རྒྱལ་ཚོགས་ལ་ཞུ་འབོད།

༄༅།    །ཕྱི་ལོ་༢༠༡༣ ལོའི་ཟླ་ ༩ ཚེས་༩ ནས་ ༢༧ བར་མཉམ་སྦྲེལ་རྒྱལ་ཚོགས་འགྲོ་བ་མིའི་ཐོབ་ཐང་ལྷན་ཚོགས་ཀྱི་ཚོགས་འདུ་འཚོག་བཞིན་པའི་གོ་སྐབས་དང་བསྟུན། བོད་ཀྱི་མི་རབས་གསར་པའི་མཐུན་ཚོགས་ཀྱིས་སུད་སི་ཇི་ནི་ཝ་མཉམ་སྦྲེལ་རྒྱལ་ཚོགས་མདུན་དུ་ཞི་བའི་སྐད་འབོད་ཀྱི་ལས་འགུལ་ཞིག་གོ་སྒྲིག་ཞུས་ཏེ། ཉེ་ལམ་རྒྱ་ནག་གཞུང་གི་དྲང་བདེན་མ་ཡིན་པའི་ཁྲིམས་ཞིབ་འོག་རྔ་བའི་བློ་བཟང་དཀོན་མཆོག་དང་སྒྲོལ་མ་སྐྱབས་གཉིས་སྲོག་ཐོག་གཏོང་རྒྱུ་ཡིན་པའི་གསལ་བསྒྲགས་བྱས་པར་ངོ་རྒོལ་དང་། མཉམ་སྦྲེལ་རྒྱལ་ཚོགས་འགྲོ་བ་མིའི་ཐོབ་ཐང་ལྷན་ཚོགས་ཀྱིས་བོད་ཀྱི་འགྲོ་བ་མིའི་ཐོབ་ཐང་སྤྱི་དང་། ལྷག་དོན་བློ་བཟང་དཀོན་མཆོག་དང་སྒྲོལ་མ་སྐྱབས་གཉིས་ལ་རྒྱལ་སྤྱིའི་ཁྲིམས་དང་འགྲོ་བ་མིའི་ཐོབ་ཐང་གི་ཡོངས་ཁྱབ་གསལ་བསྒྲགས་ཀྱི་དགོངས་དོན་དང་མི་མཐུན་པའི་ཁྲིམས་ཆད་གཏོང་བར་རྒྱལ་ཚོགས་འགྲོ་བ་མིའི་ཐོབ་ཐང་ལྷན་ཚོགས་ཀྱི་ངོས་ནས་དྲང་བདེན་གྱིས་ལན་འདེབས་དགོས་པ་དང་། ཉེས་མེད་བོད་མི་གཉིས་ཀྱི་ཚེ་སྲོག་སྐྱོབ་དགོས་པའི་འབོད་བསྐུལ་གནང་ཡོད་པ་རེད།།