ཨ་རིས་ཐའེ་ལྦན་ལ་གོ་མཚོན་ཚོང་རྒྱུར་རྒྱ་ནག་གིས་བསྐྱོན་བརྗོད།

༄༅༎ཨ་རི་གཞུང་གིས་ཐའེ་ལྦན་ལ་ཨ་སྒོར་ཐེར་འབུམ་དྲུག་ལྷག་གནས་པའི་དམག་དོན་གོ་མཚོན་ཕྱིར་ཚོང་བྱ་རྒྱུ་ཐག་གཅོད་ཕྱིར་བསྒྲགས་གནང་བའི་རྗེས། ད་རེས་གཟའ་སྤེན་པའི་ཉིན་རྒྱ་ནག་གཞུང་གིས་བསྐྱོན་བརྗོད་བྱས་ཡོད་ཅིང༌། རྒྱ་ནག་ཕྱི་སྲིད་ལས་ཁང་གི་མགྲིན་ཚབ་པ་ལིའུ་ཅན་ཁྲའོ་ཡིས་གསར་འགོད་ལྷན་ཚོགས་ཐོག་ཨ་རིའི་གྲོས་ཚོགས་ནས་ཐའེ་ལྦན་ལ་དམག་དོན་གྱི་གོ་མཚོན་ཕྱིར་ཚོང་བྱ་རྒྱུའི་ཐག་གཅོད་བྱས་པ་དེར་རྒྱ་ནག་གཞུང་གིས་མཐའ་ཅིག་ཏུ་ངོ་རྒོལ་བྱ་རྒྱུ་ཡིན་པ་དང༌། ཨ་རིའི་གྲོས་ཚོགས་ཀྱི་ཐག་གཅོད་དེས་རྒྱ་ནག་གི་ཁེ་ཕན་དང་དེ་བཞིན་རྒྱ་ནག་དང་ཨ་རིའི་དབར་གྱི་འབྲེལ་ལམ་ལ་གནོད་སྐྱོན་བཏང་བ་ཞིན་ཡིན་པ་མ་ཟད་རྒྱ་ནག་གི་ནང་སྲིད་ལ་ཐེ་ཇུས་བྱས་པ་ཞིག་ཡིན་པའི་བསྐྱོན་བརྗོད་བྱས་ཡོད་པ་རེད། དེ་བཞིན་རྒྱ་ནག་ཕྱི་སྲིད་ལས་ཁང་གི་མགྲིན་ཚབ་པ་ལིའུ་ཅན་ཁྲའོ་ཡིས་མུ་མཐུད་བརྗོད་པར། ཨ་རི་གཞུང་གིས་ཐའེ་ལྦན་ལ་དམག་དོན་གོ་མཚོན་ཕྱིར་ཚོང་བྱ་རྒྱུའི་ཐག་གཅོད་དེས་ཐའེ་ལྦན་དང་རྒྱ་ནག་དབར་གྱི་ཞི་བའི་འབྲེལ་ལམ་ལ་གནོད་འཚེ་ཕོག་རྒྱུ་ཡིན་པར་བརྟེན། ཨ་རི་གཞུང་གིས་ཐའེ་ལྦན་ལ་དམག་དོན་གྱི་གོ་མཚོན་ཕྱིར་ཚོང་བྱ་རྒྱུ་མཚམས་འཇོག་གནང་སྟེ། ཨ་རི་གཞུང་གིས་ཐའེ་ལྦན་དེ་བཞིན་རྒྱ་ནག་གཅིག་གི་མངའ་ཁོངས་ཡིན་པའི་རྒྱ་ནག་དང་ཨ་རིའི་དབར་གྱི་གྲོས་མཐུན་གཞིར་བཟུང་ལག་བསྟར་གནང་དགོས་པའི་འབོད་སྐུལ་ཡང་ཞུས་ཡོད་པ་རེད། ཡིན་ནའི་ཐའེ་ལྦན་གཞུང་གི་ཨ་རིའི་ས་གནས་དམག་དོན་གོ་མཚོན་ཉོ་སྒྲུབ་བྱེད་ཡས་དེ་ནི་ཐའེ་ལྦན་གྱི་རང་སྲུང་ནུས་པ་འཐུས་གུ་ཚང་དུ་གཏང་རྒྱུ་ལས་རྒྱ་ནག་ལ་ཁ་གཏད་གཅོག་རྒྱུའི་ཆེད་མིན་པ་བསྐྱར་བཟློས་གནང་ཡོད་པ་རེད༎