ན་ནིང་རྒྱ་ནག་གིས་དམག་སྤྱི་རིམ་པ་༡༦ལ་ཞིབ་དཔྱོད་བྱས་འདུག
2015.01.15
རྒྱ་ནག་གི་སྲིད་འཛིན་ཞི་ཅིན་ཕེན། ༢༠༡༣།༦
AFP
ན་ནིང་རྒྱ་ནག་གི་དམག་དཔུང་ནང་དམག་སྤྱི་རིམ་པའི་དམག་དཔོན་༡༦ལ་ཞིབ་དཔྱོད་ཐེར་འདོན་བྱས་ཡོད་འདུག
དེ་རིང་BBCགསར་ལས་ཁང་གིས་གནས་ཚུལ་སྤེལ་དོན། རྒྱ་ནག་དམག་དཔུང་ཕྱོགས་ནས་ཚེས་༡༥་ཉིན་སྤེལ་བའི་གནས་ཚུལ་ཞིག་ལུང་འདྲེན་བྱས་པའི་ནང་། འདས་བའི་སྤྱི་ལོ་༢༠༡༤་ལོར་རྒྱ་ནག་དམག་དཔུང་ནང་དམག་སྤྱི་རིམ་པའི་དམག་དཔོན་གྱིས་ལྐོག་ཟ་རུལ་སུངས་ཀྱི་གྱོད་དོན་དང་འབྲེལ་བའི་གནས་ཚུལ་སྤེལ་བ་དང་། ན་ནིང་རྒྱ་ནག་གི་དམག་དཔུང་ནང་དམག་སྤྱི་རིམ་པའི་དམག་དཔོན་༡༦ལ་ཞིབ་དཔྱོད་ཐེར་འདོིན་བྱས་ཡོད་འདུག གནས་ཚུལ་དུ་བཀོད་པར། རྒྱ་ནག་དམག་དོན་ལྷན་ཁང་གི་གཙོ་འཛིན་གཞོན་པ་ཤུད་ཚའི་ཧའོ་ཡིས་སྒྲིག་འགལ་ཉེས་བསགས་ཀྱིས་རྐྱེན་པས་སྤྱི་༢༠༡༤་ལོའི་ཟླ ༦་པའི་ནང་གྱོད་དོན་ཞིབ་བཤེར་བྱས་པ་དང་། དེའི་རྗེས་རྒྱབ་ཕྱོགས་ཞབས་ཞུ་ཁང་གི་འགན་འཛིན་གཞོན་པ་ལི་ཅིན་གྱིས་སྒྲིག་འགལ་ཉེས་བསགས་ཀྱིས་ཞིབ་བཤེར་བྱས་ཡོད་པ་རེད། ཁ་ས་རྒྱ་ནག་གཞུང་ཕྱོགས་ཀྱིས་སྐབས་བཅོ་བརྒྱད་པའི་ཀྲུང་དབྱང་སྒྲིག་ཁྲིམས་ཞིབ་བཤེར་ལྷན་ཁང་གི་ཚོགས་འདུ་ཐེངས་ལྔ་པ་བསྐོང་ཚོགས་བྱས་ཏེ་ཚོགས་འདུའི་ཐོག་༢༠༡༥་ལོར་རྒྱ་ནག་གི་རྒྱལ་གཉེར་ཁེ་ལས་ལ་ཞིབ་དཔྱོད་བསྐོར་བསྐྱོད་ཀྱི་ཚད་གཞི་མཐོ་རུ་གཏོང་རྒྱུ་གསལ་ཡོད་ཅིང་། དམིགས་བསལ་དོ་སྣང་བྱེད་གཞི་ཞིག་ནི་ཐེངས་འདིའི་ཚོགས་འདུར་ཟུར་ཞུགས་བྱེད་མཁན་ཁོངས་སུ་དམག་དཔུང་ཕྱོགས་ནས་གྲངས་འབོར་མང་ཤོས་ཟིན་ཡོད་པ་དེས་རྒྱ་ནག་དམག་དཔུང་ནང་གི་ལྐོག་ཟ་རུལ་སུངས་ལ་ངོ་རྒོལ་བྱེད་པ་ཛ་དྲག་རུ་དྲག་རུ་འགྲོ་བཞིན་པ་མངོན་ཡོད་པ་རེད། གོང་དུ་གསལ་བ་བཞིན་ཀྲུང་དབྱང་དམག་དོན་ལྷན་ཁང་གི་གཙོ་འཛིན་གཞོན་པ་ཤུད་ཚའི་ཧའོ་དང་། རྒྱབ་ཕྱོགས་ཞབས་ཞུ་ཁང་གི་འགན་འཛིན་གཞོན་པ་ཀུའུ་ཅུན་ཧྲན་སོགས་དམག་དཔུང་ནང་གི་ལྐོག་ཟ་རུལ་སུངས་བ་ཆེ་ཤོས་གཉིས་ལ་ཞིབ་བཤེར་གནས་དབྱུང་བཏང་བ་ནས་བཟུང་རྒྱ་ནག་དམག་དཔུང་ནང་གི་ལྐོག་ཟ་རུལ་སུངས་ལ་ངོ་རྒོལ་བྱེད་པའི་རླུང་འཚུབ་དེ་རྒྱ་ནག་དམག་དཔུང་ཁྱོན་ཡོངས་ལ་ཁྱབ་ནས་རིམ་པས་དམག་སྤྱི་དང་། ཆབ་སྲིད་འགན་འཛིན་སོགས་ཁག་ཅིག་ཞིབ་བཤེར་ཕོག་ཡོད་པ་རེད
གསར་འགོད་པ་འཇམ་དཔལ་ཕུན་ཚོགས།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག
- བྱེས་ཀྱི་གདན་ས་བཀྲིས་ལྷུན་པོ་གཙོས་པའི་བོད་མི་གནས་སྡོད་ས་གནས་ཁག་ཏུ་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་འཁྲུངས་སྐར་སྲུང་བརྩི་ཞུས།
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- རྒྱ་ནག་དང་རྒྱ་གར་གཉིས་གྲོས་མོལ་གྱིས། རྒྱ་གར་གྱི་གནས་སྐོར་བ་རྣམས་བོད་ནང་གངས་རིན་པོ་ཆེར་གནས་མཇལ་དུ་བསྐྱོད་རྒྱུ་བསྐྱར་དུ་སྒོ་འབྱེད་རྒྱུ་རེད་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་དད་ལྡན་པ་ ༣༠༠ ལྷག་ལ་མང་མཇལ་སྩལ་བ།
- ལྷོ་ཀོ་རི་ཡའི་མི་སྒེར་གྱི་གནས་ཚུལ་སྲུང་སྐྱོབ་ལྟ་ཞིབ་ཁང་གིས་ཌིབ་སིག་གིས་ལྷོ་ཀོ་རི་ཡའི་མི་ས་ཡ་༡.༥ཡི་གནས་ཚུལ་ཁྲིམས་འགལ་ཐོག་རྐུ་ཁྱེར་བྱེད་བཞིན་པ་གསལ་སྟོན་བྱས་འདུག
- རྒྱ་ནག་གིས་ཀཤ་མིར་དོན་རྐྱེན་དང་འབྲེལ་ཞིབ་འཇུག་ཚད་ལྡན་དགོས་སྐོར་བརྗོད་བཞིན་པ་ནི་རྒྱ་ནག་གིས་གཉེར་བཞིན་པའི་བྱ་གཞག་དང་འགལ་ཟླར་འགྲོ་བཞིན་ཡོད་པ། ཉམས་ཞིབ་པས་གསུངས་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་བོད་མི་མང་སྤྱི་འཐུས་སྦྲེལ་པོ་རྣམ་གཉིས་ལ་མཇལ་ཁ་སྩལ་བ།