རྒྱ་ནག་ནང་རྡོ་ཟོལ་གྱི་གཏེར་ཁ་ཞིག་གས་ཐོར་གྱི་དོན་རྐྱེན་སྐོར།

རྒྱ་ནག་ནང་རྡོ་ཟོལ་གྱི་གཏེར་ཁ་ཞིག་གས་ཐོར་གྱི་དོན་རྐྱེན་ནང་ལས་མི་བདུན་ཅུ་དོན་གསུམ་རྐྱེན་ལམ་དུ་ཕྱིན་པ་དང་དེ་མིན་དྲུག་ཅུ་རེ་ལྔ་ས་འོག་ཚུད་ཡོད་པའི་གནས་ཚུལ་ཐོན་འདུག

རེས་གཟའ་ཉི་མའི་ཉིན་ཤན་ཤི་ཞིང་ཆེན་གྱི་ཐའེ་ཡོན་གྲོང་ཁྱེར་ཉེ་འགྲམ་གྱི་ཐུན་ལན་རྡོ་ཟོལ་གྱི་བཟོ་གྲྭ་གས་ཐོར་གྱི་དོན་རྐྱེན་ནང་ལས་མི་བདུན་ཅུ་དོན་གསུམ་གྱི་ཚེ་སྲོག་ཤོར་ཡོད་པ་མ་ཟད་དྲུག་ཅུ་རེ་ལྔ་ད་དུང་ས་འོག་ཚུད་ཡོད་པ་དང་དེ་མིན་བརྒྱ་དང་བཅུ་དྲུག་སྨན་ཁང་དུ་ཡོད་པ་དང་དེའི་ཁོངས་ནས་ཉི་ཤུ་རྩ་གཅིག་ཛ་དྲག་གི་གནས་སྟངས་འོག་ཡོད་ལུགས་གཞུང་འབྲེལ་ཤིང་ཧཱ་གསར་ལས་ཁང་གིས་གནས་ཚུལ་སྤེལ་འདུག

བཀྲ་མ་ཤིས་པའི་རྐྱེན་ངན་དེ་བཞིན་རྡོ་ཟོལ་གྱི་གཏེར་ལས་ཀྱི་ཉེན་སྲུང་སྐོར་ཚོགས་ཆེན་ཐོག་མ་ཞིག་གནང་བའི་ཉིན་གཅིག་གི་རྗེས་སུ་བྱུང་ཡོད་འདུག སྤྱིར་སྟངས་རྒྱ་ནག་གི་རྡོ་ཟོལ་གྱི་གཏེར་ལས་སྲུང་སྐྱོབ་ཀྱི་གནས་སྟངས་རྒྱ་ནག་འཛམ་གླིང་ནང་སྡུག་ཤོས་ཡིན་པ་ཡོངས་གྲགས་རེད། དཔེར་ན་ཕྱི་ལོ་ཉིས་སྟོང་བདུན་ལོར་རྡོ་ཟོལ་གྱི་ལས་མི་༣༧༨༦དང་ཕྱི་ལོ་ཉིས་སྟོང་བརྒྱད་ལོར་༢༦༩༠རྐྱེན་ལམ་དུ་ཕྱིན་ཡོད་རེད། རེས་གཟའ་ཉི་མའི་རྐྱེན་ངན་བྱུང་ས་ནས་ལོ་རེར་ལྕགས་རིགས་ཊོན་ས་ཡ་ལྔ་ཙམ་ཐོན་གྱི་ཡོད་ལུགས་འགྲེལ་བརྗོད་བྱས་འདུག།