རྡ་སར་གདུང་སེམས་མཉམ་བསྐྱེད་ཀྱི་མར་མེའི་ཁྲོམ་སྐོར།

༄༅༎ཕྱི་ཟླ་༣ཚེས་༡༧ གྱི་ཕྱི་དྲོ་བཞུགས་སྒར་རྡ་རམ་སའི་མི་དམངས་ཉིས་བརྒྱ་ཙམ་འདུ་འཛོམས་ཀྱིས་ད་རེས་ཕྱི་ཚེས་༡༤ དང༌། ༡༦ ། ༡༧ བསྟུད་མར་བོད་མི་གསུམ་གྱིས་བོད་དོན་ཆེད་དུ་རང་ལུས་མེ་བསྲེག་བཏང་བར་གདུང་སེམས་ཉམས་བསྐྱེད་ཞུ་ཆེད་མར་མེའི་ཁྲོམ་སྐོར་གནང་ཡོད་པ་རེད།
དེ་ཡང་ཕྱི་ཟླ་༣ཚེས་༡༤ ཉིན་གྱི་སྔ་དྲོའི་ཚོུད་༡༠ དང་ཕྱེད་ཀའི་ཐོག་གུང་གྲངས་༣༠ སོ་གྲངས་ཡིན་པའི་རེབ་གོང་རོང་བོ་དགོན་ཆེན་གྱི་སྐུ་ཞབས་འཇམ་དབྱངས་དཔལ་ལྡན་ལགས་ཀྱིས་རྒྱ་ནག་གཞུང་ལ་ངོ་རྒོལ་ཆེད་རང་ལུས་མེ་བསྲེག་བཏང་བ་དང། ཚེས་༡༦ ཕྱི་དྲོའི་ཚོུད་༥ཙམ་ལ་རང་ལོ་༢༠ སོན་པའི་མདོ་སྨད་རྔ་པ་ཀིརྟི་དགོན་པའི་རྒྱུད་པ་གྲ་ཚང་གི་སྐུ་ཞབས་བློ་བཟང་ཚུལ་ཁྲིམས་ལགས་ཀྱིས་རང་ལུས་མེ་བསྲེག་བཏང་བ། ཡང་ཕྱི་ཚེས་༡༧ གྱི་སྔ་དྲོའི་ཚོུད་༩ དང་སྐར་མ་༤༠་ཞེ་གྲངས་ཙམ་ལ་རེབ་གོང་ནས་ཡིན་པའི་སྐྱ་བོ་བསོད་ནམས་དར་རྒྱས་ལགས་ཞུ་བས། རེབ་གོང་རོང་བོ་རྒྱལ་ཐང་དུ་རང་ལུས་མེ་བསྲེག་བཏང་སྟེ་འདས་གྲོངས་སུ་ཕྱིན་པའི་ཡ་ང་བའི་དོན་རྐྱེན་རིམ་པ་ཐོན་པར་བརྟེན། ཕྱི་ཚེས་༡༧ ཉིན་བཞུགས་སྒར་རྡ་རམ་ས་ལའི་ས་གནས་འགོ་འཛིན་གྱིས་བོད་དོན་ཆེད་དུ་རང་ལུས་མེ་བསྲེག་བཏང་གནང་མཁན་ཚོར་གདུང་སེམས་ཉམས་བསྐྱེད་ཀྱི་ལས་འགུལ་གོ་སྒྲིག་གནང་བ་བཞིན། ཉིན་དེའི་ཕྱོ་དྲོའི་ཚོུད་༦ དང་ཕྱེད་ཀ་ཙམ་ལ་མི་དམངས་རྣམས་བཞུགས་སྒར་རྡ་རམ་ས་ལའི་མེག་ལོར་གྷན་ཇིའི་ཁྲོམ་གཞུང་དུ་འདུ་འཛོམས་ཀྱིས། གོང་གསལ་རྔ་པ་དང་རེབ་གོང་དུ་རང་ལུས་མེ་བསྲེག་བཏང་གནང་མཁན་ཚོའི་སྐུ་པར་དང༌། བོད་ཀྱི་རྒྱལ་དར་སོགས་བསྣམས་ཏེ། བྱང་ཆུབ་སེམས་མཆོག་རིན་པོ་ཆེ་འདོན་བཞིན་དུ་མར་མེའི་ཁྲོམ་སྐོར་གནང་ཡོད་པ་རེད།།