སྐྱབས་བཅོལ་དུ་འགྲོ་མཁན་མི་གྲངས་༦༡འཛིན་བཟུང་།

རེས་གཟའ་ཟླ་བའི་ཉིན་མིང་འདོན་གནང་འདོད་མེད་པའི་མཚོ་དམག་གི་དཔོན་རིགས་ཤིས་གསུངས་པར་གཞིགས་ན་འདས་པའི་ཉིན་གཉིས་ནང་ཁྲིམས་འགལ་ཐོག་བྲོས་བྱོལ་གྱིས་ཨོ་སོ་ཀྲོ་ལི་ཡའི་ནང་སྐྱབས་བཅོལ་དུ་འགྲོ་ཐབས་བྱེད་མཁན་ཐེངས་གཉིས་པ་དེ་ཡིན་ལུགས་འགྲེལ་བརྗོད་གནང་འདུག།  ཤར་ཕྱོགས་ཀྱི་མཚོ་ཁ་ནས་བྲོས་བྱོལ་བ་༦༡དེ་དག་རྒྱལ་ས་ཀོ་ལོམྦི(Colombo)ནས་ཀི་ལོ་མི་ཊར༢༦ཐམ་པའི་སར་ཊིནྐོ་མ་ལི་(Trincomalee) མཚོ་ཁར་འཁྲིད་ཡོད་འདུག།  ཉིན་གཅིག་གོང་ས་ཁུལ་དེ་ག་རང་ནས་ཡུལ་མི་༡༣༡གིས་བྲོས་ཐབས་ཁག་གཉིས་བྱས་ཡོད་པ་དེ་དག་ཀྱང་འཛིན་བཟུང་བྱས་ཡོད་འདུག།  གནས་ཚུལ་ནང་ཐོན་པར་གཞིགས་ནས་འདས་པའི་བདུན་ཕྲག་ནང་ཤི་རི་ལངྐའི་ཡུལ་མི་༣༡༥ལྷག་ཁྲིམས་འགལ་ཐོག་ཨོ་སེ་ཀྲོ་ལིའི་ནང་སྐྱབས་བཅོལ་དུ་བྲོས་ཐབས་བྱས་ཡོད་འདུག། བྲོས་བྱོལ་བ་དེ་དག་ཉེན་སྲུང་མི་སྣས་འཛིན་བཟུང་གི་ཉེན་ཁ་ཡོད་པ་མ་ཟད་མང་པོ་མཚོར་ལྷུང་ནས་ཤི་མཁན་ཡང་མི་ཉུང་བ་ཡོང་གི་ཡོད་རེད།  དཔེར་ན་འདས་པའི་བདུན་ཕྲག་ཁ་ཤས་ནང་བྲོས་བྱོལ་བ་༩༤གྲུ་ཁ་ལོག་ནས་རྐྱེན་འདས་སུ་ཕྱིན་འདུག།  ད་བར་ཨོ་སི་ཀྲོ་ལི་ཡའི་ནང་མཚོ་ཐོག་སྐྱབས་བཅོལ་ཞུ་མཁན་མང་ཆེ་བ་ཨིནྜོ་ནེ་ཤི་ཡ་ནས་ཡིན་ཀྱང་བར་ལམ་ཤི་རི་ཀངྐ་ནས་སྐྱབས་བཅོལ་ཞུ་མཁན་མང་དུ་ཕྱིན་ཡོད་འདུག