མངའ་སྡེའི་བློན་ཆེན་ལ་བོད་མིའི་བདེ་སྡུག་ཞུས་འདུག

ནང་སྲིད་བཀའ་བློན་མཆོག་རྒྱལ་སྤྱིའི་Para Gliding འམ་མཁའ་དབྱིངས་འཕུར་ལྡིང་རྩེད་འགྲན་མཇུག་སྒྲིལ་མཛད་སྒོའི་སྐུ་མགྲོན་དུ་ཕེབས་འདུག

རྒྱ་གར་ཧི་མ་ཅལ་མངའ་སྡེའི་ཀང་ར་རྫོང་ཁོངས་སུ་ཡོད་པའི་སྦིར་བོད་མིའི་གཞིས་ཆགས་ཁུལ་དུ་། མངའ་སྡེའི་ཡུལ་སྐོར་སྤྲོ་འཆམ་ལས་ཁུངས་ཀྱིས་གོ་སྒྲིག་འོག་བདུན་ཕྲག་གཅིག་རིང་རྒྱལ་སྤྱིའི་Para Gliding འམ་གནམ་མཆོངས་རྩེད་འགྲན་བྱས་ཡོད་པ་དང་། ཚེས་ ༣༡ ཉིན་འགྲན་རྩོད་མཇུག་སྒྲིལ་གྱི་མཛད་སྒོའི་ཐོག་བོད་མིའི་སྒྲིག་འཛུགས་ཀྱི་ནང་སྲིད་བཀའ་བློན་རྒྱ་རི་སྒྲོལ་མ་མཆོག་དང་། ཧི་མཱ་ཅལ་མངའ་སྡེའི་སྤྱི་ཁྱབ་བློན་ཆེན་སྐུ་ཞབས་Virbhadra Singh རྣམ་གཉིས་སྐུ་མགྲོན་དུ་གདན་ཞུས་ལྟར་ཆེད་ཕེབས་གནང་འདུག     ཝིར་བོད་མིའི་གཞིས་ཆགས་ཁུལ་དུ་རྒྱལ་སྤྱིའི་མཁའ་དབྱིངས་འཕུར་ལྡིང་རྩེད་འགྲན་མཇུག་སྒྲིལ་གྱི་མཛད་སྒོ་དང་སྟབས་བསྟུན་བཀའ་བློན་རྒྱ་རི་སྒྲོམ་མ་མཆོག་གིས་མངའ་སྡེའི་སྤྱི་ཁྱབ་བློན་ཆེན་དང་མཇལ་འཕྲད་ཀྱིས་བོད་མིའི་བདེ་སྡུག་ཁག་ཅིག་སྙན་སེང་ཡང་ཞུས་གནང་འདུག
སྦིར་གཞིས་ཆགས་ཁུལ་དུ་རྒྱལ་སྤྱིའི་མཁའ་དབྱིངས་འཕུར་ལྡིང་འགྲན་བསྡུར་ནང་འཛམ་གླིང་ས་ཕྱོགས་གང་ས་ནས་རྩེད་མགྲན་པ་མཉམ་ཞུགས་གནང་གི་ཡོད་པ་བཞིན་འདི་ལོའི་འགྲན་རྩོད་ནང་འཛམ་གླིང་ཡུལ་གྲུ་འདྲ་མིན་ཁག་༢༥ ཙམ་ནས་རྩེད་འགྲན་པ་ཁྱོན་ ༡༠༧ མཉམ་ཞུགས་གནང་འདུག