅུང་ཟད་ལྷུ་ཡངས་ཏུ་བཏང་འི་རྟགས་མཚན་ཞིག་ཡིན་སྐོར་ དམངས་གཙོ་དོན་གཉེར་བ་ཚོས་བརྗོད་བཞག།
རྒྱ་ནག་ཤར་ཕྱོགས་གྲོང་ཁྱེར་ནན་ཅིང་ནང་ཡོད་པའི་ཆབ་སྲིད་དོན་གཉེར་བ་ཧེ་པེ་རོང་ཡིས་རུཡེ་ཊར་གསར་ལས་ཁང་ལ། ཁྲེན་ལ་རྒྱབ་སྐྱོར་བྱེད་མཁན་ཚོས་རེ་བ་བཏོན་པ་ཁག་ཅིག་ལ་ ཧྲན་ཏུང་ཞིང་ཆེན་ས་གནས་སྲིད་གཞུང་གིས་ཉན་འཇོག་བྱས་ཡོད་པ་དང༌། དེ་ཚོའི་གྲས་སུ་ རྒྱབ་སྐྱོར་བ་ཚོས་ཁྲེན་ལ་བསྐུར་བའི་སྨན་དེ་ཚོ་ལེན་བཅུགས་ཡོད་པ་དང༌། ཁོང་གི་བུ་མོ་ལོ་དྲུག་ལ་སླེབས་པ་དེ་སློབ་གྲར་འགྲོ་ཆོག་པའི་ཆོག་མཆན་སོགས་སྤྲད་ཡོད་པ་རེད།