བོད་དཀར་མཛེས་ཁུལ་དུ་ནང་ཆོས་ངོ་སྤྲོད་ཀྱི་ལས་འགུལ།

༄༅༎བོད་ཀྱི་ཁམས་དཀར་མཛེས་ཁུལ་དུ་ཏྲེ་ཧོར་སྐྱབས་མགོན་ཐུབ་བསྟན་དགེ་ལེགས་ མཆོག་གི་ཐུགས་ཁུར་གྱི་ཐོག་ནས་གྲོང་སྡེ་དང་གྲོང་གསེབ་ཁག་གི་ནང་དུ་ནང་ཆོས་ངོ་ སྤྲོད་ཀྱི་ལས་འགུལ་ཞིག་འགོ་བཙུགས་གནང་ཡོད་པའི་གནས་ཚུལ་ཤེས་རྟོགས་བྱུང་ འདུག་། ང་ཚོའི་ཨོ་སི་ཌེ་ལི་ཡའི་གསར་འགོད་པ་ནོར་བུ་དགྲ་འདུལ་ལགས་ཀྱིས་གནས་ཚུལ་བཏང་ དོན་ལྟར་ན་ བཙན་བྱོལ་སྤྱི་ཚོགས་ནང་༧གོང་ས་སྐྱབས་མགོན་ཆེན་པོ་མཆོག་གི་དགོངས་དོན་དང་ལམ་ སྟོན་འོག་བོད་རིགས་ན་གཞོན་སོགས་ལ་ནང་ཆོས་ཀྱི་ངོ་སྤྲོད་དང་ ལྷག་དོན་དུ་ཚད་མ་རིག་པ་བརྒྱུད་ནས་སློབ་འཁྲིད་ཀྱི་ལས་རིམ་འགོ་བཙུགས་གནང་བ་ བཞིན་བོད་ཀྱི་ས་ཁུལ་ཁག་ཏུ་ཡང་ ཆོས་ཕྱོགས་ཀྱི་གོ་རྟོགས་དང་ ཤེས་བྱ་གོང་འཕེལ་གྱི་ཐོག་ནས་བོད་མིའི་ཁྲོད་དུ་ཞི་བདེ་དང་ ཡ་རབས་བཟང་སྤྱོད་ཀྱི་ཁོར་ཡུག་བསྐྲུན་པའི་ཆེད་ ནང་ཆོས་ཀྱི་ངོ་སྤྲོད་དང་ ཆོས་ཁྲིམས་ཕྱི་བསྒྲགས་གནང་གནང་ཡོད་ཅིང་། ཉེ་སྔོན་བོད་ཀྱི་ཁམས་དཀར་མཛེས་ཁུལ་དུ་ དཀར་མཛེས་དགོན་པ་དང་ ཏྲེ་ཧོར་སྐྱབས་མགོན་ཐུབ་བསྟན་དགེ་ལེགས་མཆོག་གི་བཀའ་སློབ་ལམ་སྟོན་འོག་གྲོང་ སྡེ་དང་ གྲོང་གསེབ་ཁག་ཏུ་ཆོས་ཕྱོགས་ཀྱི་ངོ་སྤྲོད་ཀྱི་ལས་འགུལ་ཞིག་འགོ་བཙུགས་གནང་ འདུག་། 
དཀར་མཛེས་ཁུལ་དུ་ནང་ཆོས་ངོ་སྤྲོད་ནང་ལུང་རྟོགས་ཀྱི་བསྟན་པའི་ ངོ་སྤྲོད་དང་ སྐྱབས་འགྲོ་སེམས་སྐྱེད་སོགས་གྲོང་སྡེ་ཁག་ཏུ་དགེ་འདུན་པ་དངོས་སུ་ཕེབས་ནས་ངོ་ སྤྲོད་གནང་གི་ཡོད་པ་རེད་འདུག་། བོད་ནས་གནས་ཚུལ་གནང་མཁན་གྱིས་དེ་འདྲའི་ནང་ཆོས་ངོ་སྤྲོད་ཀྱིས་བོད་མི་རྣམས་ལ་ ཕན་ཐོགས་ཆེན་པོ་ཡོང་གི་ཡོད་པའི་སྐོར་དཀར་མཛེས་ཁུལ་གྱི་བོད་མི་ཞིག་གིས་ འགྲེལ་བརྗོད་གནང་བ་བཅས་ཀྱི་གནས་ཚུལ་ཐོན་འདུག༎